JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsidera hatúr meza foun PN diskrimina lisan sira, Lia-Na’in Karketu Motael hatama karta protesta ba PN

Konsidera hatúr meza foun PN diskrimina lisan sira, Lia-Na’in Karketu Motael hatama karta protesta ba PN

Lia-Na’in Karketu Motael Munisipíu Díli, Pio de Ataide, hato’o karta lamentasaun ba Parlamentu Nasionál (PN), tanba konsidera Parlamentu Nasionál no komisaun organizadora halo diskriminasaun ba lisan sira,  liu-liu hanesan Karketu Motael ne’ebé nu’udar mós uma-na’in ba munisípiu Díli, maibe la hetan konvite.

Tuir nia,  lisan kada munisipíu la hanesan, tanba ne’e, lisan ida, labele reprezenta lisan husi munisipíu seluk nian.

Ho nune’e, nia parte konsidera, uma fukun Parlamentu ne’ebé, nu’udar uma lisan boot Timor nian, presiza duni prezensa lisan kada munisipíu, la’os hili de’it.

Hanesan uma na’in ba munisípiu Díli, nia parte prefere iha konsensu uluk entre polítiku sira iha Parlamentu Nasionál, nune’e harii meza iha ámbitu dame nia laran, la’os harii de’it iha ódiu no vingansa polítika nia laran.

“Ita hakarak halo buat hotu tuir nia lala’ok no fukun, lia nain sira kada munisípiu hotu tenke mai para priense iha ne’e. Ami halo bei-beik ona serimónia ritual ne’e, kada munisípiu ida mai ho nia identidade rasik, maibe ida ne’e mai rungu ranga, lufu lafu de’it, la’os atu tebe dai de’it, ida ne’e ita atu husu matak malirin ba ita nia nai ulun sira ne’e, karik sira ulun malirin hotu, ita foin túr hamutuk harí meza ne’e. Maibe agora ita ita haree ida parte nune’e no ida sorin mós nune’e hela, ita haree desde 2017 mai ne’e nunka iha Governu normal, orsida rona Parlamentu, rona fali Governu mak rungu ranga. Hanesan lia nain Díli lamentavel tebes ho atividades iha 4 de Setembro ne’e, tanba Sekretáriu Estadu Arte no Kultura (SEAK) la konvida ami, ami sala saida, ne’e la’os serimónia uma-been, ne’e ita hotu nia uma, ita hotu iha direitu, tanba meza ne’e la’os privadu, ne’e povu nian, halo uma nain sai bainaka ba nia uma rasik ne’e la di’ak”, hateten Pio de Ataide ba GMN iha PN, Segunda (07/09/2020).

Lee hotu :   SEA fó pose ba xefe departamentu na’in 18

Pio akresenta, antes serimónia kultural harii meza foun ne’e, tuir loloos presiza rezolve uluk problema internal entre deputadu hotu kada bankada Parlamentar sira, nune’e labele harii de’it iha problema polítika nia leten.

“Serimónia ne’e seidauk loos, tanba sira uma laran rasik (deputadus PN) seidauk rezolve problema ulun malirin ho polítikamente”, tenik Lia-Na’in Díli ne’e.

Iha sorin seluk, tuir deputadu bankada FRETILIN, Joaquim dos Santos, afirma, prosesu hatúr meza foun ne’e, tuir dalan ne’ebé loos, tanba hetan bensaun husi Igreja Katólika, liu husi misa agradesimentu.

“Prosesu rekuperasaun ba meza ne’e, se prosesu rekonsialiasaun ne’e prosesu ketak ida no prosesu repozisaun ne’e ketak ida, buat rua ne’e labele kahur, prosesu repozisaun meza ne’e atu justifika de’it katak, PN ne’e hanesan órgaun Estadu tenke la’o ba oin, Estadu labele depende fali ba indivídu ka grupu ida nia interese. Se prosesu ne’e la’o atu defende interese maioria povu TL nia hakarak, ne’e mak prinsípiu konsensu komum, maioria nia hakarak importante liu, defende valor ne’ebé aas liu, atu defende Estadu nia ezistensia, duke ita defende valor parsial no grupu, para atu des-estabiliza Estadu ninia ezisténsia”, hateten deputadu FRETILIN ne’e.

Alende ne’e, entre lia na’in hirak ne’ebé reprezenta parte lorosa’e, loromonu no rai-klaran, durante serimonia hatúr meza foun ne’e, deskonfia mosu dezentendimentu ho ekipa komisaun organizadora Parlamentu Nasionál, antes fahe malu, tanba deskonfia mosu diskriminasaun ba montante apoiu osan transporte nian ba lia nain sira.

Lia-Na’in ida ne’ebé lakohi fó sai nia identidade ne’e hateten, tuir loloos, labele hamosu diskriminasaun, maske Parlamentu la promete loloos, maibe tanba lia nain hotu hanesan. Maske nune’e, fila ho realidade ne’e, tanba laiha podér no ho laran tomak, hakarak hadi’ak fukun ne’ebé iha.

Lee hotu :   Francisco Vas Conselho husu komunidade atu labele halo deskriminasaun ba LGBT

Entertantu, meza Prezidénsia Parlamentu Nasionál, ne’ebé ho folin kuaze dollar amerikanu rihun 4 liu ne’e, hatúr ona iha loron 4, fulan Setembru ne’e.

Relasiona ho informasaun no lamentasaun hirak ne’e hotu, GMN tenta atu konfirma Sekretária Jerál Parlamentu Nasionál, Cedelizia dos Santos, ho Prezidente Parlamentu Nasionál, Aniceto Guterres Lopes, maibe laiha fatin.

Maske nune’e, antes ne’e, Koordenadór Sekretáriu Estadu Arte-Kultura, Eugenio Sarmento, informa ona katak, konvida de’it lia na’in reprezentante de’it husi Leste, Sentrál ho  Oeste, tanba orsamentu la sufisiente.

Maibe, Informasaun ne’ebé GMN asesa ba serímonia hatúr meza ne’e, PN gasta osan kuaze hamutuk USD 20 mill. Say

Add to Comments Here!!!!

error: Content is protected.
Secured By miniOrange
You might also like:
TL selebra loron internasionál Ar Moos ba dahuluk

Sekretáriu Estadu Ambiente, Demétrio de Amaral...

Pagamentu ba lista reklamante sei realiza iha fulan ne’e

Ministériu Solidaridade Sosiál no Inkluzaun (MSSI),...

Evita abuso de poder iha instituisaun Estadu, Ângela sei keixa Lere ba MP

Grupu Rezisténsia Nasionál Defende Justisa no...

Close