JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mate-isin Amu Arnaldo halót ona iha Semitériu Semináriu Maloa Ailok-Laran

Mate-isin Amu Arnaldo halót ona iha Semitériu Semináriu Maloa Ailok-Laran

Família husi matebian Vigáriu ka Segundu Asistente Parókia Balide, Arnaldo  Soares Pereira Babo, hamutuk ho padre no madre, inklui sarani  sira husi Parókia Balide Díli, Sesta (25/9/2020) halót ona mate-isin Amu Arnaldo iha Semitériu Semináriu Ailok-Laran, Díli.

Antes atu halót família halo uluk misa requem iha igreja Balide ne’ebé prezide husi Amu Bispu Metropolitana Díli, Dom Virgílio do Carmo da Silva, SDB.

Liu husi omília, Arsebispu Dom Virgílio do Carmo, hateten, Igreja Katólika Timor-Leste lakon bibi-atan di’ak ida ne’ebé durante ne’e apoia ona Dioseze Díli, liu husi nia dedikasaun tomak ba uma kreda hodi haklaken Maromak nia liafuan ba ema hotu.

“Hatudu ona iha oras 24 Padre Arnaldo sei mate, maibe ita barak mak sei dúvida seidauk simu ho nia mate ne’e, tanba hakarak haree ho matan rasik, ne’e hotu, tanba sasukat Maromak nian. Loos duni Arse Dioseze Díli ne’e lakon nia bibi-atan di’ak ida no hanesan aman lakon ninia oan ne’ebé durante ne’e fó nia kontribuisaun ba Dioseze Díli liu husi nia dedikasaun tomak ba uma-kreda hodi haklaken Maromak ninia liafuan ba ema hotu, tanba ne’e ita mos fó agradese ba Maromak ne’ebé fó nia tempu hodi nia moris iha tinan barak nia laran”, Arsebispu Metropolitana Díli ne’e iha ninia omília wainhira lidera misa Requem iha Igreja Imaculada da Conceicão, Balide, Díli, Sesta (25/09/2020).

Dom Virgílio mós la haluha fó agradesimentu ba matebian, tanba durante iha nia moris matebian fó duni nia prontidaun hanesan Amu-Lulik, hodi kolabora di’ak ho Amu Bispu Dioseze Díli no Amu-Lulik sira hodi halo servisu ba uma kreda.

“Durante iha nia moris sai Amu-Lulik ne’e matebian fó duni nia prontidaun hanesan Amu-Lulik, obedese ba uma kreda hodi kolabora di’ak ho Amu Bispu Dioseze Díli no Amu-Lulik sira, hodi halo servisu ba uma kreda lori liafuan Maromak nian ba besik sarani, hodi haklaken Na’i Maromak nia doutrina ba ema hotu,” Dehan Arsebispu Metropolitana Díli ne’e.

Vigáriu ka Segundu Asistente Parókia Balide, Arnaldo Soares Pereira Babo, moris iha Aldeia Duhoho, Suku Haufu, Postu Administrátivu Letefoho, munisípiu Ermera, iha loron 4, fulan Abril, tinan 1979.

Oan husi Januario Babo no inan Lucia Soares. Amu Arnaldo núdar oan ba daruak, husi maun-alin na’in sanulu resin ida.

Matebian tama eskola iha Seminário Meñor Nossa Senhora de Fátima, Balide, Díli, iha loron 16, fulan Jullu, tinan 1995.

Iha loron 8, fulan Dezembru, tinan 2008, simu ordenasaun Diakonal husi Dom Alberto Ricardo da Silva no iha loron 31, fulan Maiu, tinan 2010, simu Ordenasaun Saserdotal husi Dom Ricardo da Silva.

Amu Arnaldo sai hanesan bibi-atan hahú iha tinan 2010 no koloka iha Parókia  Imaculada da Conceição Balide, iha tinan 2020 no iha loron 24, fulan Setembru ne’e, matebian hakotu iis ho idade 41, iha rezidénsia Paroquia Nossa Senhora Imaculada, Balide, Díli. aba

Lee hotu :   Railos eleitu ba prezidente konsellu munisipal Merak sai komisáriu nasionál

Add to Comments Here!!!!

error: Content is protected.
Secured By miniOrange
You might also like:
CNRT-PD: Governu presiza esplika prosesu dada kadoras mai TL

Reprezentante povu iha uma fukun Parlamentu...

PN entrega ona karta reklamasaun profesór kontratadu ba MEJD

Prezidente Komisaun G iha Parlamentu Nasionál...

MAP promete sei redúz importasaun foos

Ministru Agrikultura no Peskas (MAP), Pedro Reis, hato’o komprimisu sei servisu hamutuk ho parseiru dezenvolvimentu sira, hodi redúz ai-han importasaun ne’ebé...

Close