JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OPTT husu Governu-Igreja organiza povu halo toos ho natar

OPTT husu Governu-Igreja organiza povu halo toos ho natar

Organizasaun Popular Traballadór Timor (OPTT), husu ba entidade sira hotu, hanesan Estadu liu-liu Governu no Igreja atu organiza povu hodi halo toos ho natar inklui hakiak animal hodi hametin ekonomia Timor-Leste.

“Ami alerta ba ita-nia Estadu no Governu mobiliza povu iha Timor laran tomak hotu-hotu nia liman tenke tama toos no natar no alerta ba Igreja hodi fó alerta ba ita-nia padre no madre sira mobiliza ita-nia povu (sarani) hodi halo toos no natar nune’e ita hametin ita-nia ekonomia nasional ita bele kore-an husi dependénsia produtu husi rai-liur, tanba TL ita hatene dezde uluk kedas husi ita- nia avo sira moris iha toos no natar, nunee Timor oan tomak ne’ebé bou iha sidade Díli, bele ida-idak fila ba nia moris fatin para ita tama natar no toos para ita hametin ita-nia independénsia ekonomia”, hateten Prezidente OPTT, Ivo de Jesus Sequeira, iha nia entrevista ho JNDiário, iha Suku Hera, Postu Administrativu Metinaro, Munisípiu Díli, Domingu (27/09/20), hafoin halo kolleta Hare  hektare haat.

Prezidente OPTT, Ivo de Jesus Sequeira, husu ba Governu no Igreja, atu mobiliza povu Timor-Leste, halo toos, natar no hakiak animál, hodi bele hametin ekonomia nasionál no kore-an, husi dependénsia ba produtu husi rai liur.  

Tanba tuir Ivo katak, objetivu halo toos, natar no hakiak animal ne’e, atu konsolida no hametin RDTL nia soberania aihan, hodi kore dependénsia produtu importasaun, no hasa’e seguransa alimentar ba povu Timor-Leste.

“Iha futuru grupu kooperativa sei haka’as-an, hodi halo toos no natar inklui hakiak animal no husu ba setór produtivu sira hodi hasa’e produsaun no hasa’e koñesimentu ekonomia rai-laran nune’e bele kore dependénsia ekonomia husi rai-liur. Tanba ne’e husu mos ba membru CPD-RDTL iha teritóriu laran tomak ne’ebé seidauk halo toos no natar inklui hakiak animal hasa’e ita -nia intensifikasaun, ita nia diversifikasaun halo natar no toos hodi hatudu ba mundu ,hatudu ba orgaun soberania tomak,tamba TL hela iha rai bokur leten ,labele tane liman ba ita nia estadu bebeik, no tane liman ba rai liur, tanba bee iha potensialidade, rai iha potensialidade, bee sulin tama to’o tasi mane no to’o tasi feto bee pasiar deit,bee gratuita deit, tamba ita nia baze RDTL mak agrikultura,” hateten, Ivo de Jesus.

Prezidente UNIJMA ATIVISTA PRO-RDTL, Mário dos Reis, hatete, ba oin sei hakaas-an, hodi halo toos no natar, inklui hakiak animal, hodi hasa’e produsaun no ekonomia rai laran, nune’e bele kore dependénsia ekonomia husi rai liur no parte ida mos bele fanun sosiedade no fó korajen ba sidadaun hotu hodi bele banati tuir.

“Ami prontu koopera servisu hamutuk ho Governu no igreja  liga ba aspetu dezenvolvimentu sosial liu-liu sobre agrikula ne’ebé ita produs,hodi  enkoraza mos parte autoridade hotu ,atu servisu hamutuk atu nunee hakbiit no melhora liutan ita nia produzaun agrikola nunee ita labele dependensia husi rai liur no kria kampo servisu ba povu no sosiedade ne’ebé presiza dezenvolvimentu.Husu ba CPD labele para deit iha nee maibe tenki korazen nafatin para bele hatudu ita nia profesionalizmu, maturidade nuudar Timor oan ne’ebé hakarak fo serteza ba ita nia paiz ida nee nia distinu ikus ita bele dezenvolve ne’ebé pertense ba ita nia povu no mos ba ita nia nasaun ida”, dehan nia.

Planu ba oin, UNIJMA ATIVISTA PRO-RDTL, sei hakaas-an, hodi halo toos no natar, inklui hakiak animal, hodi hasa’e produsaun no ekonomia rai-laran, nune’e bele kore dependénsia ekonomia husi rai-liur.

UNIJMA ATIVISTA PRO-RDTL, husu mós ba membru CPD-RDTL hotu-hotu iha teritóriu laran tomak, ne’ebé seidauk halo toos no natar inklui hakiak animal, tenke esforsu hodi hasa’e intensifikasaun, diversifikasaun, hodi hatudu ba mundu, órgaun soberania tomak. aba

Lee hotu :   Sidadaun balun iha kuarentena ameasa pesoál saúde sira

Add to Comments Here!!!!

error: Content is protected.
Secured By miniOrange
You might also like:
PR: Oportunidade ba TL atu koriji frakeza estruturál sira

Prezidente Repúblika (PR), Francisco Guterres Lú...

Deputadu “alerjia” ho Xanana nia asaun karitativa, Horta sei hakerek karta ba Papa ho SekJer ONU

Diplomata senior Timor-Leste, José Ramos Horta,...

KAK prende obrigatóriu kareta husi eis funsionáriu kontratadu ME

Ekipa fiskalizasaun konjunta kompostu husi Komisaun...

Close