Sofre moras komplikadu, Renan Selak hakotu iis iha HNGV

Veteranu Faustino da Costa “Renan Selak”, Kinta (10/9/2020), hakotu iis iha Hospital Nacional Guido Valadares (HNGV), Díli, tanba sofre moras komplikadu.

Saudozu Renan Selak, durante ne’e, asume hela kargu nu’udar Vise Prezidente Konsellu Veteranu Nasional, no Prezidente Konsellu Veteranu Munisípiu Lautém.

Tuir planu, Sesta (11/9/2020), sei halo misa requiem ba saudozu, kontinua ho presta omenajen iha Comité Central da FRETILIN, no edifísiu Konsellu veteranu no mós iha Parlamentu Nasionál.

Depois halo omenajen ikus ba saudozu, familia kontinua lori mate isin ba ninia rezidensia iha bairu Ira-Ara, suku Fuiloru, postu administrativu Lospalos Villa, hodi halo serimónia kultural tuir lisan munisípiu Lautém nian.

Hafoin remata seremonia kultural, mate isin saudozu Renan Selak, nu’udar mos eis deputadu Parlamentu Nasionál husi bankada UNDERTIM iha segundu lejislatura ne’e sei haloot iha Jardim dos Herois da Patria, Metinaro.

Saudozu Faustino da Costa “Renan Selak” moris iha suku Fuiloru, Lautém iha loron 1, fulan Maiu, tinan 1957. Saudozu Renan Selak husik hela nia fen Arminda Goncalves, ho oan na’in 6. Tos

Leave a Reply

Your email address will not be published. Required fields are marked *