JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ME aplika polítika pensaun ba profesór área remota hamosu diskriminasaun

ME aplika polítika pensaun ba profesór área remota hamosu diskriminasaun

Diretór Eskola Bázika Sentrál 4 de Setembro Railaco, Sebastião de Oliveira, lamenta ho polítika pensaun ba profesór sira iha área remota husi Ministériu Edukasaun Juventude no Desportu (MEJD) la justu, tanba profesór balun ne’ebé simu pensaun ne’e servisu la kumpre oras servisu ne’ebé determinadu ona husi ministériu.

“Ami sente diskriminadu iha polítika Governu nian liu husi MEJD kriasaun lei ba pensaun ba profesór sira iha área remota no estrementu iha remota, pensaun ida ne’e 40% ba estrema remota, iha inísiu pensaun ida ne’e hahú mai nia esplikasaun 40% ba iha profesór sira iha estrema remota urbana no remota 15%, maibé realidade hatudu agora pensaun remota ba profesór sira iha remota ami sente diskrimanadu. Tanba tuir sira-nia observasaun profesór sira balun aula hahú tuku 09:00 dader no tuku 12:00 sira sai, maibé sira goza pensaun, maibé ne’ebé mak iha kapitál postu administrativu servisu hahú tuku 08:00 tenke hanorin estudante sira besik tuku 2 ho balun ne’ebé iha turnu rua to’o lorokraik, maibé la hetan pensaun ida ne’e”, Diretór Eskola Bázika Sentrál 4 de Setembro Railaco, munisípiu Ermera ne’e ba GMN, foin la-lais ne’e.

Sebastião lamenta ho polítika MEJD nian ne’e, tanba profesór balun iha área remota hanorin estudante sira la kompleta oras servisu simu “pensaun ba profesór sira iha área remota” no profesór sira iha kapitál postu administrativu ne’ebé servisu tuir oras la hetan pensaun refere.

“Ami sente diskriminadu, fó pensaun ba iha área remota ne’e iha profesór balun servisu tempu ladun tomak nia goza ida ne’ebá no profesór seluk labele goza. Ami hanoin ona oinsa muda profesór sira husi área remota mai iha kapitál postu sira, maibé sira lakohi mai tanba sira ta’uk lakon pensaun ida ne’e, tanba ne’e MEJD tenke hadi’a no halo estudu foin ba polítika ida ne’e rasik tenke kria lei fó balansu ba profesór sira hotu”, dehan Diretór Eskola Bázika Sentrál 4 de Setembro Railaco ne’e.

Nune’e mós Diretór Eskola Ensinu Báziku Sentrál Fatubessi, Francisco Saturninho Brites, konsidera, MEJD halo diskriminasaun iha implementasaun pensaun ba profesór sira iha área remota, tanba balun simu porsentu 15 no balun hetan porsentu 25.

“Realidade ami iha Fatubessi, ha’u husu tuir ha’u nia mestre sira seidauk hetan pensaun, ida ne’e nia diferénsia saída, tanba iha Fatubessi hetan 15%, iha área Lisafat balun hetan 25% no 40%. Suku Fatubessi, munisípiu Ermera mak besik sidade ka oinsa, tanba realidade hatudu Fatubessi mak dook tebes husi villa, maibé haree aplika direitu sira ne’e ladun kondis ho situasaun real”, tenik Francisco.

Relasiona ho kestaun ne’e, deputada bankada FRETILIN, Gabriela Alves, hateten, hanesan reprezentante povu ne’ebé dau-daun ne’e iha Parlamentu Nasionál (PN) sei buka tuir preokupasaun profesór sira nian ne’e tuir lei ne’ebé mak iha.

“Ita sei buka tuir falla iha ne’ebé, tanba dezde lei fó dalan ema hotu iha direitu, sé iha fatin balun laiha, tenke laiha hotu, maibé iha fatin balun barak mak hetan“, tenik Gabriela.

Entretantu durante fiskalizasaun komisaun G PN hala’o vizita ba eskola iha postu administrativu Letefoho hanesan eskola Ensinu Báziku Sentrál Raikala, Ensinu Báziku Sentrál Goulolo, Ensinu Tékniku Vokasionál iha suku Estadu no Ensinu báziku sira iha Fatubessi. ety

Lee hotu :   PR Lú Olo promete buka solusaun ba problema klínika Bairo Pite

Add to Comments Here!!!!

error: Content is protected.
Secured By miniOrange
You might also like:
Loke jogu ilegál, PSIK detein sidadaun Xinés ida

Polísia Sientífika Investigasaun Kriminál (PCIC-Sigla Português)...

Amu Ilídio Correia hakotu iis iha HNGV

Diretór Komunidade Post-Novisiadu, Salezianu Comoro, nu’udár...

Ramos Horta: Tempu ona RI rekoñese oho jornalista Australianu nain lima iha Balibo

Laureadu Nobel ba Paz, José Ramos...

Close