JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade lokál Bobonaro koopera ho ministériu relevante kontrola movimentu ilegál

Autoridade lokál Bobonaro koopera ho ministériu relevante kontrola movimentu ilegál

Administradór postu administrativu Cailaco, Munisípiu Bobonaro, Alfredo Monis da Costa, informa, nu’udár autoridade lokál iha munisípiu Bobonaro prontu koopera ho liña ministeriál sira, hodi kontrola sidadaun sira ne’ebé tama-sai ilegál iha liña fronteira.

“Durante iha pandémia COVID-19 ne’e ami hanesan autoridade lokál, ami sempre servisu maka’as hodi haree ita-nia maluk sira ne’ebé mak tama-sai ilegál iha ita-nia fronteira, tanba ita hatene katak oras ne’e dau-daun iha hela faze Estadu Emerjénsia (EE). Iha fulan Setembru nia-laran sidadaun Timor-Oan ida ho sidadaun Indonézia ida tama husi dalan ilegál mai iha postu Cailaco, maibé parte autoridade lokál informa kedas ba polísia, hodi lori ba kuarentena Batugade, maibé sidadaun Indonézia ne’e deportasi kedas ba Indonézia. Ami sempre iha kooperasaun ho parte polísia sira hodi hala’o kontrolu ba suku sira, hodi informa ba sé de’it bainhira haree ema ruma oin-foun tama iha ita-nia suko ou postu, tenke informa kedas ba iha autoridade lokál sira, atu nune’e bele lori kedas ba iha fatin kuarentena”, Administradór postu Cailaco ne’e ba GMN iha aldeia Mude, suku Meligo, postu Cailaco, Segunda semana ne’e.

Tuir Alfredo, dezde inísiu bainhira Prezidente Repúblika (PR), Francisco Guterres “Lú olo” dekreta EE, sira hahú forma ekipa taskforce ida atu kombate COVID-19 iha Timor-Leste.

“Kada fulan Administradór postu ho Xefe suku sira hala’o enkontru ho Prezidente Autoridade Munisípiu Bobonaro, hodi ko’alia kona-bá servisu saída mak durante ne’e husi parte hotu-hotu halo”, tenik Administradór postu Cailaco ne’e.

Iha sorin seluk, Koordenadora Jerál Komisaun COVID-19, Ministériu Saúde (MS), Odete da Silva Viegas, hatete, maske Governu implementa ona EE, maibé sidadaun balun kontinua la kumpre hodi tama-sai ilegál área fronteira Batugade-Bobonaro, Salele-Covalima,  Sakato Oesilo no Passabe-Oe-Cusse.

Lee hotu :   [:pt]PNTL buka tuir autor soe bebé • Amo Herminio: “Susar kombate aktu ne’e”[:id]PNTL buka tuir autor soe bebé • Amo Herminio: “Susar kombate aktu ne’e”[:en]PNTL buka tuir autor soe bebé • Amo Herminio: “Susar kombate aktu ne’e”[:tl]PNTL buka tuir autor soe bebé •Amo Herminio: “Susar kombate aktu ne’e”[:]

“Aproveita oportunidade ida ne’e hakarak hato’o ba entidade tomak dau-daun ne’e servisu MS hala’o servisu ne’ebé mak boot tebes ho ilegál ne’ebé tama la hatene loron no kalan, ida ne’e fó fali pezu  traballu ba profesionál saúde sira que tenke hala’o fali servisu iha loron-kalan no mós Sábadu-Domingu, atu bele tau matan nafatin ba ema sira ne’e, ema sira ne’ebé tama tantu legál ou ilegál ita hotu-hotu hatama sira iha fatin kuarentena ne’ebé Governu dezigna tiha ona. Husu ba sidadaun hotu atu iha konsiénsia hodi kumpre regra EE, nune’e labele fó risku ba komunidade iha rai-laran, tanba implementasaun EE ne’e foka liu ba pontu entrada sira, nune’e bele evita transmisaun Covid-19, maibé bainhira sidadaun sira kontinua tama-sai ilegál iha área fronteira mak sei fó ameasa ba komunidade nia vida”, tenik Koordenadora Jerál Komisaun COVID-19 MS ne’e.

Entretantu dau-daun ne’e, servisu Governu hatudu ona progresu ne’ebé signifikativu no fó mós ezemplu ba mundu katak, Timor-Leste iha kazu ne’ebé ki’ik no seidauk iha moras grave no mate ba COVID-19.

Tuir dadus husi MS hahú husi loron 2-18, fulan Setembru, númeru sidadaun ne’ebé kontinua hakat tuir dalan ilegál iha fronteira terestre hamutuk 386, maibé sira ne’ebé sei kontinua prosesu kuarentena hamutuk 155, kompostu husi Díli 106, Suai na’in 29 no Reziaun Administrativa Espesiál Oe-Cusse Ambeno (RAEOA) na’in 20 no iha loron 5, fulan Outubru ne’e, sidadaun ne’ebé tama-sai ilegál husi fronteira Batugade hamutuk na’in tolu (3). eni

Add to Comments Here!!!!

error: Content is protected.
Secured By miniOrange
You might also like:
PM Taur garante Governu sei ezekuta OJE ho di’ak

Primeiru Ministru (PM), Taur Matan Ruak,...

Deskonfia Vise MI fasilita kareta plat RI tama TL iha períodu EE

Deputadu bankada CNRT, José Virgílio, hatete,...

FRETILIN-PD apoia Governu investe fibra ótika iha Kosta Sul

Reprezentante povu iha uma fukun Parlamentu...

Close