JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FONGTIL dezafia Governu mantein kontrolu pontu entrada

FONGTIL dezafia Governu mantein kontrolu pontu entrada

Surtu COVID-19 nafatin rejista aas iha nasaun viziñu hanesan Indonézia no Timor-Leste mós rejista hikas kazu konfirmadu foun, tanba ne’e, Forum Organizasaun Naun Govermentál Timor-Leste (FONGTIL) dezafia Governu atu mantein kontrolu máximu odamatan ka pontu entrada iha Timor-Leste.

Tuir Diretór FONGTIL, Daniel Santos do Carmo, Timor-Leste rejista hikas kazu konfirmadu foun ho pozitivu corona vírus, tanba ne’e Governu tenke halo seguransa máximu ba portu, áeroportu no fronteira, nune’e prevene surtu COVID-19 labele da’et mai rai laran.

Alende, kontrola pontu entrada, sosiedade sivíl mós husu Ministériu Saúde (MS) hodi kontrolu mós kuarentena ne’ebé eziste, tanba sidadaun sira ne’ebé hela iha kuarentena balun la kumpre regra MS no Organizasuan Mundiál Saúde (OMS) nian, hanesan distansia sosiál, fíziku no uza máskara.

“Ita mós dezafia oinsa mak Estadu atu kontrola máximu iha liña fronteira, liu-liu rai maran nian atu evita akontese movimentu ilegál barak iha fronteira barak iha rai maran, ne’ebé ita nia polísia sira dala ruma la konsege deteta no to’o iha kazu balun ne’ebé envolve mós polísia sira fasilita fali ema movimentu ilegál tama mai, tanba ne’e mak ita dezafia ita ninia Governu atu halo kontrolu máximu ba ida ne’e, pandémia COVID-19 seidauk remata, ita la hatene nia durasaun ne’e to’o bainhira, tanba ita nia viziñu Indonézia barak, liu-liu Kupang akontese ona transmisaun lokál, oinsa mak Governu reforsa kontrolu iha fronteira, ita nafatin dezafia Governu,” dehan, Diretór FONGTIL, Daniel Santos do Carmo ba GMN, Tersa (13/10), iha Caicoli-Díli.

Dau-daun ne’e, Timor-Leste rejista fali kazu konfirmadu foun no pasiente refere halo hela tratamentu iha sala izolamentu Vera Cruz, tanba ne’e, Governu liu husi MS presiza halo kampaña no halo sensibilizasaun ba komunidade sira, liu-liu ba loja, kioske no merkadu, inklui mós fatin públiku sira, nune’e mantein regra husi MS no OMS ne’ebé implementa ona antes ne’e. Mel

Lee hotu :   Ohin komemora loron mundial feto, PPN kongratula Feto Timor-Leste

Add to Comments Here!!!!

error: Content is protected.
Secured By miniOrange
You might also like:
Kona-ba plano da Paz, Horta prontu debate ho se de’it

Diplomata senior Timor-Leste, José Ramos Horta,...

PCIC identifika autór ne’ebé deskonfia publika dokumentu segredu TR

Polísia Sientífika Investigasaun Kriminál (PCIC-Sigla Portugés)...

Durante EE, munisípiu tolu menus ai-han

Relasiona ho situasaun krize ekonomia no...

Close