JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Igreja apoia desizaun MP ba kazu eis padre RD

Igreja apoia desizaun MP ba kazu eis padre RD

Arsebispu Arkidioseze Metropolitana Díli, Dom Virgílio do Carmo da Silva SDB, deklara, igreja kontinua fó konfiansa no apoiu desizaun husi autoridade judisiál Estadu Ministériu Públiku (MP) ba kazu eis padre ho inisial RD.

“Iha loron hirak ikus ne’e mosu problema iha públiku kona-bá eis Padre Richard Dashback nia kazu, tan ne’e atan ha’u hakarak fó sai ba ema tomak katak pozisaun partikularmente arkidioseze Díli nian to’o mai iha momentu ne’e, tau nia konfiansa tomak ba autoridade judisiál, polisial Estadu nian,” dehan, Arsebispu Arkidioseze Metropolitana Díli ne’e liu husi konferénsia ba imprensa iha Lecidere-Díli, Tersa (06/10/2020).

Dom Virgílio subliña, uma kreda hakarak hafoun nia apoiu no tulun ba vítima sira ne’ebé autoridade judisiál no dala ida tan hakarak hato’o deskulpa ba hahalok hirak ne’ebé hamosu dezintendimentu.

“Hodi  arkidioseze Díli nia naran, atan ha’u ho haraik-an hato’o ami-nia deskulpa boot ba akuzasaun no alegasaun sira ne’ebé públikamente hasoru sira ne’ebé envolve iha investigasaun,” tenik Arsebispu Arkidioseze Metropolitana Díli ne’e.

Arsebispu ezonera Pe. Herminio husi kargu Diretór KJP

Ligasaun ho kazu ne’e, Dom Virgílio, ezonera mós Padre Herminio Goncalves de Fátima, husi kargu Diretór Komisaun Justisa Paz (KJP).

Arsebispu ne’e hatutan, uma kreda nafatin nakloke-an atu kolabora ho NGO hotu, nune’e mós organizasaun sosiedade sívil sira seluk, atu fó apoiu ba vítima sira.

“Relatóriu KJP nian ne’e la reflete opiniaun Arsebispu nian no sira-nia relatóriu hakat liu sira nia kompeténsia, tan ne’e ha’u deside hapara Padre (Pe.) Herminio Goncalves de Fátima, husi nia kargu Diretór Justisa no Paz Díli nian,” afirma Dom Virgílio.

Lee hotu :   Vizita Amu Papa mai TL seidauk klaru

Dom Virgílio esplika, hapara ne’e nu’udar Diretór, la’os husi Padre, tamba iha relatóriu ne’ebé nia halo iha indísiu ruma kona-ba akuzasaun hasoru Ministériu Públiku (MP).

“Ha’u foti Padre Herminio Goncalves de Fátima, nu’udar Diretór ba Deprtamentu Justisa paz iha Dioseze Díli, maibé ligasaun ho kazu ne’e, entaun ha’u deside atu hapara nia husi servisu ne’e hotu,” relata Arsebispu Virgílio.

Dom Virgílio deklara, sira-nia parte rekoñese relatóriu KJP ne’e, iha indikasaun ba akuzasaun kazu eis Padre RD.

“Ami rekoñese ida ne’e katak iha nia relatóriu ida ne’e, hatudu indikasaun ruma ne’ebé liga ho akuzasaun liga ho alegasaun, ida ne’e hahalok ida ne’ebé loloos bele haree,” subliña Dom Virgílio.

Arsebispu Arkidioseze Metropolitana Díli ne’e haktuir, Vatikanu liu husi Nunsiatura Apostólika partilla no apoiu Arsebispu ne’ebé tau konfiansa tomak iha instituisaun demokrátiku no sistema judisiál iha Timor-Leste. Cin

Add to Comments Here!!!!

error: Content is protected.
Secured By miniOrange
You might also like:
CNRT: PPN dirije meza la imparsiál ho maneira ditadura

Bankada CNRT konsidera Prezidente Parlamentu Nasionál...

PR promulga dekretu lei Sesta Bázika

Prezidente Repúblika (PR), Francisco Guterres Lú...

Sala utiliza MédSos mak hamosu kazu VD

Juíz Administradór Tribunál Distritál Díli (TDD),...

Close