JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

IPDC hili Xanana sai patronu, futuru nasaun iha foin sa’e sira-nia liman

IPDC hili Xanana sai patronu, futuru nasaun iha foin sa’e sira-nia liman

Instituto Profíssional De Canossa (IPDC), foti líder karismátiku, Kay Rala Xanana Gusmão, sai hanesan patronu, tanba Xanana hanesan líder ida ne’ebé hadomi liu ema kiik no kiak sira. Nune’e Xanana Gusmão husu ba estudante sira atu badinas aprende no estuda, tanba futuru nasaun ida ne’e iha foin sa’e sira-nia liman.

IPDC ne’ebé kompleta ona nia ezisténsia ba dala-17 foti líder populista Kay Rala Xanana Gusmão hanesan patronu ba instituisaun ne’e. Tanba haree ba ninia dedikasaun ba povu no nasaun doben ida ne’e.

Ba GMN iha Canossa Has-Laran, Díli, Domingo (4/10/2020), Reitora IPDC, Madre  Ervina Martins Brito, hatete, foti Kay Rala Xanana Gusmão ba sira nia patronu, haree husi aspetu barak, tanba haree ba hahalok ne’ebé durante ne’e Xanana hatudu, liu-liu hadomi ema kbi’it laek sira, tanba hahalok ne’e hola parte ba karisma Santa Madalena ni’an.

“Kleur ona IPDC hanoin ona hili avo Xanana hanesan ami-nia patronu, ne’ebé nia mai ona. Ita hili ema ruma sai patronu quer dizer iha kritériu ruma ne’ebé mak lori ita. Primeiru figura ida ne’ebé nia ho karakter ida liga ho Canossa nini’an, nia iha karidade, tanba hakarak ka lakohi atu lori ema ne’ebé hadomi liu kiak sira, sira ne’ebé kiik no mukit liu, entaun ida ne’e karisma pas ba Santa Madalena ni’an, entaun ami haree ema ne’ebé mak bele prátika ida ne’e, ami haree liu ida ne’e iha avo Xanana”, dehan Reitora IPDC, Madre Ervina.

Iha fatin hanesan líder karismátiku ne’e apela ba estudante sira atu kontinua estuda, tanba futuru nasaun nian iha foin sa’e sira-nia liman.

“Ba imi hotu buka matenek la’ós atu liu klase. Liu klase loos mas tenke iha koñesimentu di-di’ak saída mak estuda iha klase ne’e no aprende barak. Ita-nia rai Timor, imi mak sei kaer ba oin”, dehan Kay Rala Xanana Gusmão ba estudante Canossa sira.

Hafoin ne’e estudante sira aprezenta dansa no baku drum band, inklui dahur hamutuk ho lider karismatiku ne’e. nes

Lee hotu :   TL sei rejista Tais iha UNESCO internasionál

Add to Comments Here!!!!

error: Content is protected.
Secured By miniOrange
You might also like:
Governu inkapasidade kontrola movimentu ilegál

Uma fukun Parlamentu Nasional (PN) nota...

Semináriu sientífiku iha UNPAZ, Julio Crispim: VIII Governu laiha kapasidade jurídika

Jurista Timor-Oan, Julio Crispim, esplika, polítikamente...

PR Lú Olo dekreta EE ba daneen

Prezidente Repúblika (PR), Francisco Guterres Lú...

Close