JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kona-ba plano da Paz, Horta prontu debate ho se de’it

Kona-ba plano da Paz, Horta prontu debate ho se de’it

Diplomata senior Timor-Leste, José Ramos Horta, hatete, kona-ba Plano da Paz 1993/1994, nia prontu debate ho se-se de’it, tanba planu Plano da Paz ne’e la’os ekskluzivu.

Tuir eis Prezidente Repúblika, Ramos Horta, katak, nia rasik ba dahuluk aprezenta Plano da Paz CNRM nian iha Parlamentu Europeiu, iha fulan Abril, tinan 1992 no iha Nova Iorque iha fulan Maiu, tinan 1992.

Alende ne’e, Horta mós aprezenta Plano da Paz CNRM nian ne’e iha Noruega, iha fulan Novembru, tinan 1993.

“Ha’u prontu atu debate ho se deit, se mak hakarak debate ho ha’u kona-ba asaun diplomátika, kona-ba Plano da Paz ida ne’e, ou Larigutu ou planu seluk, akadémikamente ita bele koalia. Tanba laiha Plano da Paz ida que ita bele hatete ekskluzivu, tanba laiha dalan ida mak tanba ita lee Plano da Paz CNRM implementa duni, mas implementa iha tempu kompaktadu ne’e, ne’e mak akontese sein violénsia. Mezmu Prezidente Indonézia fiar hakarak rezolve, maibe sira la konsege kontrola situasaun iha Ambon ho seluk tan. Portanto Plano da Paz ida que bele diak teb-tebes, tenke ezekuta tuir nia tempu, ita hanoin dehan la’o diak akademikamente, mas dinámika iha rai-laran be ódiu, be kria violensia”, Ramos Horta ba GMN iha Bebora Díli, Segunda (13/10/2020), hodi hatán kona-ba Plano da Paz 1993/1994 ne’ebé Sekretáriu Jeral FRETILIN, Marí Alkatiri, liu husi nia konta facebook ezije Ramos Horta ho Xanana atu esplika ba públiku.


Eis Prezidente Repúblika ne’e mós hatete, Plano da Paz, la signifika iha diálogu ida, iha kedas solusaun no aseitasaun.

José Ramos Horta dehan, iha luta ba libertasaun Timor-Leste ne’e difisial teb-tebes, tanba mobiliza koalia ho ema International barak. Dalaruma, ema sira ne’e taka odamatan ba nia hodi koalia kona-ba problema Timor-Leste.

“Uluk nanain iha enkontru Larigutu, Viqueque, Maun Boot Xanana nu’udar komandante em Xefe FALINTIL, enkontru ho Purwanto, enkontru ne’ebé fasilitadu husi Gobernur Ir. Mario Viegas Carrascalão, aprezenta tiha ona FRETILIN ho FALINTIL nia kondisoens para solusaun ba problema Timor-Leste. Klaru pozisaun miltar indonézia nian, pozisaun Purwanto nian saida? Ne’e mak revizaun Comité Central da FRETILIN tomak, revizaun FALINTIL, garantia sira-nia seguransa, ne’e sira (Indonézia) nia proposta (maun Xanana koalia kona-ba ida ne’e foin la-lais ne’e). la signifika que ita tenta iha inisitiva diálogu ruma no iha kedas solusaun, iha kedas aseitasaun, klaru Indonézia joga ho nia forsa. Ita (Timor) tenta manan boa vontade International, hatudu ita-nia matenek, ita-nia sentidu Estadu e que ita nunka rejeita diálogu”, dehan Ramos Horta.

“Plano da Paz Conselho Nacional Resistencia Maubere (CNRM) que koalia ne’e iha primeiru ha’u koalia ka aprezenta primeiru iha Parlamentu Europeiu iha fulan Abril, tinan 1992, depois aprezenta iha Council for Relations iha Nova Iorque, fulan Maiu, tinan 1992, depois ha’u aprezenta iha Noruega, iha fulan Novembru, tinan 1993 no iha fatin bar-barak, mas ne’e ita hatene ne’e, Plano da Paz hanesan parsidu ne’e ho saida? iha 1994 Plano da Paz Mediu Oriente nian, se ita haree iha Oslo Peace Accord ne’ebé fó premiu nobel ba Yasser Arafat, ba Izac Rarin, ba Simon Peres, tuir loloos esturutura Plano da Paz CNRM nian, klaru sira hot-hotu asina iha Oslo (Noruega) mas depois Israel la kumpre, no Ali Alatas (eis Ministru Negósiu Estranjeiru Indonézia) iha 1994 iha Nova Iorque ho mediasaun Sekretáriu Jeral ONU Butros-Butros Gali nia tempu, iha Portugal Ministru Negósiu Estranjeiru, Durão Barroso, sira konsege hetan akordu ida que Ministru Negósiu Estranjeiru hasoru malu ho pro-independensia Timor-oan sira, Ministru Estranjeiru Portuges hasoru ema pro integrasaun, entaun iha momentu ne’e ha’u rasik ho José Luis Guterres (diplomata senior Timor-Leste) ami hasoru malu ho Ali Alatas iha Nova Iorque, momentu ne’e ha’u tenta konvense Ali Alatas kona-ba Plano da Paz CNRM nian ne’e no nia hatete nune’e, o nia Plano da Paz ne’e hanesan atu haksoit ba independensia no ha’u resposta ba nia (Ali Alatas) ha’u hatete nune’e, buat ne’ebé ha’u hatete, ita bo’ot la fiar, buat ne’ebé ita boot hatete ha’u la fiar. Maibe Plano da Paz ne’e loke dalan para ita koalia hetan solusaun ida. Solusaun final mak saida? sempre mak ida ne’e  tenke manan konfiansa, atu manan konfiansa mak saida? Tenke para tortura iha Timor, tenke para oho ema iha Timor, tenke hamenus forsa Indonéziu iha Timor, husik ajensia International sira tama, depois muda ba segunda faze, tenke buka demokratiza instituisoens vida polítika, instituisoens iha rai-laran, depois mak ba terseira faze mak referendu, portanto planu ne’e iha 1992. Planu ne’e presiza 7 anos ka 12 anos para implementa total, se hahú iha 1992, se ita soma planu ne’e 7 anos mínimu, máximu 12 anos faze final ba to’o iha 1999 (votasaun)”, dehan Ramos Horta.

“Realidade mak planu ne’e termina ho referendu i termina iha akordu fulan Maiu, tinan 1999, depois 30 de Agostu 1999, úniku ne’ebé la akontese Indonézia ba ita mak ida ne’e, laiha faze tranzisaun ida, se fosse faze tranzisaun ida iha, pode-ser violensia iha 1999 ne’e la akontese, mas prosesu ne’e mak ne’e, maun Xanana haree, ne’e mak ha’u rekoñese nia estraordinária vizaun, tanba oportunidade mosu ho kedas Soeharto, tanba primeiru krize ekonomika finanseira iha 1997, 1998 Soeharto monu, Habibie tama no Habibie mai hakarak kedas ho problema Timor, entaun Habibie lakohi hein tan prosesu fazeadu, i maun Xanana kaer kedas oportunidade ida ne’e”, dehan Ramos Horta.

“Sira hotu-hotu dehan ba Maun Xanana adia referendu, Portugal mos momentu ne’e adia referendu, Bispu Ximenes Belo mos hatete, adia referendu, tanba violensia, Maun Xanana tuku meza dehan, laiha adiamentu, ba oin, ba oin asina akordu 5 de maio, ba oin halo referendu iha 30 de Agosto, tanba maun Xanana hatudu nia vizaun, nia matenek, Ingles hatete, Window of opportunity ka janela oportunidade. Se o lakon oportunidade ida ne’e, tanba o ezije kondisoens oi-oin, tenke iha seguransa 100%, ne’e ita lakon oportunidade referensu sei la akontese, ne’e mak akontese Sahara Ocidental nian, ne’e mak akontese kestaun Palestina nian to’o agora, ne’e hatudu maun Xanana nia matenek”, dehan tan Ramos Horta.

“Plano da Paz, ita buka kriativu, ita buka manan espasu Internasional. Deklarasaun de prinsípiu laos Plano da Paz ida, ne’e deklarasaun de prinsiípiu. Plano da Paz buat seluk ida, o buka ho pragmatisma, ho matenek oinsa o bele manan espasu, o bele manan apoiu no ita konsege duni”.

Nune’e mós diplomata senior Timor-Leste, José Luis Guterres, hatutan, Plano da Paz ne’e hanesan instrumentu traballu para buka apoiu ba Timor-Leste nia luta.

“Akordu 5 de Maio ita hotu apoia, balu iha dúvida, maibe ho akordu ne’e mak ita iha referendu”, dehan José Luis Guterres.

Eis prezidente repúblika ne’e mós hatete, Plano da Paz, la signifika iha diálogu ida, iha kedas solusaun no aseitasaun. GMN

Lee hotu :   PM Taur: Halakon rezolusaun, aplika lei ba GAM

Add to Comments Here!!!!

error: Content is protected.
Secured By miniOrange
You might also like:
PCIC identifika autór ne’ebé deskonfia publika dokumentu segredu TR

Polísia Sientífika Investigasaun Kriminál (PCIC-Sigla Portugés)...

Durante EE, munisípiu tolu menus ai-han

Relasiona ho situasaun krize ekonomia no...

WFP simu premiu Nobel da Paz husi ONU

Diretór World Food Programme (WFP), Dageng...

Close