JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MBX kondena deputada Nelia laiha étika moral

MBX kondena deputada Nelia laiha étika moral

Movimentu Brigada Xanana (MBX), deklara, deputada FRETILIN Nelia Menezes laiha moral no la merese buka meius, buka aranzu tun-sa’e ataka eis komandante em xefe FALINTIL, Kay Rala Xanana Gusmão nia asaun karitativa ne’ebé hetan apresiasaun maka’as loos husi povu tomak.

Porta voz MBX, Rogerio Manamer da Cruz, haktuir, eis komandante em xefe FALINTIL, Kay Rala Xanana Gusmão, la’ós tempu agora iha pandemia global COVID-19 ne’e mak foin hakfodak tun ba hakoak povu, maibé nia dezde lidera funu iha ai-laran to’o hetan independensia, nia karakterístika orijinal hakoak povu no moris simples ne’e husi ne’eba kedas no ne’e natural. Tanba ne’e MBX haree katak, FRETILIN liu husi deputada Nelia Menezes laiha liafuan hodi hatete Xanana, di’ak liu ko’alia buat seluk ne’ebé imi rasik halo orkestra hodi hadau poder, hodi ba ukun ne’ebé la tuir konstituisaun haruka.

 “MBX lamenta teb-tebes ho deklarasaun deputada Nelia Soares Menezes  ne’ebé nu’udar joven foinsa’e ida ne’ebé hetan ona konfiansa husi povu  atraves husi partidu FRETILIN, Timor-Oan barak hakerek sira-nia istória iha prosesu luta ba ukun rasik-an hodi tur iha Parlamentu Nasional (PN), tuir loloos hodi defende valores istóriku no espíritu luta nian ne’ebé nakonu ho umanizmu, solidariedade ho domin no karidade, ne’ebé mak ita-nia eroi no aman veteranu, inan no aman sira ne’ebé sei moris ho idade ferik no katuas ona no oferese ba malu iha situasaun difisil no susar nia laran, hodi kontinua luta ba ukun rasik-an ne’ebé ohin loron ita hotu goza”, Porta voz MBX ne’e ba GMN liu husi konferénsia imprensa, Kuarta (21/10/2020).

Rogerio kestiona ho deklarasaun ne’ebé deputada Nelia hasai iha uma fukun PN, tanba la tuir étika no moral.

“Tanba komandante em xefe das FALINTIL no líder karismátiku Kay Rala Xanana Gusmão rasik durante reziste iha ai-laran, sempre moris, han, hamlaha, toba no terus hamutuk ho povu, populasaun, liu-liu ferik no katuas sira ne’ebé iha tinan 1999 liberta Timor-Leste liu husi Konsulta Popular (referendu-red) no la’ós foin agora mak mehi tun ba hamutuk populasaun. Deputada ne’ebé idade sei ki’ik no laiha koñesimentu ba luta líder nasional no karismátiku, Kay Rala Xanana Gusmão ho eroi sira seluk ba rai ida ne’e, uza previlejiu iha PN, hodi kestiona ka atake asaun karitativa ne’ebé hala’o husi Komandante Em Xefe das FALINTIL, Kay Rala Xanana Gusmão, hanesan insulta boot hodi dezvaloriza valores istóriku ne’ebé moris iha espíritu luta nian no insultu boot ba eroi da patria no aman veteranu sira ne’ebé fó vida tomak ba luta independensia no dezenvolvimentu rai ida ne’e nian. Programa no asaun karitativa ne’ebé lider nasionál hala’o, la’ós iha situasaun normal, maibé iha momentu nasaun hotu iha mundu, inklui Timor-Leste, hasoru ameasa pandémia COVID-19 no aplika polítika Estadu Emerjénsia hodi prevene labele da’et no ameasa ba vida povu Timor-Leste, maibé iha parte seluk implika boot tebes ba kondisaun vida ekonomia, laiha ai-han no hamlaha, ne’e duni deputada Nelia Soares Menezes, laiha moral hodi kestiona programa ho asaun karitativa ne’ebé lider nasional Kay Rala Xanana hala’o”, hateten Porta voz MBX ne’e. aba

Lee hotu :   AME kondena aktu profesór haruka estudante rei-malu

Add to Comments Here!!!!

error: Content is protected.
Secured By miniOrange
You might also like:
Governu propoin PR estende EE ba dahitu

Governu liu husi Konsellu Ministru (KM)...

Evita sistema familiarizmu, KAK akompaña teste traballadór ba Austrália

Atu garante labele mosu iregularidade durante...

PN: La tempu ona Governu implementa programa sesta bázika

Xefe bankada PD iha Parlamentu Nasionál...

Close