JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Padre Maubere: Matebian presiza orasaun, la’ós ai-han

Padre Maubere: Matebian presiza orasaun, la’ós ai-han

Pároku Sagrado Coração de Jesus Becora, Padre Domingos Soares “Maubere”, hateten, selebrasaun loron finadu ne’e sarani sira presiza reza ou halo orasaun ba matebian (klamar-red) sira, nune’e bele hetan perdaun ba sira-nia sala, la’ós ai-han, tanba sé ai-han ne’e hanorin jentiu nian.

“Ita-nia matebian sira lahan hahan, ida ne’e ita ba tuir fali tradisaun lulik no jentiu nian, sira presiza ne’e mak ita-nia orasaun, ita nia missa no liu-liu ita-nia konversaun. Sé ha’u hakarak reza ba Maromak ha’u tenke sai sarani ne’eé di’ak uluk, Maromak ha’u-nia Aman ne’e duni ha’u-nia laran la fó ba nia, ha’u ba husu buat ruma mós Maromak la fó ida. Ha’u haree iha fatin barak tau hahan matebian nian iha meza ne’e hanesan ita dada fali ba kotuk ona, ha’u hanoin la presiza, ne’e uluk ita seidauk hatene ita-nia hahan mak eukaristia, ita mate ona ita la komunga ona, maibé ita moris sei komunga, bainhira mate ita presiza liu mak orasaun, orasaun ne’ebé tuir Maromak nia hakarak ita hadomi ita-nia matebian sira, ita mós tenke moris tuir sarani di’ak liu tan, ida ne’e mak ita manan ba ita-nia-an, prepara ita-nia-an ba mate”, Pároku Sagrado Coração de Jesus Becora ne’e ba GMN iha edifísiu GMN TV, Bebora-Díli, Kuarta (28-10-2020).

Tanba tuir tradisaun igreja Katólika la hanorin sarani sira atu prepara ai-han ba matebian, maibé importante mak halo orasaun iha loron 2, fulan Novembru (finadu-red) atu klamar sira ne’ebe sei iha purgatóriu bele hetan salvasaun no santa sira ka matebian husi relijiaun Katólika ne’ebé wainhira sei moris husik hela ezemplu moris tuir virtude Kristaun, nune’e finadu mak loron ne’ebé atu fó onra ba matebian sira ho orasaun.

“Festa rua ne’e festa ida ne’ebé mak iha ligasaun ema sarani prepara nia isin-lolon nian iha loron 1, fulan Novembru, katak isin-lolon ne’e Maromak fó para hala’o buat ne’ebé manan lalehan no iha loron 2 ne’e mak atu haksolok. Dalabarak ita tanis, tanba ita haketak-an husi inan-aman, maibé se ita komprende katak sai husi mate ne’e atu ba ksolok di’ak liu hanesan ha’u dehan hetan hakmatek rohan-la’ek ho Maromak ita tama ho ai-funan no lilin halo festa”, tenik Padre Maubere.

Tuir istória molok koloniál Portugés bei-ala sira jentiu, sira adora fatuk no ai, hodi halo lulik, nune’e ita la selebra loron finadu, maibé hafoin Portugál ukun tiha Timor hodi hanorin povu kona-bá fiar Katóliku no hahú fó sarani ba ema sira mak Timor mós foin hahú selebra loron ne’e.

Nune’e to’o ohin loron tradisaun ida ne’e buras ba be-beik iha kultura no grupu étniku, nune’e ida-idak selebra kahur ho lisan lokál ne’ebe iha.

Tuir lia-na’in, Eugenio Sarmento, iha kontestu Timor nian halo inkulturasaun lisan no toman ida ne’ebé mai kedas husi bei-ala sira katak, fó respeitu máximu ba matebian sira, tanba fiar katak matebian sira bele mate, maibé moris hamutuk hela ho dimensi ida diferente.

“Festa rua ne’e ita valoriza liu loron matebian do que loron santu, ida ne’e normal, tanba liga liu ho ita-nia toman moris lor-loron nian, ita la’o rai, tantu hanesan la’o rai ita hanoin hikas fali halo orasaun ba matebian sira atu sira tama la-lais reinu lalehan hamutuk ho anju no santu sira”, hakotu Eugenio. ida

Lee hotu :   FONGTIL: Prevene COVID-19 komunidade tenke apoiu

Add to Comments Here!!!!

error: Content is protected.
Secured By miniOrange
You might also like:
Xanana sai sasin ba kazu publikasaun relatóriu KJP

Líder Nasionál Kay Rala Xanana Gusmão,...

Implementa zero plástiku, SEA monitoriza loja iha Díli

Sekretaria Estadu Ambiente (SEA) halo monitórizasaun...

Tempu badak, MSSI implementa apoiu manutensaun rekuperasaun ekonómika

Vise Primeira Ministra (PM), Ministra Solidariedade...

Close