JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Povu Lospalos husu polítiku sira lalika inventa istória, Xanana: Ha’u sai husi FRETILIN lidera funu ba libertasaun Timor-Leste

Povu Lospalos husu polítiku sira lalika inventa istória, Xanana: Ha’u sai husi FRETILIN lidera funu ba libertasaun Timor-Leste

Povu sira husi Suku Mehara, Postu Administrativu Tutuala, Munisípiu Lospalos, husu ba líder istóriku sira atu lalika inventa istória hodi buka popularidade, tanba istória ne’ebé eis komandante em Xefe FALINTIL, Kay Rala Xanana Gusmão, konta ne’e mak loos ona.

Nune’e eis komandante FALINTIL, Kay Rala Xanana Gusmão, hatete, nia sai husi Comite Central FRETILIN hodi kaer de’it funu ba Timor-Leste (TL) nia ukun rasik-an. Tanba Xanana dehan, nia la’os defende ideolójia marxista, maibé defende luta ba liberta Timor-Leste husi okupasaun invazór sira.

Hafoin remata konta istória kona-bá libertasaun nasionál iha momentu ne’e mosu ambiente tristeza ne’ebé nakonu ho mata-been husi Xanana Gusmão ho  sobrevivente no veteranu sira, hodi hanoin hikas tempu difísil ne’ebé sira hasoru iha pasadu rezisténsia ninian.

Iha Biban ne’e, Xanana apela ba foinsa’e sira atu respeita inan-aman sira-nia sakrifísiu ne’ebé luta ba oan sira iha tempu susar, liu-liu inan-aman sira ne’ebé sakrifika-an ba luta libertasaun nasionál.

“Ferik-katuas sira merese teb-tebes ita-nia respeitu. Ha’u dehan ona eroi barak, martír barak, sira la liberta ita-nia rai, sira fó de’it ezemplu ba ita atu tuir sira-nia dalan, dalan ida ne’ebé bainhira presiza ita-nia vida, ita fó! Povu sira mak halo funu to’o ferik, to’o katuas, sira mak duni inimigu. Ne’e duni joven sira, agora imi tenke prepara-an, ami atu ba hotu ona (mundu seluk) sira ferik ho katuas mak halo funu, sira mak manan funu, sira ne’e mak halo ita ukun-an. Iha 1981, polítika foun unidade nasionál dehan nune’e, lalika tama iha FRETILIN! Ó hakarak ukun-an partisipa iha funu! Ami sei la husu ó husi ne’ebé? no ó hakarak saída? Tanba ida ne’e mak ita nakloke-an, ita loke-an haburas. Loos duni ideolójia marxista. Tanba ideolójia marxista iha base de apoio na’i-lulik barak mos hakarak ukun-an, maibé kuadru revolusionáriu, joven sira ne’e balun la’o ba la’o mai dehan katak, Maromak laiha, lalika fiar Maromak hodi nai-lulik sira sees-an tiha husi FRETILIN, hanoin katak, bainhira ukun-an ho FRETILIN, Igreja laiha, Maromak mos laiha. Polítika ho funu mak ha’u sai husi Comite Central, tanba ha’u hakarak haree de’it funu”, dehan líder rezisténsia máximu, Kay Rala Xanana Gusmão, foin la-lais iha Suku Mehara, Munisípiu Lospalos.

Sobrevivente no reprezentante veteranu ponta leste, espresa sira nia sentimentu kontente, tanba líder nasionál ne’e bele hakat direta hamutuk ho sira, fahe istória ba jerasaun suku Mehara hodi bele hatene prosesu luta ne’ebé loos, nune’e bele kontinua konta ba jerasaun foun.

“Ita-nia maun boot Kay Rala Xanana Gusmão, nia mak lidera funu, ne’ebé nia konta ida istória ne’e mak loos. Ne’ebé ha’u husu ba hotu-hotu atu lalika inventa istória”, dehan veteranu, Acácio da silva.

“Ami kontente, tanba ita-nia maun Xanana foin mak mai loke segredu luta nian iha Mehara ne’e, ita hotu-hotu rona ona, ne’e buat hot-hotu loos. Oan sira tenke komprende povu sira husi Mehara ho Timor tomak ne’e ita-nia hakarak ne’e ba ukun-an”, dehan sobrevivente, Angelina da Nova.

Hafoin lembra tempu pasadu ho tristeza, maibé iha eventu ne’e mós populasaun Mehara partisipa máximu hala’o aprezentasaun dansa kultura, poezia, teatru no aprezentasaun kultura seluk tan. Oly

Lee hotu :   Governu hakarak haluan tan estrada, fundador KSMA prontu kolabora

Add to Comments Here!!!!

error: Content is protected.
Secured By miniOrange
You might also like:
Toilet nakfila ba eskritóriu profesór ETV Raikala Letefoho

Diretór Eskola Téknika Vokasionál (ETV) Raikala...

Governu promete lori fila Timor-oan sira iha Israel

Primeiru Ministru (PM), Taur Matan Ruak,...

Tama ilegál husi fronteira, PNTL kaptura ema 14

Komandante Jerál Polísia Nasionál Timor-Leste (PNTL),...

Close