JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: Saudozu “Buka Tuir” nu’udar ema pasiénsia na’in

PR Lú Olo: Saudozu “Buka Tuir” nu’udar ema pasiénsia na’in

Prezidente Repúblika (PR), Francisco Guterres “Lú Olo”, konsidera saudozu Kapitaun Fragata, João Francisco de Fátima “Buka Tuir” durante moris husi ai-laran to’o agora, nu’udar ema ne’ebé pasiénsia na’in no dedika-an tomak ba nia servisu iha vida militar.

“Loron ohin nian lakon família no komandante boot ida husi Mariña ninian, ami mai hodi hato’o sentidu pézames ba família sira hotu, ba forsa sira, ami hato’o ba sira, iha momentu susar, tristeza boot ne’e, ami mai hodi partilla hamutuk ho família sira buat todan ida ne’ebé sira lori”, dehan Lú Olo ba jornalista sira, Kinta (22/10/2020), iha Kolmera, Díli.

Nia afirma, lei sei nafatin proteje família, oan no kaben husi saudozu rasik, tanba durante moris matebian ema ida nunka kontra nia komandante sira.

“Atu bele siak oinsa mós nia nunka hatán no halo servisu nono’ok de’it iha ai-laran, tantu mai to’o iha vila-laran, ha’u koñese di’ak nia”, tenik PR.

Saudozu Buka Tuir moris iha loron 10, fulan Outubru, tinan 1969, iha Loi Hunu, postu administrativu Ossu, munisípiu Viqueque.

Saudozu hakotu iis iha Hospital Nacional Guido Valadares (HNGV), iha tuku lima madrugada, tanba moras komplikasaun, matebian oan husi António da Costa no Clementina da Costa.

Kuadru importante Komponente Naval Lijeira ne’e, remata nia peregrinasaun moris, hodi husik hela oan na’in haat ho nia kaben Prísca dos Reis Araújo Corte Real. Tuir ajenda, iha loron 23, fulan ne’e, saudozu nia mate-isin sei lori ba ninia moris fatin munisípiu Viqueque, hodi hala’o serimónia kulturál no sei haloot iha loron 24, iha Jardim dos Herois de Metinaro. oly

Lee hotu :   Governu garante importasaun esensial durante Estadu Emerjénsia

Add to Comments Here!!!!

error: Content is protected.
Secured By miniOrange
You might also like:
PN: La nesesáriu PSIK ka’er kilat

Parlamentu Nasioinál (PN) liu husi deputadu...

Sosiedade Sivíl: Prabowo komete krime tolu iha Timor-Leste

Sosiedade Sivíl Timor-Leste (TL) konsidera atuál...

Maske laiha transmisaun lokal COVID-19, Xanana Gusmão kontinua alerta ba povu tomak atu kuidadu-an

Eis Prezidente Repúblika, Kay Rala Xanana...

Close