JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

UNIJMA Pro-RDTL alerta ba Governu investe maka’as iha setór produtivu

UNIJMA Pro-RDTL alerta ba Governu investe maka’as iha setór produtivu

Ativista União Nacional Juventude Maubere Pro-República Democrática de Timor-Leste (UNIJMA Pro-RDTL), husu Governu tau prioridade iha setór vitál sira hanesan agrikultura, Agro-pekuária, nune’e bela hasa’e sustentabilidade ekonomia iha rai-laran.

Governu Timor-Leste presiza kria polítika hodi intensifika produtu iha rai-laran, nune’e bele garantia dezenvolvimentu sustentavel iha setór produtivu sira.

“Hakarak atu fó alerta ba ami-nia Estadu, ami nia Governu i ba ami-nia igreja hotu, sira labele ko’alia de’it polítika iha sidade Díli ne’ebá, sira baku meja kadeira fila hotu, di’ak liu haree povu nia osan iha karik, haree hadia ita-nia irigasaun, mobiliza povu ne’ebé iha aldeia, iha suku hotu-hotu tama natar, tama to’os, tantu Xefe suku, Xefe aldeia, maun camat no maun bupati sira. Governu halo ona programa ba, mai hamutuk, nune’e mós husi igreja labele ko’alia de’it morál no halo misa de’it, maibé mobiliza malu ba mai hamutuk ho CPD-RDTL, ita tama natar no tama to’os. Labele ko’alia de’it, tenke tau ba prátika”, Prezidente OPTT, Ivo de Jesus Sequeira, hafoin remata kolleta haré iha postu administrativu Lautem, suku Serelau, Sábadu (03/10/2020).

Alende kooperativa halo to’os, UNIJMA Pro-RDTL estabelese mós kooperativa hakiak animál sira hanesan karau, bibi, manu no selu-seluk tan.

“Hanesan ita hotu hatene, CPD-RDTL nia kooperativa ne’e úniku, úniku tanba sira la depende ba Estadu, ao mesmo tempo la depende ba NGO no mós kualker instituisaun sé-sé de’it, mais sira fiar rasik sira-nia an, fiar sira-nia beran rasik, portantu fiar sira-nia liman fuan sanulu, hodi bele mobiliza nia maluk sira ho nia konsiénsia rasik. Ne’ebé prinsípiu luta hahú husi ita-nia Prezidente Nicolau Lobato no Sahe nia prinsípiu katak Timor-Leste nia baze ekonomia rasik mak agrikultura”, termina Responsavel UNIJMA munisípiu Lautem, Tomas Eli Timur.

Entretantu hare ne’ebé kolleta iha suku Serelau, munisípiu Lautem, besik hektar 10 resin. Haré ne’ebé kolleta sei apoia ba komunidade kbi’it laek sira no finansia mós sustentabilidade organizasaun no mós sei rai iha armajen. san

Lee hotu :   PR Lú Olo apresia ho povu Lautém

Add to Comments Here!!!!

error: Content is protected.
Secured By miniOrange
You might also like:
Dom Basílio: Sunu lilin la’ós sunu Maromak

Bispu Dioseze Baucau, Dom Basílio do...

CNRT ezije Governu halo pagamentu subsídiu USD 200 ba família reklamante

Reprezentante povu iha uma fukun Parlamentu...

2020, traballadór Timor-Oan iha Korea-Austrália hatama osan ba TL tokon USD 2

Diretór Jerál Sekretaria Estadu Formasaun Profesionál...

Close