JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: COVID-19 hanorin Timor-oan sira hadomi malu

Xanana Gusmão: COVID-19 hanorin Timor-oan sira hadomi malu

Eis Prezidente Repúblika, Kay Rala Xanana Gusmão, hatete, moras aat COVID-19 ne’e halo Timor-oan sira hadomi malu liu tan, hodi tulun malu liu husi asaun sosiál ka asaun karitativa sira.

Lia hirak ne’e líder karismátiku ne’e koalia bainhira partisipa iha atividade abertura  konta istória partisipasaun funu libertasaun pátria ba jerasaun foun sira iha suku Mehara, postu administrativu Tutuala, munisípiu Lautem.

Xanana hateten, hahú inísiu, nia rasik la preokupa ho COVID-19 (vírusCorona) rona virus ne’ebé hamate ema barak iha nasaun Xina, inklui nasaun sira seluk iha mundu, maibé bainhira virus ne’e transmite ba nasaun hotu iha mundu  inklui Timor-Leste, nia rasik deside hanesan líder ida tenke tún direta ba povu hodi esplika kona-bá virus refere, atu povu sira hakmatek no asegura-an husi virus ne’e.

Líder karismátiku ne’e konsidera, virus ne’e hanorin ona Timor-oan tomak oinsa hadomi malu liu husi tulun malu, oferese saída mak Timor-oan seluk iha ba Timor- oan seluk ne’ebé presiza tulun, liu husi asaun karidade ne’ebé durante ne’e nia hala’o ona ba munisípiu 12, inklui Rejiaun Administrativa Espesiál Oe-Cusse Ambeno (RAEOA).

“Ida ne’ebé moris ho bisnis ki’ik lori netik sira-nia koto, modo ba fa’an iha Díli, labele sai. Tanba ne’e mak Timor-oan balu ba hakbesik-an ba ha’u dehan, Maun ita sa’e ba leten fó netik buat ruma ba. Ha’u mós rona kona-bá COVID-19, Estadu Emerjénsia (EE), ba netik ba esplika ba povu COVID-19 ne’e”, dehan Xanana Gusmão, Tersa (13/10/2020) iha munisípiu Lautem.

Nune’e mós, laureadu Nobel da Paz, José Ramos Horta, sente onradu akompaña líder karismátiku Xanana Gusmão hodi hala’o asaun karidade iha situasaun ne’ebé mundu enfrenta hela surtu COVID-19 ne’ebé seidauk remata, maibé haree ba espíritu forsa Xanana Gusmão nian, fanun nia hodi ajuda mós Governu kombate virus ne’e iha Timor-Leste.

“Ha’u preokupadu fali ho avo Xanana, udan boot dau-dauk ne’e, COVID-19 atu tama dau-daun no nia iha udan-laran, depois ha’u ba vizita avo Xanana dadersan sedu no ami ko’alia, ha’u hatete ba avo Xanana favór ita lori ita-nia influensia, ita-nia autoridade tun ba bairu sira esplika ba populasaun kona-bá COVID-19 no liu-liu momentu ne’ebá Governu buka dau-dauk fatin kuarentena para moras ruma karik, suspeita tau iha ne’ebá, maibé populasaun momentu ne’e la hatene Corona Virus ne’e saída? Barak halo protesta iha Formosa, iha Tibar ne’eba”, dehan diplomata senior ne’e.

To’o oras ne’e Timor-Leste rejista hikas kazu COVID-19 husi sidadaun Pakistaun ida ne’ebé pozitivu ba virus ne’e no hala’o hela izolamentu iha Vera Cruz.

Alende ne’e, líder nasionalista na’in rua ne’e mós fahe sasán hanesan asaun karitativa ba populasaun sira iha suku Mehara-Lautem. oly

Lee hotu :   PR dekreta Estadu Emerjénsia, Traballadór iha kompañia privada la book osan seguransa sosiál

Add to Comments Here!!!!

error: Content is protected.
Secured By miniOrange
You might also like:
OJE 2021 MD tau prioridade ba AM

Ministru Defeza, Filomeno Paixão, hatete, ho...

Projetu protesaun iha Praia dos Coqueiros halakon paizajen Díli

Reprezentante povu iha uma fukun Parlamentu...

FRETILIN husu meza PN reabertura lei de autór

Xefe bankada FRETILIN, Francisco Miranda Branco,...

Close