JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade Covalima, Sesta bázika programa bosok povu

Komunidade Covalima, Sesta bázika programa bosok povu

Atribuisaun sesta bázika ne’ebé Governu oferese ba kada ema ida iha teritóriu tomak, populasaun iha munisípiu Covalima konsidera Governu bosok povu.

Komunidade, José dos Reis, hato’o lia hirak ne’e ba GMN hafoin simu sesta bázika husi Governu iha postu adiministrativu Zumalai, munisípiu Covalima, Sabádu (07/11/2020).

Komunidade diskorda ho atribuisaun sesta bázika ne’ebé Governu oferese ba populasaun iha Covalima, tanba sasan balun la kompletu, maske tama ona tipu Governu nian.

Maske programa ne’e hetan krítika maka’as husi populasaun iha munisípiu Covalima, maibé iha membru Governu balun la simu krítika refere.

“Iha GMN iha RTTL foka sai tiha ona ba orsamentu ba kada ema ida USD 25, maibé kuaze tama osan ida ne’e sura ba fulan rua kada ema ida iha USD 50, ezemplu ha’u iha família ida iha ema na’in 8, 50 kali 8 ne’e osan ne’e liu tiha ona sasan ne’e, ne’e Governu halo buat ida ne’e loos mak ida ne’e ka? ou laloos? ne’e halo diskriminasaun, ne’e buat ida karik osan mak liu fali sasan ne’e, osan ne’e liu fali sasan, sasan ne’e mai kada ema ida mak hetan de’it foos kilo 5, imi lori ami povu nia naran hanesan buat ida karik lori naran ne’e ba iha ne’eba, osan ne’e buat ida karik hanesan kuador iha fali, mai osan ne’e hanesan tiha fali, mai fali osan ne’e ki’ik fali sasan ne’e, ha’u haree la to’o osan ne’ebé imi promete ne’e la to’o, ha’u sente total osan ne’e la to’o sasan iha bote laran ne’e la to’o USD 25, ne’e la to’o, tanba sa ha’u dehan la to’o, tanba batar ne’e iha ne’e folin tun liu, ami povu mós bele sosa batar ne’e nia folin ami hatene, sasan nia folin kafe ne’e iha ne’e USD 1, ne’e Governu halo diskriminasun, ha’u ko’alia nu’udár ema, povu ha’u ko’alia loos de’it ne’e inklui bosok povu, tanba ne’e la kompletu, la hanesan ho buat ne’ebé imi fó sai mai iha terenu, la hanesan ho buat ne’e iha”, dehan komunidade ne’e.

Iha fatin hanesan, Komunidade, Joanico Moniz Magno, hatutan, la satisfas ho distribuisaun ne’ebé Governu oferese, tanba sasan hirak ne’ebé Governu fó liu husi programa sesta bázika sira rasik produz, tanba populasaun iha munisípiu Covalima maioria vida agrikultór.

“Ha’u ladún satisfas ho programa ida ne’e, tanba iha distritu balun sasan ne’ebé mak kompletu to’o fali iha ami-nia munisípiu postu no suku Tas-Hilin la kompletu, ida ne’e mekanizmu no fallansu ne’e iha ne’ebé ne’e, programa Governu nian mak hanesan ne’e ka ou fallansu komisaun nian, agora dau-daun Governu fahe sesta bázika mai ami tipu sasan hirak ne’e mak batar, foos, manu-tolun, mina goreng ba komunidade Tas-Hilin ne’e iha buat ne’ebé agora dau-daun Governu oferese mai ami ne’e ami iha, ami iha manu, manu Timor iha karik ayam buras ayam broiler, ema kompañia mak hakiak manu Timor ami komunidade Kulu-Oan maioria hakiak manu”, haktuir Joanico.

Nune’e mós, komunidade, Maria Gorete Moniz, hatete, ai-han hirak ne’ebé Governu oferese atravez sesta bázika sira rasik iha, tanba ne’e Governu fahe de’it mak osan, tanba populasaun sira laiha osan.

“Avó sira kuitadu batar ne’e sira bele han ka la’e? sira la han to’o batar ne’e kuitadu fore sira bele han ka la’e laiha avó sira-nia tinan boot ona ne’ebé hakarak ne’e di’ak liu osan de’it, ami iha uma iha rasik fore, iha manu Timor iha ami na’in hakiak agora batar hanesan ne’e, ami iha tanba ami ema agrikultura ami iha bote mós ami iha, tanba ami agrikultór ami halo”, haktuir Maria.

Hatan ba preokupasaun ne’e, Ministru Koordenadór Asuntu Ekonómiku (MKAE), Joaquim Amaral, atribuisaun sesta bázika iha munisípiu Covalima la kompleta ho manu ka ayam broiler, razaun komunidade iha munisípiu refere la kiak manu.

“Tanba programa osan atu sosa manu ne’ebé sira hakiak, sé sira la hakiak manu atu sosa saída ita tenke krítika ho fuan, tenke haree programa ne’e ema sira hakiak manu iha Timor laran Governu konvida hotu partisipa iha programa ne’e ,Governu tenke hola ai-han, sosa para osan ne’ebé iha programa ne’e tenke la’o, sé ami la hala’o sira dehan ami laiha kbi’it hala’o, sira hahan laiha ami atu sosa saída, imi dehan ami la justu, balun hetan manu balun la hetan manu, bee manu ami la hetan atu sosa ami atu dehan saída ne’ebé favor ida komprende ba no kompañia sira hakarak sosa duni, maibé manu laiha”, dehan Governante ne’e.

Joaquim klarifika, maske atribuisaun sesta bázika la kompleta ho manu ka ayam broiler, maibé programa oferese sesta bázika la paradu no sei kontinua distribui ba munisípiu hotu.

Tuir observasaun GMN iha terenu hatudu, atribuisaun sesta bázika iha Covalima la kompleta ho manu, hanesan ho lansamentu dahuluk ne’ebé Governu halo iha fulan Outubru liu ba iha Metinaro. diz

Lee hotu :   Xanana apela ba komunidade labele pániku ho COVID-19

Add to Comments Here!!!!

error: Content is protected.
Secured By miniOrange
You might also like:
CAC pede fiscalização da implementação do Plano de Recuperação Económica

O Comissário Anti-Corrupção (CAC), Sérgio Hornai,...

MTC regulará uso da tecnologia em Timor-Leste

O Ministério dos Transportes e Comunicações...

COVID-19 impede MS vizita Sentru Saúde sira

Ministra Saúde, Odete Maria Freitas Belo,...

Close