JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OPTT husu Governu eduka povu hamoris produsaun rai-laran

OPTT husu Governu eduka povu hamoris produsaun rai-laran

Prezidente Organizasaun Popular Traballadór Timor (OPTT),  Ivo de Jesus Sequeira, husu Governu labele sosa de’it mak produtu husi rai liur, maibé tenke eduka povu hamoris produsaun iha rai-laran.  

“Durante ne’e Governu Timor-Leste sosa produtu sira hanesan koto, na’an fahi, na’an manu, na’an karau, na’an bibi, ikan, foos, batar husi rai-liur hotu, ne’ebé osan Timor nian ba mout hotu iha ema nia rai, tanba ita la valoriza ita-nia produtu lokál no aat liu mak Governu ho Igreja la organiza povu atu tama natar, to’os hakiak animál, hodi sosa povu nia produtu sira ne’e, hodi investe ekonomia iha rai-laran, liu-liu hamoris produsaun ai-han sira husi agrikultór sira ne’ebé bele fó benefísiu ba Timor-Oan sira rasik”, Prezidente OPTT ne’e ba GMN iha Ossu-Viqueque, Sábadu (07/11/2020).

Ivo hatutan, Timor-Leste iha rai-bokur ne’ebé bele kuda produtu lokál no hakiak animal sira, maibé Governu laiha interese mobiliza povu atu halo to’os no natar.

“Ita-nia rai ne’e rai bokur, maibe ita-nia Governu la interese atu mobiliza povu atu tama to’os no natar, hodi hasa’e ita-nia produtu rai-laran no bee mós suli iha fatin-fatin, maibé Governu no Igreja la preokupa ba povu hodi halo natar no to’os ho kuda modo, hodi povu bele hetan benefísiu, tanba ne’e ha’u husu ba amu Padre no Madre Domingu-Domingu labele halo missa de’it, maibé aviza ba sarani sira atu tama natar, tama to’os no hakiak animal”, haktuir Prezidente OPTT ne’e.

Nune’e mós, Xefe Divizaun Laborál Traballadór Setór Dois, Francisco Loy Sahe, hatete, iha grupo 30 mak halo kooperativa hanesan halo toos, natar no hakiak animal.

Autoridade lokal iha suku Liaruka, postu administrativu Ossu, munisípiu Viqueque mós apoia atividade ne’ebé OPTT halo dau-daun.

Partisipa iha atividade ne’e mai husi autoridade lokál, membru PNTL ho komunidade sira.

Tuir planu iha semana oin movimentu OPTT sei kontinua hala’o atividade kolleta ikan iha Lariguto, postu administrativu Ossu, munisípiu Viqueque. aba

Lee hotu :   Ahi han kios iha Taibesi, MSS alista ona naran vítima

Add to Comments Here!!!!

error: Content is protected.
Secured By miniOrange
You might also like:
Valerie Taton: Labarik barak hahú iha nutrisaun di’ak

Reprezentante United Nations Children's Fund (UNICEF)...

Atribui kupon sesta bázika iha Díli, MTCI sei servisu ho TIC Timor.IP

Vise Ministru Turismo Comércio e Indústria...

Durante pandemia COVID-19, KBP hasoru problema finanseira

Jerente Klínika Bairo Pite (KBP), Inácio...

Close