JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Rede Feto simu Xanana nia krítika hodi hadi’a-an

Rede Feto simu Xanana nia krítika hodi hadi’a-an

Rede Feto nakloke no simu krítika husi Kay Rala Xanana Gusmão kona-bá kazu asasinatu iha Terra Santa, tanba hanesan meiu ida, hodi hadi’a sira-nia servisu atu apoiu asisténsia ba vítima no luta ba justisa ba violénsia bazeia ba jéneru.

Konsellu Diretoria Rede Feto, Paula de Corte Real Araújo, hato’o deklarasaun ne’e relasiona ho Xanana Gusmão ne’ebé kestiona servisu organizasaun sira ne’ebé defende feto, tanb la proativu hodi fó atensaun ba vítima feto no labarik ne’ebé hetan violasaun oi-oin.

Paula hateten, krítika ne’ebé mai husi líder karismátiku ne’e hanesan xamada atensaun, hodi sai referénsia no motivasaun ba organizsaun sira.

“Rede Feto ho nia membru hanesan PRADET no FOKUPERS ne’ebé temi direta husi maun boot Xanana konsidera tebes maun nia krítika katak, ne’e hanesan xamada atensaun husi aman no líder nasionál atu fanun Rede Feto, ami apresia katak organziasaun tolu (3) ne’e mak iha maun-nia-ulun atu temi primeiru iha asuntu hanesan ne’e, ema barak dehan nusa maun la temi Estadu hanesan MSSI no MJ, SEII no PNTL, maibé ami sente orgullu iha maun-nia-ulun ne’ebé maun temi primeiru kedas oinsa atu haree ba kazu ne’e”, Konsellu Diretoria Rede Feto ne’e liu husi konferénsia ba imprensa iha ninia kna’ar fatin, Caicoli-Díli, Kuarta (04-11-2020).

Prezidente Konsellu Rede Feto, Yasinta Lujina husu ba públiku atu bele hola papél hodi kolabora no servisu hamutuk fó atendimentu ba vítima sira.

“Ne’e atu hatudu katak ema hotu labele hein de’it organizasaun feto no sosiedade sivíl mak tenke halo no ema hotu iha nia papél ba ida ne’e, ami la alerjia ba krítika, maibé ami simu nafatin krítika ne’ebé fó mai ami oinsa bele kolabora no servisu hamutuk fó atendimentu ba vítima sira, maibé importante mak vítima sira bele hetan justisa ne’ebé justu”, dehan Yasinta.

Entretantu Rede Feto ho nia membru sira mós promete sei kontinua akompaña kazu ne’e, hodi garante vítima iha prosesu tomak no husu ba públiku hodi hapara forma violénsia oin-oin hasoru feto, labarik feto no grupu vunerável sira iha Timor-Leste.

Kazu asasinatu iha Terra Santa ne’e akontese iha loron 30, fulan Outubru, tinan ne’e, mais ou menus tuku ida ho balun madrugada, iha aldeia Terra Santa, suku Madohi, postu administrativu Dom Aleixo, munisípiu Díli. Kona-bá kazu ne’e, deskonfia arguidu ho inisiál LH uza tudik sona mate Domingas Soares (inan) no hakanek LimDi Moy (oan).

Entretantu antes ne’e mós, Tribunál Distritál Díli (TDD) liu husi prosesu Primeiru Interogatóriu (PI) aplika ona medida koasaun prizaun preventiva ba arguidu refere. ida

Lee hotu :   Produsaun hare iha munisípiu Bobonaro tun

Add to Comments Here!!!!

error: Content is protected.
Secured By miniOrange
You might also like:
Konfrontu iha Aileu, rezulta ema na’in tolu kanek

Konfrontu entré joven sira iha aldeia...

Governu promete sei envolve feto iha prosesu dezenvolvimentu TL

Komemora loron nasionál feto iha Timor-Leste...

PN-Governu diskute panorama orsamentu 2021

Vise Prezidente Parlamentu Nasionál (PN), Maria...

Close