JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Benefisiáriu sesta bázika Comoro konsidera Governu bosok povu

Benefisiáriu sesta bázika Comoro konsidera Governu bosok povu

Benefisiáriu sesta bázika suku Comoro, Francisco Orlando, konsidera Governu bosok povu, tanba sasán sesta bázika ne’ebé atribui ba benefisiáriu sira ne’e ninia presu la justu, tanba ne’e husu ba Governu atu halo polítika ne’ebé di’ak ba povu no presiza muda polítika programa sesta bázika.

“Ha’u la satisfaz, ladún kontente ho situasaun ida hanesan ne’e, ne’e ita hanesan habosok povu, lohi povu ne’e kada tinan lima-tinan lima, besik ona eleisaun imi tun mai dehan tenke ser ba vota, vota ba ami sa’e, ami halo ida ne’e no halo ida ne’ebá, kada vez balun mai promete tan sé mak na’ok povu nia osan 5 centavos de’it ba komarka, agora ministru na’in hira mak iha komarka ne’ebá, labele ona mai bosok bei-beik ami povu, ami povu mós hatene ona”, Benefisiáriu suku Comoro ne’e ba GMN iha Ai-Mutin, Díli, Segunda (14/12/2020).

Alende ne’e, komunidade suku Comoro husu mós ba Comissão Anti Corrupção (CAC) atu halo investigasaun ba loja sira ne’ebé kontinua fa’an sasán hirak ne’ebé la merese ona atu fa’an, hanesan ai-han sira ne’ebé dodok no fuhuk ona.

“CAC tenke halo investigasaun, CAC ne’e lalika tau fali Comissão Anti Corrupção nia anti tiha ona korupsaun, tuir loloos tenke tau Comissão Combate Corrupção, tanba nia tenke ba kombate la’ós ba anti, nia anti katak nia haree korupsaun ne’e anti, ne’e CAC nia servisu tenke investiga ida ne’e, ami nia rekomendasaun husi povu CAC tenke investiga, tanba sá sasán dodok, sasán ne’ebé públiku labele ona konsumu tama nafatin iha supermekadu”, tenik Francisco.

Diretór Operasaun Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA, IP), Gabriel da Costa, hateten, sasán hirak ne’ebé empreza oferese ba benefisiáriu ne’e laiha problema, tanba inspesaun no fiskalizasaun husi AIFAESA la identifika sasán ruma aat ka la ijiene.

“Ita haree kompañia sira-nia produtu ne’e no buat sira ne’e la’o normal hela, liu-liu ba ai-han sira ne’e sé ita-nia komunidade sira lamenta ho kondisaun produtu sira ne’e bele hato’o ba kompañia, hodi troka kedas”, tenik Diretór Operasaun AIFAESA ne’e.

Hatán ba preokupasaun ne’e, Jestór Leader, Teófilo da Silva, hateten, produtu hirak ne’ebé dau-daun ne’e iha sira-nia loja laran ho kondisaun ijiene no kualidade.

“Ha’u haree sasán agora iha loja laran normal hela, kualidade mesak fresku hotu de’it, diak hela, laiha dodok, laiha namla’ek, nia fresku hela de’it, sasán ami falun tiha iha plástiku metin para kuidadu lalar buat ruma tama hodi estraga”, tenik Jestór Leader ne’e.

Relasiona ho situasaun refere, Teófilo husu ba benefisiáriu sira atu pasiénsia no koopera ba malu, bainhira iha problema ruma iha ámbitu distribuisaun sesta bázika. ina

Lee hotu :   PM Taur fó instrusaun ba SEFOPE prepara joven ba empregu

Add to Comments Here!!!!

error: Content is protected.
Secured By miniOrange
You might also like:
Falsifika dokumentu veteranu kontinua eziste, PJR konsidera CH inkapasidade

Prokuradór Jerál Repúblika (PJR), José da...

MTCI gasta tokon USD 10 distribui sesta bázika iha Metinaro-Atauro

Vise Ministru Turismo Comércio e Industria...

Komisaun C submete ona OJE 2021 ba PPN

Parlamentu Nasionál (PN) liu husi Komisaun...

Close