JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BNCTL ho idozu sira lamenta Governu transfere osan ba banko atraza

BNCTL ho idozu sira lamenta Governu transfere osan ba banko atraza

Banco Nacional do Comercio de Timor-Leste (BNCTL), ho idozu sira lamenta ho servisu Governu nian tanba halo tranferensia osan ba idozu sira atraza teb-tebes, to’o sira forma dudu malu deit atu bele ba simu osan.

Diretor Ezekutivu CEO BNCTL, Brigido de sousa lamenta ho servisu Governu, liu-liu   Ministériu Finansas (MF) no Instutu Nasional Seguransa Sosial (INSS), ne’ebé tutela iha Ministériu Solidariedade Sosial no Inkluzaun (MSSI), hala’o servisu no halo transferensia fundu ba ferik no katuas sira, bolsa da mãe no mós pagamentu ba projetu sira, iha ne’ebé timor-leste tama dadaun ona ba selebra natal no tinan foun

“Ha’u mós lamenta tanba normalmente saida mak akontese pagamentu ba idozus pagamentu ba bolsa da mãe pagamentu ba funsionáriu públiku pagamentu ba desimu terseiru iha dezembru ne’e tama dala ida de’it governu husi ministériu finansas transfere dala ida mai BNCTL tama dala ida de’it problema mai ami mak ami atende ema rihun ba rihun tanba dala ida de’it iha fulan dezembru ha’u insiste nafatin husu ba Governu atu hadia sistema ne’e, ita transfere pagamentu hotu mai hotu iha Dezembru pagamentu ba funsionáriu, difisíl ba banku”, dehan, diretór Ezekutivu BNCTL, Brígido de Sousa, ba GMN, iha edifísiu BNCTL Obrigadu Barak Matadoru, Kuarta (23/12).

Diretór Ezekutivu ne’e esplika, relasiona situasaun ne’e, parte BNCTL sei koordena ho Governu liu-liu institutu nasional seguransa sosial atu bele muda sitema refere.

Liu-liu husu autorizasaun ba Institutu Nasional Seguransa Sosial, atu idozu sira bele uza kartaun débitu hodi foti osan iha ATM ne’ebé BNCTL estabelese ona, nune’e bele hamenus ema dudu malu bainhira loron atu simu osan.

Lee hotu :   Lakohi repete masakre sira pasadu nian, AJAR husu Estadu labele diskrimina vítima sira

Nune’e mos Idozu sira husu ba Governu no mos Banco Nacional do Comercio de Timor-Leste (BNCTL), atu hadia sistema pagamentu ba ferik no katuas sira atu nune’e tinan-tinan sira labele dudu malu atu ba simu osan.

Idozu sira ne’ebé kada tinan, sempre forma iha ambiente banco nacional comercio timor-leste hodi simu sira nia diretu, husu ba governu liu-liu bnctl hadia mekanismu ba pagmentu ba ferik no katuas sira, tanba sempre akontese  dudu malu, maske ho idade ne’ebé avansadu ona

“Tenke prejiza hadia Governu tenke tau matan ba buat sira ne’e buat ne’ebé haree la diak la’os temi de’it governu sira la halo buat ida povu ne’e, ami povu hamrik hanesan ne’e imi la moe ami hamrik hanesan ne’e udan boot ami ba simu osan 180 ne’e ba hola foos karon 2 no 3 han hotu hotu ona ami monu ba mate mós imi dehan mate ona governu tenke hadia sistema ne’ebé la dun diak tenke hadia”, dehan, Idoza, Herminha Saldanha, ba GMN iha edifísiu BNCTL Obrigada Barak Matadoru, Díli.

Nune’e mós idoza, Filomena maria hateten governu prejiza hadia Sistema pagamentu no prejiza halo pagamentu uluk ba ferik no katuas sira ne’ebé ho idade avansadu ona

“Husu para haree uluk mak ami idade sira agora ami mai terus barak mak monu balu mate bele husu ba governu bele ajuda ami idade, ami idade sira balun ataka tensaun balun moras la’o monu”, dehan Filomena.

Hatán ba preokupasaun ne’e, diretór ezekutivu bnctl, Brígido de Sousa rekoñese situasaun ne’e sempre akontese kada tinan, tanba banku halo atendimentu ba ema rihun atus ida kada tinan

Lee hotu :   TL sai uma nain ba eventu jogu CPLP

“Pagamentu ba idozu sira kuandu tinan tinan halo sempre sai hanesan problema tanba banku tenke atende ema kuaze 100 mil ital, maibé saida mak bnctl halo maka ami halo pagamentu fazeadamente tuir oráriu ne’ebé ke banku distribui tiha ona ba iha suku hotu katak pagamentu ba idozu ne’e tuir suku iha teritóriu tomak, iha suku komoro pagamentu tuir suku, maibé saida mak akontese na realidade dala barak ita nia maun alin idozu sira lakohi hein sira hakarak simu sira nia diretu mai kedas”,haktuir Brígido.

Tuir observasaun GMN iha terenu hatudu maske udan, maibé ferik no katuas sira obrigada tenke forma ho liña naruk no sena malu, hodi hetan sira nia diretu, tanba dadaun ne’e tama ona ba selebrasaun natal  no tinan foun. Ina

Add to Comments Here!!!!

error: Content is protected.
Secured By miniOrange
You might also like:
Governu altera lei orsamentu Estadu no jestaun finanseira

Konsellu Ministru segunda (21-12) aprova ona...

Japaun apoia orsamentu rihun USD 9 ba Hadesta

Embaixadór  Japaun iha Timor-Leste apoia orsamentu...

Kompañia RM2 sai vítima ba aktu ANC

Kompañia RM2 sai vítima ba aktu...

Close