JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia mosu iregularidade projetu iha Fohorem, MEJF husu parte kompetente atu fiskaliza

Deskonfia mosu iregularidade projetu iha Fohorem, MEJF husu parte kompetente atu fiskaliza

Movimentu Juventude Estudante Postu Administrativu Fohorem (MJEF), munisípiu Covalima, husu Governu liu husi Ministériu Obras Públika (MOP), Ajénsia Dezenvolvimentu Nasionál (ADN), Parlamentu Nasionál (PN) no Comissão Anti Corrupção (CAC), atu verifika fali obra ne’ebé la’o iha postu refere, tanba deskonfia mosu iregularidade barak.

Porta Vóz MJEF, Domingos Gomes, hateten, empreza sira ne’ebé halo instalasaun ba eletrisidade iha Dato Tolu, Dato Rua no Laktos to’o agora abandonadu, nune’e afeta ba komunidade sira iha fatin refere asesu ba eletrisidade.

Alende eletrisidade, iha mós projetu instalasaun bee-moos no konstrusaun estrada ligasaun postu administrativu Tilomar ba postu Fohorem mós abandonadu husi kompañia responsavél.

“Kompañia Hemiva Unipessoal. Lda, ne’ebé responsabiliza halo instalasaun eletrisidade iha aldeia Lolkida, suku Fohorem no aldeia Ai-To’os suku Dato Rua ne’ebé to’o ohin loron husik obra sira ne’e abandona, komunidade sira ne’e ate agora seidauk asesu eletrisidade. Kompañia River Fatubessi Unipessoal. Lda ne’ebé responsabiliza halo instalasaun eletrisidade iha aldeia Hali-Laran no suku Dato Rua no obra hirak ne’e konsege halo instalasaun iha 2017 no finaliza iha 2018, maibé to’o agora obra sira ne’e abandonadu. Tuir fali kompañia Loro-Metan. Lda ne’ebé responsabiliza ba instalasaun bee-moos kuaze tinan haat resin ona, maibé husi obra instalasaun ne’e abandonadu no to’o ohin loron komunidade Fohorem Vila seidauk asesu bee-moos. Tanba ne’e ami sujere ba Oitavu Governu tau atensaun máximu ba kompañia hirak ne’ebé, atu nune’e bele responsabiliza ba obra hirak ne’ebé abandona durante ne’e”, Porta voz MJEF, Domingos Gomes liu husi konferénsia imprensa iha Jardim 05 de Maio, Colmera-Díli, Kinta (10/12/2020).

Autoridade lokál suku Fohorem, Fernando Perreira, akresenta, kona-bá instalasaun eletrisidade kompañia responsavél mak River Fatubessi Unipessoal. Lda iha tinan 2018 finaliza ona, maibé eletrisidade seidauk lakan.

“Kompañia River Fatubessi finaliza ona projetu ne’e, maibé to’o agora seidauk lakan. Nafatin ami ezije, ami refere nafatin ba parte kompetente atu ahi ne’e bele lakan ba komunidade. Ami komunidade postu Fohorem Vila enfrenta problema bee-moos kuaze tinan lima ona”, akresenta Xefe suku Fohorem ne’e.

To’o notísia ne’e publika, GMN seidauk halo komfirmasaun ho kompañia responsavél sira hanesan kompañia River Fatubessi Unipessoal. Lda, Hemiva Unipessoal. Lda no kompañia Loro-Metan Unipessoal. Lda. san

Lee hotu :   Sidadaun Timor servisu iha rai-liur iha direitu simu subsídiu

Add to Comments Here!!!!

error: Content is protected.
Secured By miniOrange
You might also like:
CNRT: Ikus ne’e Marí Alkatiri ódiu loos Maun Bo’ot Xanana

Xefe bankada CNRT, Duarte Nunes, hateten,...

Governu aloka osan ba pakote rekuperasaun ekonómika iha OJE 2021 laloos

Deputada opozisaun, Maria Fernanda Lay, hateten,...

Deskonfia polísia tiru kanek mane ida iha Comoro

Deskonfia membru Polísia Nasionál Timor-Leste (PNTL)...

Close