JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio: Sidadaun sira tenke kumpre nafatin regra prevensaun COVID-19

Dom Virgílio: Sidadaun sira tenke kumpre nafatin regra prevensaun COVID-19

Arsebispu Metropolita Díli, Dom Virgílio do Carmo da Silva, SDB, husu ba sidadaun hotu, liu-liu sarani sira atu nafatin kumpre regra prevensaun COVID-19, atu nune’e iha selebrasaun loron boot Natal no tinan foun hotu-hotu nafatin kumpre regra refere.

“Sein dúvida ita hotu tenke hakru’uk ba buat ida ne’ebé COVID ninian, tanba dezde inísiu ita kaer nafatin prinsípiu ida katak laiha meius barak atu kombate moras ida nee mai ita Timór, meius ida ne’ebé ita uza to’o ohin loron mak prevensaun i graças a Deus to’o iha momentu ida  ne’e, koko nafatin tuir regra Estadu Emerjénsia (EE) ne’ebé mak Governu tau. Maibé tanba iha ita nia rai-laran seidauk iha transmisaun lokál, entaun fó biban nafatin ba ita atu selebra Natál no ida ne’e grasa ida ba Timór. Ba maluk sira ne’ebé hela iha fronteira, i ita hatene katak ita rona katak iha momentu ida ne’e iha nasaun viziñu númeru kazu pozitivu aumenta iha tempu ikus ne’e. Nune’e ita apela maka’as ba maluk sira ne’ebé hela iha fronteira atu kolabora. Sé ita hotu hakarak duni atu virus ne’e labele tama mai no labele estraga buat hotu, simplesmente sé ita hakarak no hadomi dunia rai ida ne’e, entaun ita tenke kolabora”, Arsebispu Metropolita Díli ne’e ba jornalista sira iha Dioseze Díli foin la-lais ne’e, relasiona ho númeru kazu COVID-19 iha nasaun viziñu ne’ebé kontinua aumenta.

Dom Virgílio mós husu atu Timor-Oan hotu koopera ho parte seguransa, hodi prevene moras hada’et ne’e hodi bele selebra Natal tinan ne’e ho di’ak liu tan.

“Bainhira buat ne’e la’o di’ak, ita-nia Natal sei hakmatek, maibé to’o iha momentu ida ne’e ita bele dehan, iha posibilidade ita sei selebra Natal karik tuir ábitu bai-bain nian, ita hotu la hatene molok to’o iha tempu ne’ebá derepente buat ne’e komesa hada’et iha ita-nia leet no iha ita-nia komunidade, tanba ne’e ita nafatin reza para buat ne’e labele akontese”, realsa Arsebispu Metropolita Díli ne’e.

Entretantu iha inísiu tinan ne’e, sarani hotu iha Timor-leste la selebra loron boot Páskoa, tanba implementasaun regra EE relasiona ho pandemia COVID-19, iha inísiu implementasaun EE.

Hafoin Timor-Leste rejista zero kazu COVID-19, iha loron 2, fulan ne’e Timor-leste rejista hikas kazu pozitivu ida, ne’ebé nu’udár sidadaun estranjeiru. zil

Lee hotu :   g7+ konsege habelar paz iha nasaun konflitu sira  Mundu internasionál apresia TL

Add to Comments Here!!!!

error: Content is protected.
Secured By miniOrange
You might also like:
PM Taur: OJE 2021 sei fó kbi’it ba rekuperasaun ekonomia

Primeiru Ministru (PM), Taur Matan Ruak, hateten, ho...

Estadu sei halo rate espesiál ba veteranu sira iha postu administrativu 65

Sekretáriu Estadu Kombatente Libertasaun Nasionál (SEKLN),...

CNRT: Ró Haksolok sei la mai TL, tanba Atlantic Eagle bankarrota ona

Bankada CNRT konsidera Ró Haksolok sei...

Close