JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FONGTIL kritika Governu husu tan osan adisionál ba Ró Haksolok

FONGTIL kritika Governu husu tan osan adisionál ba Ró Haksolok

Forum Organizasaun Naun Govermentál Timor-Leste (FONGTIL) kritika Oitavu Governu, tanba dau-daun ne’e halo hela diskusaun ba Orsamentu Jerál Estadu (OJE) tinan 2021 ho montante USD billiaun ida pontu atus ualu resin, maibé husi númeru ne’e Rejiaun Administrativa Espesiál Oe-Cusse Ambeno (RAEOA) husu tan orsamentu adisionál ho montante USD tokon 14 ba Ró Haksolok.

Diretór Ezekutivu FONGTIL, Daniel Santos do Carmo, hateten, razaun FONGTIL hato’o lamentasaun ne’e, tanba Governu liu-liu RAEOA hatudu momoos aktu korupsaun, tanba Governu gasta ona osamentu ho montante USD tokon 16, maibé Ró Haksolok to’o oras ne’e seidauk to’o hela de’it Timor-Leste.

“FONGTIL kestiona maka’as ba alokasaun 14 milhões ba Ró Haksolok Governu liu-liu autoridade RAEOA halo prátika kontribui ba aktu korupsaun, tanba 16 milhões ne’ebé aloka tiha ona ba Ró Haksolok, maibé ate agora Ró Haksolok laiha serteza atu mai no tuir informasaun katak kompañia ne’ebé halo konstrusaun ba ró refere bankarota tiha ona, do que aumenta osan ne’ebé mak iha hodi rezolve Ró Haksolok ne’ebé laiha serteza di’ak liu sosa ró foun”, Daniel Santos do Carmo liu husi komunikadu imprensa, iha Caicoli-Díli, Kuarta (09/12/2020).

Diretór Ezekutivu ne’e akresenta, Timor-Leste dau-daun ne’e enfrenta hela vírus foun COVID-19, nune’e Governu la presiza aloka osan ba Ró Haksolok, maibé presiza reduz osan adisionál refere, hodi tau ba setór importante sira hanesan agrikultura, edukasaun saúde no infraestrutura.

Relasiona ho Ró Haksolok ne’ebé dau-daun ne’e seidauk iha serteza, FONGTIL dezafia Komisaun Anti Korupsaun (KAK) no Ministériu Públiku (MP) atu halo investigasaun ho sériu ba autór ne’ebé envolve iha prosesu tenderizasaun ba Ró Haksolok.

Entretantu Ró Haksolok ho kustu Euro liu tokon 13, inaugura iha loron 26, fulan Maiu, tinan 2017, iha sidade Figueira da Foz Portugál no tuir informasaun ró refere sei to’o Timor-Leste iha fulan Outubru, tinan 2017, maibé tanba problema internál Atlantic Eagle Ship Building to’o agora ladauk to’o mai. ina

Lee hotu :   Ahmad Alkatiri halo pagamentu segunda etapa ba komunidade

Add to Comments Here!!!!

error: Content is protected.
Secured By miniOrange
You might also like:
Sasán sesta bázika fuhuk ona, benefisiáriu Comoro protesta Governu

Benefisiáriu sira husi aldeia Moris Foun,...

My Timor fasilita transporte online primeriu iha Timor-Leste

Operadór Telekomunikasaun Telkomcel kontinua halo inisiativa...

Hakarak simu Jesus, Arsebispu: Sarani sira tenke halakan lilin iha fuan

Arsebispu Metropolita Díli, Dom Virgílio do...

Close