JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hakarak simu Jesus, Arsebispu: Sarani sira tenke halakan lilin iha fuan

Hakarak simu Jesus, Arsebispu: Sarani sira tenke halakan lilin iha fuan

Arsebispu Metropolita Díli, Dom Virgílio do Carmo da Silva, SDB, apela, ba krizmandu sira atu banati tuir misaun São Francisco Xavier nian haklaken Maromak nia liafuan, hodi bele hatudu Kristu iha moris loro-loron nian no nu’udár sarani tenke halakan lilin iha ida-idak nia fuan, nune’e bele sai sarani ne’ebé di’ak ba ema hotu.

“Lilin ne’e wainhira ita sunu sei sai simbólu Jesus iha ita-nia moris, tan ne’e lilin ne’e Kristaun katak Kristu ki’ik-oan, ita kaer lilin katak konsiente papél sarani nian, nu’udár sarani atu halo lilin lakan nafatin, sira na’in 12 fanun hikas fali ita hodi halakan lilin la’ós iha fizikamente, maibé liu husi moris sarani hodi fó sasin, nu’udár oan ida oinsá buka atu sai oan di’ak ida, lilin ne’e kompañeiru vida no liu-liu mane klosan no feto-ran dalabarak hetan problema ho kolega, família, estudu ou doben sira no wainhira hasoru ne’e la’ós ba buka fali tali, la’ós ba buka racun tikus, balun rona dehan tara-an tanba doben, iha tempu susar aprende atu ba oratóriu sunu lilin husu Espíritu Santu loke fuan no laran iha tempu nakukun ne’e ba oin, ita reza hotu hakarak fó kedas de’it ne’e fiar laloos, osan nia la fó, maibé loke fuan no laran atu iha dame no hakmatek”, Arsebispu Metropolita Díli ne’e liu husi nia omília iha selebrasaun loron padroeiru Parókia São Francisco Xavier Dare, Sábadu (05-12-2020).

Dom Virgílio apela ba inan-aman sira atu tau matan di-di’ak ba oan sira, tanba edukasaun la’ós de’it husi eskola ou liafuan, maibé hahalok. Tanba ne’e mak sarani sira tenke hatudu hahalok Kristu nian ba ema seluk, hahú husi família no uma-laran no oinsa bele sai sidadaun di’ak.

Prezidente Komisaun Organizadora, Francisco Aurelio Aleixo Martins, agradese ba disponibilidade husi Arsebispu hodi prezide misa, tanba bele hasa’e liu tan sarani sira-nia fiar.

Iha selebrasaun loron padroeiru Parókia São Francisco Xavier Dare nian ne’e, Arsebispu fó Krisma mós ba krismandu na’in 12.

Nune’e mós hafoin selebrasaun sarani husi Parókia São Francisco Xavier Dare mós halo surpreza ba Arsebispu Metropolita Díli, Dom Virgílio do Carmo da Silva, SDB ne’ebé selebra loron aniversáriu ba da-53, iha loron 27, fulan Novembru liu ba. ida

Lee hotu :   Hamate ekonomia povu, RNDJ K-DRTL rejeita EE

Add to Comments Here!!!!

error: Content is protected.
Secured By miniOrange
You might also like:
TDD aplika koasaun proibisaun auzénsia ba eis prezidente KFP

Tribunál Distritál Díli (TDD) liu husi...

SEFOPE rejeita kansela kandidatu traballadór ba Austrália

Diretór Jerál Sekretáriu Estadu Formasaun Profesionál...

PNTL prende fugetes karon-rua no detein ema na’in haat

Polísia Nasionál Timor-Leste (PNTL ) Eskuadra...

Close