JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KAK susar deteta manipulasaun presu sasán sesta bázika

KAK susar deteta manipulasaun presu sasán sesta bázika

Komisaun Anti Korrupsaun (KAK),  iha difikuldade atu deteta irregularidade sira kona-ba manipulasaun presu iha programa distribuisaun sesta bázika, tanba la asesa ba kontratu sira entre Governu no empreza, liga ba propoin proposta kada item produtu lokál sira.

Adjuntu Komisáriu Komisaun Anti Korrupsaun (KAK) ba asuntu prevensaun no sensibilizasaun, Luís Oliveira Sampaio, hateten, durante ne’e KAK simu informasaun barak kona-ba manipulasaun presu sasan, ba programa atribuisaun sesta bázika, maibé KAK hetan difikuldade atu deteta, tanba la asesu ba kontratu ne’ebé kompañia nasional sira halo ho governu, tanba halo akordu espesial entre governu ho empreza.

“Maibé ami mós haree katak, tanba problema husi aprovizionamentu, fó lei ne’e permite halo sistema aprovizionamentu espesial, entaun kompañia sira ne’e halo akordu individual ho Ministériu tutela sira, sira ne’ebé responsavel, sira propoin proposta ho presu kada item, depois Ministériu aprova, ho ida ne’e mak difisil ba ita. Ita iha difikuldade tanba ami la konsege asesu ba kontratu sira ne’e hotu. Wainhira ita atu atua mak ita husu kontratu sira ne’e, entaun difikulta Ekipa sira haree hodi halo komparasaun” hateten Luís Oliveira Sampaio, iha nia kna’ar fatin Praia dos Coqueiros Díli (22/12).

Adjuntu Komisáriu ne’e akresenta, durante ne’e KAK deskobre distribuisaun sasan sesta bázika iha munisípiu sira barak mak la tuir akordu ka lista produtu ne’ebé iha.

Maibé KAK nafatin halo akompañiamentu hodi rekolla informasaun sira kona-ba irregularidade iha prosesu distribuisaun sesta bázika, hafoin enkamiña rejultadu deskobrimentu sira ba governu, hodi resolve.

Enkuantu kona-ba kontinuasaun prosesu identifikasaun foin lalais ne’e, KAK bolu obrigatóriu Jerente Dili Mart, Diretóra Jerál Aprovizionamentu Ministériu Turizmu Komérsiu Indústria, nomos governante balun hodi presta deklarasaun kona-ba supermerkadu Dili Mart ne’ebé oferese sasan fohuk no dodok ba benefisiáriu sira iha suku Komoro, maibé KAK seidauk pronunsia kona-ba indisiu krime ruma, tanba sei iha segredu justísa. San

Lee hotu :   Covid-19 seidauk hamate ema, Xanana husu povu agradese ba Maromak

 

Add to Comments Here!!!!

error: Content is protected.
Secured By miniOrange
You might also like:
Partidu foun tolu submete ona inskrisaun iha TR

Ministériu Justísa liu hosi Diresaun Jerál...

Sosiedade sivíl: Governu kria lei hasai osan tokon USD 25 hodi fahe ba malu

Organizasaun Sosiedade Sivíl kontra Decreto-Lei N.O...

Xefe suku 442 tuir formasaun daruak husi IDN

Institutu Defeza Nasionál (IDN), Segunda (21/12/20),...

Close