JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kay Rala Xanana Gusmão: Guerrilla Timor-Leste nian úniku iha mundu

Kay Rala Xanana Gusmão: Guerrilla Timor-Leste nian úniku iha mundu

Komandante em Xefe FALINTIL iha tempu rezisténsia, Kay Rala Xanana Gusmão, hateten, guerrilla Timor-Leste nian durante luta hasoru okupasaun Indonézia úniku iha mundu kompara ho nasaun sira ne’ebé uluk halo funu hasoru sira-nia invazór sira hanesan Vietname.

“Tuir ha’u-nia koñesimentu guerilla iha Timor ne’e úniku iha mundu. Tamba sa? Tamba iha rai seluk hanesan iha Vietname guerilla hetan suplay husi Xina. Iha Moçambique sira ba halo treinu iha sira-nia viziñu mai ho kilat no kilat musan, iha Angola no iha Guine Bissau mós hanesan”, Komandante em Xefe FALINTIL iha tempu rezisténsia ne’e hafoin simu dokumentu istóriku husi família saudozu Germano do Rosário Amaral no António Maria Aparício Guterres iha nia rezidénsia Lecidere-Díli, Kuarta (16-12-2020).

Xanana konta katak, durante okupasaun Indonézia iha Timor-Leste, Timor-oan barak mak hatene kaer kilat, tamba durante kolonializasaun Português Timor-oan hotu-hotu iha tinan liu 18 pratikamente hala’o servisu militar.

“Tamba ne’e mak ita kuandu liga ho soldadu ita iha baze apoiu pelotaun ida sa’e ba simu kilat tiru malu karik, liu tiha semana ida to’o fulan ida fila mai seluk ba fali, tamba hotu-hotu hatene kaer kilat”, konta Xanana.

Nia hatutan, funu la’ós de’it atu tiru malu, maibé presiza mós iha temática guerra, sé la ho ida ne’e funu sei laiha nia rohan.

“Sé ita komprende de’it katak funu ne’e tiru malu de’it, entaun ita la hanoin katak bainhira maka funu ne’e hotu. Sé mak halo funu povu mak halo funu. Sé povu mak la partisipa iha funu, ita nia guerrilla la’o la di’ak. Tamba hanoin katak funu ne’e saída ? Funu ne’e mak tiru malu de’it, mak hanesan akontese iha Áfrika, iha Afeganistaun, hurlele malu de’it, funu la hotu-hotu estraga de’it populasaun no laiha liu intensaun atu manan funu”, tenik Komandante em Xefe FALINTIL iha tempu rezisténsia ne’e.

Nia subliña, durante tempu rezisténsia guerilleiru sira-nia kilat fou-foun ne’e ki’ik uitoan, ho kaptura tropa Indonézia barak iha iha fronteira norte no fronteira sul kilat sa’e to’o iha rihun 33. Maibé ikus mai iha tinan 1977 mosu kampaña boot hodi harahun setór ba setór, hahú husi fronteira sul ba norte, sentru sul, norte ba sentru leste, ikus liu mak iha fulan Novembru, tinan 1978 mak tama iha baze apoiu foho Matebian.

“Husi tinan 1979 tomak ita atu dehan katak hein de’it saída mak akontese. La kleur Koronel ida mate tan, Comite Central ida ba rende tan, forsa ida mate tan to’o iha Dezembru Nicolau Lobato mate. Ho ida ne’e hamosu ona organizasaun klandestina komesa mosu ona”, dehan Xanana. oct

Lee hotu :   KAK susar deteta manipulasaun presu sasán sesta bázika

Add to Comments Here!!!!

error: Content is protected.
Secured By miniOrange
You might also like:
Mota estraga kintál no natar, Abitante Guico-Lisadila ezije Governu normaliza la-lais

Abitante suku Guiço no Lisadila, postu...

PNTL investiga kazu deskonfia membru polísia tiru Alexandre iha Comoro

Vise Ministru Interior (MI), António Armindo,...

MKAE simu ona relatóriu husi CAC kona-bá kazu Díli Mart

Ministru Koordenadór Asuntu Ekonómiku, Joaquim Amaral,...

Close