JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR konsidera demokrasia labele buras wainhira laiha sosiedade sivíl

PR konsidera demokrasia labele buras wainhira laiha sosiedade sivíl

Prezidente Repúblika (PR), Francisco Guterres “Lú Olo”, hateten, demokrasia iha nasaun ida atu la’o ho di’ak, presiza sosiedade sivíl ne’ebé sai krítiku no analítiku ba kualker obra no desizaun Governu nian ne’ebé laiha vantajen ba povu.

Maibé, PR mós enkoraja nafatin Organizasaun Naun Govermentál (ONG) sira atu nafatin la’o tuir regra ne’ebé estabelese ona, nune’e bele hala’o kna’ar ho independente no reprezenta duni interese povu no nasaun nian.

“Iha ita-nia paíz, ita halo ita-nia eskolla rasik, atu hari’i Estadu demokrátiku ida nu’udár instrumentu hodi alkansa dezenvolvimentu. Demokrasia ida labele moris bainhira laiha sosiedade sivíl ida ne’ebé forte, ativa no independente. Nune’e atu alkansa objetivu ida ne’e fundamentál tebes atu ita iha pluralidade opiniaun no partisipasaun ativa husi sidadaun sira. Partisipasaun sidadaun sira efetivu liu bainhira sidadaun sira organiza-an di-di’ak no sai parseiru ida ne’ebé krítiku no efetivu ba Governu. Señora no señor sira PR kompriende katak, organizasaun sira ne’ebé imi reprezenta moris ho finansiamentu husi Orsamentu Jerál Estadu (OJE) no mós husi doadór sira seluk”.

“Dalaruma situasaun ida ne’e bele tau presaun maka’as ba imi, tenke atu tau atensaun ba regra ne’ebé doadór sira rasik impoin no bele afeta ba imi nia dezempeñu. Nune’e ha’u hein katak imi bele buka dalan hodi organizasaun ne’ebé imi jere bele iha nia sustentabilidade rasik”, Diretór Jerál Prezidénsia Repúblika, Domingos Amaral, iha Centro Convenções de Díli (CCD), Tersa (15/12/2020), hafoin partisipa retiru nasionál ba dahuluk ho tema ‘Movimentu Sidadaun Síviku’ hodi envolve sidadaun hotu halo advokasia rasik iha prosesu dezenvolvimentu nasionál.

Diretór Jerál Prezidénsia Repúblika, hateten, Xefe Estadu hato’o parabens ba inisiativa Forum Organizasaun Naun Govermentál Timor-Leste (FONGTIL), tanba organiza retiru nasionál dahuluk ba sosiedade sivil sira.

PR Lú Olo garante mós katak, iha diskusaun kona-bá kontribuisaun kooperativa nasionál no empreza privadu ba redusaun kiak, diversifikasaun ekonomia komunitária, reabilitasaun no protesaun ambiente, direitu umanu, justísa sosiál, deskobrimentu ba auditoriu sosiál no seluk tan ne’ebé sei hala’o iha retiru nasionál ne’e bele hetan rezultadu di’ak, nune’e kontribui ba prosesu dezenvolvimentu nasionál.

FONGTIL deskobre konstrusaun barak la asesivél

Forum Organizasaun Naun Govermentál Timor-Leste (FONGTIL), hamutuk ho membru organizasaun 10 deskobre konstrusaun edifísiu no fasilidade públiku maioria iha Timor-Leste la asesivél ba ema ho defisiénsia.

Alende ne’e relatóriu auditoriu sosiál ne’e no mós deskobre prestasaun servisu balun iha instituisaun públiku balun ladún la’o di’ak.

Prezidente Komisaun Organizadora ba eventu retiru nasionál sosiedade sivil, Elisabeth Lino de Araújo, hateten, rekomendasaun sira ne’e hato’o ona ba Governu hodi tau ba implementasaun.

“Iha auditoriu sosiál ne’ebé durante ne’e membru 10 husi FONGTIL hetan deskobrimentu barak iha sira-nia servisu fatin. Husi deskobrimentu sira ne’e FONGTIL ho nia membru sira hato’o rekomendasaun ba ministériu relevante, pur ezemplu iha auditoriu sosiál ne’ebé membru sira halo iha eskola, ita ko’alia kona-bá inkluzaun, maibé eskola balun ne’ebé mak iha laiha asesu ba ema ho defisiénsia, hanesan iha casa de banho, ne’e mós difikulta ba ema ho defisiénia. Nia fukun ne’e, tanba Governu halo projetu laiha konsultasaun ida ne’ebé mak kle’an, entre Governante de’it hala’o planu ne’e sein envolve partisipasaun komunidade, partisipasaun sidadaun, tanba ne’e mak ho retiru ida ne’e ami hanoin katak saída mak sosiedade sivíl tenke halo, hodi kontribui ba dezenvolvimentu nasionál ida ne’e”, Prezidente Komisaun Organizadora ne’e iha iha Centro Convenções de Díli (CCD), Tersa (15/12/2020).

Enkuantu foin la-lais ne’e, Governu liu husi Ministériu Obras Públika (MOP) aprova ona despaixu ministérial númeru 07/VIII/2020 kona-bá asesibilidade ba sidadaun ne’ebé ho kondisaun defisiénsia la’o iha edifísiu públiku no komersiál sira. san

Lee hotu :   MSSI deskonfia Autoridade Lokál balun inventa dadus benefisiáriu ba subsídiu família

Add to Comments Here!!!!

error: Content is protected.
Secured By miniOrange
You might also like:
Governu taka ona sistema ezekusaun OJE 2020

Ministru Prezidénsia Konsellu Ministru (MPKM), Fidelis...

OJE 2021 iha ona PR nia liman

Uma fukun Parlamentu Nasionál (PN) submete ona...

Sesta bázika fuhuk no ular, CCI-TL ezije Governu sosializa ba komunidade

Câmara Comércio Indústria Timor-Leste (CCI-TL) husu...

Close