JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Regra EE bandu ema barak halibur malu, Governu sei komunika ho entidade relijioza sira

Regra EE bandu ema barak halibur malu, Governu sei komunika ho entidade relijioza sira

Ministru Prezidensia Konsellu Ministru, Fidelis Leite Magalhães, hateten, Governu liu husi Primeiru Ministru (PM) iha ezersísiu, José Maria dos Reis, sei komunika  ho entidade relijioza sira kona-ba atividade misa ne’ebé halibur ema barak ka liu na’in 10 atu nune’e bele iha solusaun ba prevensaun COVID-19 ne’ebé aumenta iha Timor-Leste (TL).

“PM em ezersísiu José Reis ohin iha ona komunikasaun ho ita-nia konferensia episkopal PM em ezersísiu mos ami koalia sei komunika, sei haruka karta ba Amu Bispu sira kompriensaun no kontribuisaun husi Igreja katólika nian, kontribuisaun husi Igreja Katólika mak halo ate a data ne’e ita sei moris, ne’e mos kontibuisaun husi komunidade inklui Igreja Katolika. Medidas ne’e laos bandu 100%, medidas ne’e dehan bele implement aka atividade bele kontinua maibe atividade ne’e mak labele liu ema nain 10”,dehan Fidelis Magalhães ba GMN iha Bebora Díli, Tersa (29/12/2020).

Fidelis dehan, hein katak vasina ne’e mai atu nune’e atividade sira iha nasaun bele la’o ho normal fali. Maibe agora dadaun atividade sira sei hetan impaktu negativu oitoan.

“Husu ba ita nia komunidade diak liu ita halo sakrifisiu oitoan doque ita la implementa no nia kustu ne’e bele lori moras ne’e daet liu tan. Ho ida ne’e mak komunikasaun ho entidade Igreja ninian kona medida ne’ebe mak hatur tiha ona”,dehan.

Kona-ba atividade distribuisaun sesta bázika atu hapara, Fidelis kontinua dehan, ne’e nia impaktu ne’e negativu liu tan.

“Negativu laos deit sasan nebe iha sai estraga liu tan, maibe objetivu husi sesta bázika ne’e atu ajuda komunidade sira nebe mak sofre tanba situasaun pandemia ida ne’e, se ita trava agora sira barak sai vítima”,haktuir.

Lee hotu :   Fasilita informasaun ba públiku, AACTL lansa website

Tanba ne’e nia dehan, sesta bázika tenke kontinua maibe tenke haree no kumpri regra ida distansiamentu sosial ne’e.

Governu mos liu husi Konsellu Ministru aprova ona regra rigorozu ba implementasaun  Estadu Emerjensia (EE) ba Da-Sia. Iha alterasaun ba medida EE ne’e bandu ema barak atu halibur malu iha fatin ruma liu na’in 10 hodi nune’e prevene moras COVID-19.

Liu husi reniaun estraordináriu konsellu Ministru  iha Tersa (29/12/20) ne’e aprova projetu Dekretu Governu ne’ebé aprezenta husi Primeiru Ministru en Ezersísiu José Maria dos Reis kona-ba alterasaun dahuluk ba Dekretu Governu númeru 18/2020 husi loron 3/ fulan Dezembru.

Kona-ba medida sira ba ezekusaun deklarasaun Estadu Emerjénsia ne’ebé efetua husi Dekretu Prezidente Repúblika númeru 70/2020 loron 3 fulan Dezembru.

Porta voz Governu Ministru Prezidensia Konsellu Ministru, Fidelis Magalhães, hateten, medida ne’e aplika fila-fali hodi hatán ba situasaun sanitária iha provinsia Timór Osidentál  Repúblika Indonézia ne’ebé rejista ona ema Rihun Ida Atus Hitu ne’ebé pozitivu COVID-19 no deskobre ona tipu foun SARS-CoV-2.

Alende ne’e mós iha tán kazu foun iha teritóriu nasionál tamba ne’e Governu konsidera presiza aplika medida foun hodi evita transmisaun lokál.

Medida ne’e nafatin mantein define fila-fali regras distansiamentu sosiál obrigatóriu ba individu hotu iha teritóriu Timor Leste.

“Halo distansiamentu sosial, katak halo metin liu tan regra sira kona ba distansiamentu sosial, obrigatoriu ba ita hotu atu implementa regra ida ne’e. labele halibur malu liu husi ema nain 10 a ñao ser iha uma laran ida ka membru família liu ema na’in 10, atividade hot-hotu ne’ebe mak hala’o husi agora to’o dia 2 de Janeiru, tenke observa rekezitu ida ne’e, atividade ne’ebé halo liu husi ema 500 diak liu lalika halo”,tenik Fidelis.

Lee hotu :   Padre Maubere: Matebian presiza orasaun, la’ós ai-han

Ministériu Saúde deklara kazu konfirmadu COVID-19 foun nain 13 iha Dezembru nia laran no nain 397 hein rezultadu teste.Tos

Add to Comments Here!!!!

error: Content is protected.
Secured By miniOrange
You might also like:
Díli Mart hapara distribuisaun sesta bázika ba suku Madohi

Loja Díli marta ne’ebé lokaliza iha...

Mate isin Ilídio Pacheco submete ona ba autopsia

Mate isin Ilídio Pacheco iha Segunda...

Hapara Covid-19 tama TL, pontu entrada sira tenke lockdown

Koordenadora Jerál covid -19 Odete da...

Close