GMN TV Sosiedade Sesta bázika fuhuk no ular, CCI-TL ezije Governu sosializa ba komunidade

Sesta bázika fuhuk no ular, CCI-TL ezije Governu sosializa ba komunidade

Câmara Comércio Indústria Timor-Leste (CCI-TL) husu ba Governu atu halo sosializasaun kle’an kona-bá konteúdu sesta bázika ba povu, atu nune’e sira bele komprende di-di’ak saída mak Governu hakarak, tanba durante ne’e hetan kritika husi benefisiáriu sira hanesan sasán sira ne’e fuhuk, dodok no ular.

“Tenke halo sosializasaun kle’an, Governu nia obrigasaun tenke halo sosializasaun, tenke esklarese di-di’ak saída mak Governu hakarak, Governu nia polítika ne’e hakarak saída, ita buka halo nusa para ema sira bele hetan to’o fim, tanba ema barak mak seidauk bele atende, tanba ida ne’e la’ós servisu ida que fásil, Governu mak tenke esklarese halo di-di’ak ba povu, nune’e povu bele simu, Governu bele fó solusaun laiha tan ema seluk mak fó solusaun, nune’e tenke halo sosializasaun kle’an”, Prezidente CCI-TL, Oscar Lima ba jornalista sira iha Comoro, Kuarta (16-12-2020).

Nia akresenta, programa refere hetan kritika husi benefisiáriu sira, tanba Governu la halo kontrolu másimu iha ámbitu distribuisaun sesta bázika ba kada sidadaun.

Alende ne’e, Oscar Lima mós hateten, Comissão Anti Corrupção (CAC) la presiza bolu direta emprezáriu sira hodi presta deklarasaun, maibé presiza halo karta xamada, atu nune’e jestór sira bele hadi’a sira-nia servisu.

“Husi CAC mós tuir loloos tenke halo surat ida bolu loja ou kompañia na’in, para kompañia na’in responde tansa situasaun ne’e akontese hanesan foin dau-dauk ka’er señora ida hanesan fali prezu, la hatene lei fó dalan ka la’e CAC ba kaer ema, polísia mak akompañia hanesan ema na’ok ten, emprezáriu la’ós na’ok-teen, buat ruma sala iha armajen favór ida halo surat, favór ida labele halo ema hanesan ema na’ok-teen halo hanesan ema kriminozu boot”, tenik Prezidente CCI-TL ne’e.

Tuir nia, CAC tenke uza métodu seluk no presiza halo koordenasaun ho ema hotu, nune’e investor ne’e klarifika kona-bá fallansu sira ne’ebé mosu ba sasán sesta bázika, bele uza maneira seluk hanesan selu multa no fó kastigu, maibé CAC la presiza bolu obrigatóriu.

Entretantu maske programa sesta bázika ne’e hetan kritika maka’as husi povu sira, tanba loja balun oferese sasán sesta bázika fuhuk, dodok no seluk tan, maibé dau-daun ne’e Governu lansa ona iha munisípiu Díli, Bobonaro, Covalima no Viqueque.

Loja hirak ne’ebé hetan kontratu husi MTCI hodi distribui sasán bázika iha kapitál Díli hamutuk 10 resin mak hanesan, Lita Store, W-Four, Leader, Díli Mart, Loja Vida, Lisun no seluk tan. ina


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker