JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sosiedade sivíl: Governu kria lei hasai osan tokon USD 25 hodi fahe ba malu

Sosiedade sivíl: Governu kria lei hasai osan tokon USD 25 hodi fahe ba malu

Organizasaun Sosiedade Sivíl kontra Decreto-Lei N.O 63/2020 kona-ba pagamentu estraordináriu saláriu adisionál fulan ida nian ba administrasaun públika, ne’ebé Konsellu Ministru aprova ona no hetan ona promulgasaun husi Prezidente Repúblika, Francisco Guterres Lú Olo, iha loron 10 fulan Dezembru, tinan ne’e. sosiedade sivíl konsidera Estadu liu-liu Governu kria dekretu lei ida neé hodi fó benefisiu ba sira-nia an rasik tanba hasai osan tokon USD 25 hodi fahe ba malu deit.

“Ho dekretu lei refere signifka iha fulan Dezembru ne’e, entidade hotu-hotu ne’ebe servisu iha administrasaun públika sei simu tan saláriu fulan ida nian ka duplu saláriu hahú husi saláriu rihun lima mai kraik (USD 5.000),”Diretor FONGTIL, Daniel Santos do Carmo, hato’o informasaun ne’e liu husi konferensia ba imprensa iha salaun enkontru FONGTIL, Tersa (22/12/2020).

Daniel hatete, benefisiáriu sira ba dekretu lei ne’e rasik mak hanesan, Prezidente Repúblika,  Prezidente Parlamentu,  Vise Prezidente,  no Membru Parlamentu Nasional, Primeiru Ministru ho nia Membru Governu sira,  Prezidente Tribunal Rekursu, Prokurador Jeral,  Provedoria Direitu Umanu no Justisa,  Komisariu KAK,  Eis-titulares,  no eis-membru sira husi orgaun soberania, no funsionáriu permanente,  kontratadu,  no nomeasaun  polítika sira.

“Dekretu Lei ida ne’e hatudu momoos katak, ukun nain sira sempre uza oportunidade hodi atribui sira nia susesu ho estratejia no abilidade ho nune’e totalmente evita realidade katak sira tama iha jogu previlegiu nian, polítiku nain sira nia tendensia hodi rasionaliza tiha benefísiu ba sira nian-an no fiar katak sira merese duni atu hetan maske nune’e sira hatudu momos katak ne’e abuzu ba poder no privilejiu. sira buka ba sira nia interse propriu no moraliza ba ganansia fasilmente. Falta empatia no kompaixaun husi ukun nain sira ne’e, durante ne’e povu sira dokumenta ho didiak, Ukun nain sira experimenta hanesan sira hetan pagamentu extraordináriu salariu adisional fulan ida nian ho saláriu USD 5.000 mai kraik kompara ho povu kiak ne’ebé simu deit sesta básica ho kuantia USD 25/ema iha momentu ne’ebe povu barak hasoru susar iha sira-nia moris tanba impase polítika no pandemia COVID-19,” tenik nia.

Lee hotu :   [:tl]Laleia-Oan la satisfeitu Governu hanaran “Ponte Nelson Mandela”[:]

Tuir Daniel katak, ne’e hamosu desigualdade afeta negativamente estabilidade sosial no polítika no difikulta ba kresimentu tantu ba reseitas no gastu Governu nian. pagamentu extraordináriu saláriu adisional fulan ida nian ho salariu USD 5.000 mai kraik sei fo satisfasaun ba Instituisaun Estadu Timor-Leste nian maibe la-iha efeitu pozitivu ba povu kiak sira nia moris.

“Organizasaun Sosiedade Sivíl observa katak, Dekretu Lei ida ne’e kontrariu ho polítika poupansa, hamosu injustisa, no insulta bo’ot ba povu lubun bo’ot iha rai ida ne’e. Tuir ami-nia kalkulasaun, pagamentu extraordináriu ne’e sei gasta osan hamutuk USD 25 milhões. Tansa osan ho montante bo’ot ne’e hanesan ne’e ukun nain sira uza ho porudente hodi investe ba setór produtivu sira hanesan agrikultura, turismu, edukasaun no saude ka sosa “ró hanesan Ró Berlin-Nakroma” hodi fasilita transporte ba sidadaun sira husi Díli ba Oecusse no Atauru? Tanba sa Governu la rezolve lalais pagamentu USD 100 ba uma kain reklamante sira ? Governu no Prezidente Repúblika hatudu momoos pratika abuzu ba poder no privilejiu hodi hamosu diskriminasaun ba povu sira,” tenik nia .

Bazeia ba Dekretu Lei no 63/2020 ne’ebé hamosu injustisa iha sosiedade ida ne’e, tanba ne’e FONGTIL hato’o ejijensia hanesan tuir mai, Husu ba Prezidente Republika, Primeiru Ministru atu deklara tanba sa tenke fó saláriu adisional ne’e? Husu ba PM atu elemina tiha dekretu lei no 63/2020 10 de dezembroHusu ba CAC atu halo intervensaun hodi loke prosesu hasoru governante sira tamba ami hare katak governante sira pratika abuzu de poder liu husi halo lei hodi benefisia sira no ida ne’e FONGTIL konsidera hanesan krime , Husu ba PDHJ atu uza nia kompetensia hodi husu ba Tribunal Rekursu hodi halo fiskalizasaun abstrata ba dekretu lei no 63/2020 tamba dekretu refere viola konstituisaun RDTL artigu 145 Alinea 2-3 , Husu ba Parlamentu Nasional nudar reprejentante povu atu uza nia kompetensia hodi husu ba Tribunal Rekursu atu  halo fizklizasaun abstrata ba dekretu lei ida ne’e tamba viola konstituisaun RDTL artigu 145 Alinea 2-3.

Lee hotu :   Obriga estudante hemu tua, Diretór Eskola husu deskulpa ba Inan-Aman

Entretantu Asosiasaun HAK liu husi nia reprezentante Sisto dos Santos haree katak, dekretu lei neébé Governu halo no hetan promulgasaun husi PR Lú Olo ho lalais deit ne’e iha tendensia hanesan asesor sira ho ema sira nebe mak iha maun boot sira nia kalilin okos neé mak hakarak kria hodi soran povu no mos kria halo lider sira han malu.

“PDHJ presiza haree lei ida ne’e, KAK presiza halo prosesu ruma ba ema sira nebe mak komete hela krime ida neé. Imi aprova lei imi hanoin deit ba imi nia an”,dehan Sisto dos Santos.

FONGTIL espera katak, lider sira hanesan Taur Matan Ruak,  Francisco Guterres Lú Olo, Xanana Gusmão,  José Ramos Horta,  Mari Alkatiri,  sei la kontra sira nia konsiensia hodi simu osan ida ne’e no sira sei hamutuk ho FONGTIL hodi elemina tiha dekretu lei refere.

PPN konsidera dekretu lei ne’e normal

Ba kestaun ne’e, Prezidente Parlamentu Nasional (PPN), Aniceto Guterres, hateten, alterasaun dekretu lei númeru 63/2020 kona-ba pagamentu saláriu adisional ba administrasaun públika, ka décimo terceiro ne’e normal.

“Ne’e laos buat foun ida, Desimu tersieru  ne’e tinan tinan iha, komesa husi Prezidente Repúblika to’o  iha Funsionariu Permanente sira , agora dekretu lei ne’e sai para atu fasilita funsionariu kontratadu sira ne’ebé durante ne’e la hetan saláriu décimo terceiro,  funsionariu permanente ho orgaun Estadu hotu, komesa husi Prezidente Repúblika tinan-tinan décimo terceiro mes ne’e, lei garante tiha ona, la’ós problema konkorda ou la konkorda”,dehan Aniceto Guterres ba Jornalista sira, Tersa (22/12/2020), iha Palásiu Prezidensial Nicolau Lobato Bairo Píte, Díli.

Nia afirma, dekretu ida ne’e sai  tanba  tinan tinan, funsionáriu kontratadu sira labele sente diskriminadu to’o Natal  no tinan foun, ema hotu simu décimo terceiro ne’e,  nusa sira laiha direitu, agora fó direitu maibe sira asesor sira simu saláriu décimo terceiro ne’e, la bele liu Diretor Jeral ida nia fulan vensimentu ida nian. Sé asesor nasional  ida mak hetan USD 5 mill ka USD 4 mill, klaru la’ós fulan ida tomak, nia simu hotu, biar tinan ida tomak nia servisu ona mos, máximu saláriu Diretor Jeral ida nian la to’o tan Mill dolares,  entaun la’ós décimo terceiro mes,  hanesan mos subsídiu Natal ida ka Ano Novo ida, kompara ho nia saláriu. funsionáriu ho sira seluk ne’e Désimu 14 ne’e vezes um, ne’ebé la’ós buat foun ida, tanba décimo terceiro ne’e la’ós deit tinan ida ne’e, maibe hodi uluk iha kedan ona”,realsa Aniceto.Eni/Oly

Add to Comments Here!!!!

error: Content is protected.
Secured By miniOrange
You might also like:
Xefe suku 442 tuir formasaun daruak husi IDN

Institutu Defeza Nasionál (IDN), Segunda (21/12/20),...

Membru PNTL no F-FDTL 148 komete violasaun direitu umanu

Tuir relatóriu  investigasaun final  fó sai...

ACBN-MOKATIL hala’o semináriu ba harii sosiedade ho dignidade

Asosiasaun Combatentes Brigada Negra (ACBN )ho...

Close