JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

STVJ Comoro atribui sertifikadu ospitalidade ba formandu 17

STVJ Comoro atribui sertifikadu ospitalidade ba formandu 17

Sentru Treinamentu Vokasionál Juventude (STVJ) Comoro atribui sertifikadu ba formandu na’in 17, ne’ebé finaliza ona treinamentu iha área ospitalidade durante fulan nen (6).

Ho nune’e, Diretór STVJ Comoro, Norberto da Costa, husu ba formandu sira atu buat ne’ebé sira hetan iha STVJ Comoro labele para de’it iha ne’e, maibé nafatin buka atu aprende, nune’e bele kontribui ba dezenvolvimentu setór turizmu iha Timor-Leste.

“Enkoraja ita boot sira (formandu), matenek ne’ebé ita boot sira hetan ohin loron ida ne’e hanesan tempu ne’ebé limita, labele para de’it ho ida ne’e ho sertifikadu ne’ebé ohin ita boot sira simu, maibé aprende nafatin, labele dezanima ba kampu traballu katak, servisu seidauk iha, maibé oportunidade sei mosu, tanba situasaun polítika rai-laran ho pandemia globál (COVID-19) ne’ebé ita hotu hatene, empregadór sira atu emprega iha área ne’e seidauk iha, la hanesan ho tinan sira seluk, tanba ne’e husu ba imi hotu atu buka oportunidade hodi aumenta no hakle’an ba abilidade ne’ebé dau-daun ne’e iha, hodi dezenvolve ita boot sira-nia-an”, tenik Diretór STVJ Comoro ne’e iha serimónia fahe sertifikadu ne’e, Comoro-Díli, Kinta (17/12/2020).

Alénde ne’e, Vise Ministra Turizmu Komunitária no Kulturál, Inácia Teixeira, hateten, ospitalidade nu’udár fuan no klamar ba turizmu, nune’e prezensa ospitalidade ne’ebé di’ak, sei hafurak liu-tan turizmu iha Timor-Leste.

Governante ne’e enkoraja mós joven sira atu kontinua buka aprende, liu-liu lian Ingles, nune’e bele kompleta matenek ne’ebé hetan ona iha sentru treinamentu.

“Turizmu mak isin, ospitalidade mak klamar, ne’e duni ita boot sira ne’e mak iis no klamar para turizmu atu la’o ba oin, katak sé ita boot sira laiha koñesimentu, turizmu mós labele la’o ba oin, tanba ho ita boot sira-nia koñesimentu ne’e mak halo servisu turizmu ne’e bele iha valór, para ema bele sente Timor nia furak no nia di’ak, bainhira ema estranjeiru sira mai vizita nia fila-fali. Maibé labele para de’it iha ne’e, bele buka tan esperiénsia sira seluk, ha’u fó ezemplu iha ne’e, aumenta tan kapasitasaun língua, liu-liu língua Ingles, ne’e importante tebes, tanba língua Ingles ne’e fasilita ita buat barak, tanba ita servisu turizmu ne’e la’ós haree de’it ba ita-nia kapasidade oinsa atende, maibé ita-nia kapasidade komunikasaun ba ema mós importante tebes”, afirma Vise Ministra Turizmu Komunitária no Kulturál ne’e.

Entretantu STVJ Comoro fó ona oportunidade ba joven kuaze 1000 resin tuir treinamentu iha área ospitalidade no balun kontinua hetan oportunidade tuir ona formasaun iha Bali-Indonézia. say

Lee hotu :   Governu sei kria dekretu lei kombate informasaun falsu iha medsos

Add to Comments Here!!!!

error: Content is protected.
Secured By miniOrange
You might also like:
PM kastigu membru F-FDTL hatudu órgaun vitál iha média sosiál

Polísia Militar (PM) kastigu ona ninia...

CNRT: Governu la kumpre lei jestaun finanseira

Reprezentante povu iha uma fukun Parlamentu...

Kada tinan BCTL simu relatóriu transaksaun suspeita brankeamentu kapitál 100

Diretora Ezekutiva Unidade Informasaun Finanseira (UIF),...

Close