TL sei komemora loron nasionál ba eroi sira

Nasaun Timor-Leste (TL) sei komemora loron nasional ba eroi sira nian ba dala III iha loron 31, fulan ne’e. Tanba ne’e, Sekretáriu Estadu Kombatente Libertasaun Nasional, Gil da Costa Oan soru husu ba ema hotu fó minutu silénsia ba eroi sira.

Atu fó um minuto silénsiu hodi fó onra no gloria ba martir sira ne’ebé fó sira nia vida, ikus timor-leste kongese hetan ona nia autodeterminasaun.

Ho komemorasaun ne’e parte sekretria estadu protesaun sivíl mós sei toka sirene ne’ebé monta iha tasi ibun sira ne’ebé estabelese ona.

Nune’e husu ba komunidade sira atu labele trauma ho alarma ne’ebé sira toka, tanba ne’e la’os sunami mak sa’e, maibé hodi komermora loron importante ba eroi sira.

“Sidadaun ida-idak atu fó minutu ida silensiu iha ida-idak ninia la’o, ninian uma, ida-idak nia viajen sira hamrik iha fatin hodi hanoin no fó onra liu husi minutu ida nia nain nonok bele fó onra ba eroi sira hotu tanba seremonia ne’e sei lidera husi sua eselensia prezidente repúblika maibé um minitu silensiu sei la kobre teritóriu tomak tanba ho situasaun ne’ebé mak agora timor-leste iha husu ba sidadaun hotu voluntariamente atu presta um minute silensiu, iha mós toka alarme husi protesaun sivil”, dehan, Sekretáriu Estadu Kombatente Libertasaun Nasional, Gil da Costa Oan Soro, liu husi komunikadu imprensa iha salaun STAE Kaikoli, Segunda (28/12).

Ho selebrasaun ne’e, oan soru husu ba veteranu sira iha teritóriu tomak, atu labele sai konvidadu ba eventu hirak ne’e, maibé sai nain hodi partisipa marsa ne’ebé sei la’o ain, husi palásiu prezidensial to’o iha estatua nicolau lobato rotunda komoro. Tanba eroi sira nia mate mak ohin loron timor-leste sai nasaun repúblika demokrátika Timor-Leste.

“Ha’u husu favor ida veteranu labele sai konvidadu ba eventu sira hanesan ne’e inklui loron sira seluk espesialmente ba dia nasional dos erois tanba iha sira nia mate mak moris sira sai veteranu laiha sira mate veteran laiha, tanba ne’e husu ba hotu hotu espesial ba veteranu hotu laiha razaun atu justifika”,dehan.

Tuir ajenda hafoin diskursu Prezidente Repúblika nian husi Palasiu Prezidensial, sei lori mós  aifanun hodi ba kari iha estatua saudozu nicolau lobato komoro.

Gil da Costa Oan Soru mós husu ba ema hotu hodi kumpri nafatin regra estadu emerjensia, bainhira partisipa iha eventu refere, tanba dadaun ne’e timor-leste rejizta hikas kazu pozitivu. Ina