JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vendedór Taibessi la konkorda Governu hasai sira husi terminal-laran

Vendedór Taibessi la konkorda Governu hasai sira husi terminal-laran

Vendedór ne’ebé mak fa’an sasán iha merkadu Taibessi la konkorda ho Governu, liu husi Servisu Ekipa Jestaun Munisípiu Díli atu hasa’i sira husi Terminal-laran, tanba iha fatin ne’e mak kompradór sira bele sosa sira-nia sasán ho di’ak.

Ho nune’e, Vendedór Hermenegildo Guterres iha terminal merkadu Taibessi,  lamenta ho Servisu Ekipa Jestaun Munisípiu Díli ne’ebé planeia hasai sira husi fatin refere.

“Ami lamenta ho asaun ne’ebé parte munsípiu Díli atu mai sobu ami-nia fatin ne’ebé ami hari’i hodi fa’an durante loron Natal ho tinan foun de’it, maibé antes ami fa’an iha terminal-laran ne’e hetan mós orientasaun husi Xefe Jestaun Merkadu Taibessi hodi halo negósiu durante fulan ida iha tempu Natal no tinan foun. Maibé parte munisípiu Díli mai atu sobu fali, ne’e ami sei halo asaun hasoru sira, tanba fatin ne’e ami halo rejistu selu kada ema USD 5”, Vendedór ne’e ba GMN iha merkadu Taibessi, Díli, Segunda (14/12/2020).

Tuir Hermenegildo, sira fa’an sasán iha terminal Taibessi laran ne’e, tanba hetan orientasaun husi Xefe Jestaun Merkadu Taibessi.

“Feira ida ne’e la’ós foin mak loke, maibé tinan-tinan Xefe Jestaun sempre autoriza loke feira para ami bele fa’an sasán hodi hetan rendimentu iha tempu loron Natal no tinan foun. Mas ami la hatene karik antes ne’e Xefe Jestaun merkadu mak seidauk halo koordenasaun ho ekipa Jestaun Munisípiu Díli nian, maibé ami hanesan vendedór husu atu fó tempu semana rua hodi sai husi fatin ne’e, tanba ami fa’an la permanente”, informa Vendedór ne’e.   

Iha fatin hanesan, Vendedora Jacinta Monis, ne’ebé durante ne’e halo negósiu permanente iha merkadu Taibessi halo protesta hasoru Xefe Jestaun Merkadu Taibessi ne’ebé fó fatin ba vendedór balun fa’an iha terminal-laran durante loron Natal no tinan foun, tanba konsidera halo diskriminasaun ba sira.

“Hakarak fa’an iha terminal-laran ami mós iha direitu atu fa’an iha terminal- laran. Nusá mak ami ne’ebé fa’an permanente Xefe Jestaun la fó fatin ba ami, ida ne’e halo diskriminasaun boot, ne’ebé ami lamenta tebes ba dezisaun Xefe Jestaun nian”, katak Jacinta.

Hatán ba preokupasaun ne’e, Xefe Jestaun Merkadu Taibessi, Anibal de Jesus, informa, antes ne’e nia parte manda ona karta ba munisípiu Díli atu fó orientasaun, maibé to’o agora seidauk iha resposta ba nia pedidu ne’e. “Ne’e duni fallansu ne’e iha koordenasaun. Maibé ha’u fó hatene ona vendedór sira atu ba munisípiu Díli para bele husu loloos Administradór munisípiu Díli, hodi autoriza vendedór sira ne’e bele fa’an”, hateten Anibal.  

Total Vendedór sira ne’ebé fa’an iha terminal-laran hamutuk 200 resin. Entretantu to’o notísia ne’e publika GMN seidauk halo konfirmasaun ho Administradór munisípiu Díli. aba

Lee hotu :   Hadook-an husi COVID-19, Xanana husu peskadór evita transaksaun ilegál

Add to Comments Here!!!!

error: Content is protected.
Secured By miniOrange
You might also like:
MTCI husu CAC servisu tuir étika instituisaun

Ministério Turismo Comércio e Industria (MTCI)...

LuGu: Sosiedade tomak tenke hatúr fali K-RDTL tuir nia dalan

Diplomata senior, José Luís Guterres (LuGu),...

Adjuntu Kordenadór MTCI presta deklarasaun iha CAC

Adjuntu Koordenadór Programa Sesta Bázika (KPSB)...

Close