JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana simu dokumentu istóriku husi família Lekihare no António Guterres

Xanana simu dokumentu istóriku husi família Lekihare no António Guterres

Eis Komandante em Xefe FALINTIL, Kay Rala Xanana Gusmão, Kuarta (16/12/2020) simu dokumentu rezisténsia ne’ebé nia hakerek kona-bá luta Timor-Leste iha tempu okupasaun Indonézia husi família saudozu Germano do Rosário Amaral “Lekihare” no António Maria Aparício Guterres iha nia rezidénsia Lecidere-Díli.

Dokumentu rezisténsia ne’e hamutuk tolu hanesan Temática de Guerra, Saudação á II Brigada Vermelha e Questões Táticas ou Operacionais Aprender a Guerra.

Ho nune’e, Xanana husu ba Timor-oan hotu ne’ebé oras ne’e sei rai hela dokumentu istóriku sira bele entrega ba nia, atu nune’e bele hakerek fali ba livru sai hanesan istória ba jerasaun foun sira. Xanana mós agradese ba família rua ne’e, tanba bele lori fali ona dokumentu hirak ba nia.

“Ha’u husu boot liu husi jornál sé de’it mak iha dokumentu, foin dau-dauk ha’u simu liu husi ha’u hakerek mensajen ba sira, ne’ebé sira halo fotokopia no fo mai ha’u. Maibé ha’u presiza liu mak livru no dokumentu sira bo-boot hodi ha’u bele halo tradusaun, nune’e bele tau iha fatin ne’ebé ema hotu-hotu bele haree, liu-liu sai hanesan istória ba jerasaun foun sira”, Komandante em Xefe FALINTIL iha tempu rezisténsia ne’e hafoin simu dokumentu istóriku husi família saudozu Germano do Rosário Amaral “Lekihare” no António Maria Aparício Guterres iha nia rezidénsia Lecidere-Díli, Kuarta (16-12-2020).

Dokumentu hirak ne’e asegura husi família rua ne’e iha tempu rezisténsia to’o ukun-an, alénde livru tolu ne’e sei konserva dokumentu seluk relasionadu ho luta ba libertasaun nasionál.

Reprezentante família, Juven de Deus Aparício, sente onradu tebes bele entrega fali dokumentu hirak ne’e, tanba nu’udár família esforsa-an hodi bele afirma sira-nia aman Germano Lekihare nia pozisaun ba prinsípiu libertasaun pátria.

“Istórikamente dokumentu hirak ne’e entrega tutan husi ami-nia aman Germano Lekihare ho nia fen kaben Akata dos Reis Ximenes ne’ebé mós hanesan eis membru OPMT iha momentu ne’ebá ba nia primu ne’ebé mak hanesan sai ami nia aman hakiak António Aparicio Guterres no Dona Paulinha Correia Belo iha meiadu tinan 1986. La’ós ona segredu ba Timor-oan hotu-hotu katak iha momentu ne’ebá la fásil ba sidadaun ka eis komandante FALINTIL ida atu asegura dokumentu hirak ne’e, tanba klaru katak prosesu refere nakonu ho risku ne’ebé prejudika sira no família tomak nia vida. Maibé ho aten-brani tomak sira la taridu atu husik leet de’it dokumentu hirak ne’e atu monu leet de’it ba inimigu nia liman”, tenik Reprezentante família ne’e.

Dokumentu hirak ne’ebé Kay Rala Xanana Gusmão simu ne’e sei hakerek ba livru, atu nune’e bele sai hanesan referénsia ba jerasaun foun sira ne’ebé hakarak aprende kona-bá istória.

Partisipa iha serimónia ne’e eis Prezidente Repúblika, José Ramos Horta, família saudozu sira nian no eis membru Governu sira. oct

Lee hotu :   FM konsidera la nesesáriu implementa militár obrigatóriu

Add to Comments Here!!!!

error: Content is protected.
Secured By miniOrange
You might also like:
AIFAESA taka atividade negósiu tua sabu iha Balide

Autoridade Inspesaun no Fiskalizasaun Atividade Ekonómika...

Kay Rala Xanana Gusmão: Guerrilla Timor-Leste nian úniku iha mundu

Komandante em Xefe FALINTIL iha tempu...

Mota estraga kintál no natar, Abitante Guico-Lisadila ezije Governu normaliza la-lais

Abitante suku Guiço no Lisadila, postu...

Close