JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Benefisiáriu sesta bázika lori ikan dodok ba keixa iha PN

Benefisiáriu sesta bázika lori ikan dodok ba keixa iha PN

Benefisiáriu sesta bázika hosi aldeia Fomento II, suku Komoro lori ai-han sesta bázika hanesan ikan ho naan ba keixa ka aprezenta direta iha Parlamentu Nasionál (PN) tanba kondisaun ikan ho naan ne’ebé simu dois no dodok lalar hobur.

José da Costa haktuir, aihan hirak ne’e simu hosi supermerkadu balun iha Díli laran, iha loron 05, fulan Janeiru, tinan 2021 ne’e.

Abitante ne’e mós preokupa,  presu hosi sasán hirak ne’e, la to’o montante osan ne’ebé fó iha billete refere.

“ Sasán simu tuku tolu mak lori naan aat sira ne’e to’o uma, ba to’o kore, haree ikan hahhu dois, naan dois no metan dadaun, tanba ne’e mak hau lamenta hodi lori mai iha PN ne’e.

Sasan sira ne’e haruka hau nia oan mak hili rasik, maibe sira lakoi,  kompaña dehan ba sira ‘sasán ne’e ami hola foli karun, ne’eduni tenke tau ba,’ tanba ne’e kariawan sira haruka tau de’it, sira mak hili rasik duni hodi tau iha sakola haat ne’e ba ami nain haat nian.

Sasán ne’e hau nia oan sira mak hili rasik, maibe to’o uma es batu foin nabeen sasán sira hahu dois no dodok dadauk, ida ne’e estraga ita nia saúde atu oho ita, funu ita la mate, agora simu hahan para atu aumenta ita nia isin mak atu mate fali,  tanba simu buat dodok ida ne’e.”relata

Hatan ba preokupasaun ne’e, prezidente komisaun D, trata asuntu Ekonomia no Dezenvolvimnentu,  Antonino Bianco husu KAK ho PDHJ inklui AIFAESA atu halo kontrola ho másimu ba kompaña sira ne’ebé fornese aihan ba povu.

Lee hotu :   Deskonfia mosu familiarizmu Kandidatu traballador Australia hato’o keixa ba SEJT

“ Iha Díli ne’e ema la fahe hanesan iha foho, maibe lori de’it surat tahan (kupon) ida-idak lori surat tahan ba foti rasik iha loja de’it, hanesan katuas ne’e nia oan feto mak ba foti, desde horiseik, kari iha uma mak jeleira laiha ne’e konserteza naan ne’e bele dois. Maibe iha prosesu fahe ne’e iha KAK, PDHJ nia reprezentante no NGO iha, autoridade lokal aldeia no suku sira hotu iha. Normalmente kuandu ema ba foti mak ladiak halo protesta kedan  iha ne’ebá, ne’e para bele rezolve kedan, ne’e akontese babain hanesan ne’e, maibe ami sei halo apontamentu ba keixa ne’e. To’o agora ami foin hetan keixa ida, iha Díli ne’e foin mak katuas ne’e mesak mak mai keixa, sira seluk ne’e kala simu di’ak hotu ne’e mak la mai hato’o keixa, maibe tuir loloos buat ne’e simples, foti iha loja haree at troka kedas. Iha Díli ne’e se bele haree kondisaun ladi’ak entrega hodi troka kedas, se fila ba uma mak foin halo krítiku, empreza ka loja sira bele nega fali. Ami mós lakoi povu sia vítima, tanba PN aprova osan, depois governu atraves kompaña, agora kompaña bele manan maibe labele halo povu sai vítima.” Tenik deputadu Fretilin ne’e.

Liu hosi plenária Tersa semana ne’e, deputadu sira mós, barak kestiona kona-bá distribuisaun aihan sesta bázika ne’ebé laiha kualidade, fó impaktu ba populasaun nia saúde.

Maske nune’e, governu aloka osna tokon USD 71 hodi implementa programa sesta bázika refere.Say

Add to Comments Here!!!!

error: Content is protected.
Secured By miniOrange
You might also like:
Xanana apoia transporte ba fundasaun FCJ-CMM

Líder karismátiku, Kay Rala Xanana Gusmão...

HNGV la tolera pasiente koko tratamentu tradisionál

Xefe Gabinete Kontrolu Kualidade Ospital Nasionál...

PNTL la tolera ema halibur malu liu na’in 10

Polísia Nasionál Timor-Leste (PNTL) sei la...

Close