JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Espoza Guntur: Tau matan netik ba ha’u-nia oan sira

Espoza Guntur: Tau matan netik ba ha’u-nia oan sira

Saudozu Deputadu Sabino Soares ‘Guntur’ halo’ot iha Jardim dos Herois Metinaro iha loron 28, fulan Janeiru, tinan 2021, liu husi Dekretu Prezidente Repúblika númeru 5/2021 ne’ebé públika iha Jornal da República.

Tuir alinea f husi artigu 23 estatutu Kombatente Libertasaun Nasionál atribui Kombatente Libertasaun Nasionál ba Sabino Soares ‘Guntur’ ba nia kontribuisaun iha períodu luta libertasaun pátria, hodi hetan direitu ba onra fúnebre iha Jardim dos Herois da Pátria Metinaro-Díli.

Saudozu Guntur hakotu iis iha loron 23, fulan Janeiru, tinan 2021, iha Hospital Nacional Guido Valadares (HNGV), tanba sofre moras komplikasaun hodi husik hela nia espoza ho oan na’in 5.

Ho nune’e, matebian nia espoza, Elizita Fátima de Jesus mós husu ba Estadu atu tau matan ba ninia oan sira ne’ebé lakon ona sira-nia aman.

“Hakarak tau matan netik ha’u nia oan sira, hodi haree sira-nia eskola to’o hotu, tau matan mós ha’u feto faluk ne’e, ami mós agora uma laiha, ha’u husu ba Governu hodi tau matan”, dehan Elizita iha Jardim dos Herois da Pátria Metinaro-Díli, Kinta (28-01-2021).

Reprezentante família, Hernanio Soares, hateten, família rua husi Liquiça no Baucau sente triste no lakon hodi simu realidade ida ne’e, tanba durante torturasaun nia la mate, maibé iha tempu ukun-an tenke hanesan ne’e.

Prezidente Parlamentu Nasionál (PN), Aniceto Guterres Lopes, hateten, matebian Sabino Soares ‘Guntur’ labele salva nia vida, tanba hetan tratamentu tarde.

“Atu hatete de’it ba família nu’udár Prezidente PN intervensaun ne’ebé ha’u halo mak halo ona, tanba inísiu nia laiha kooperasaun di’ak, nune’e la konsege fó tratamentu ba nia, médika Cubana ida hateten, ba ha’u milagre mak bele salva deputadu, tanba nia órgaun vitais 4 ne’e falla hotu ona, depois rona ida ne’e ita entrega hotu ba Maromak no agora Maromak bolu ona”, tenik Prezidente PN ne’e.

Matebian Sabino Soares ‘Guntur’ moris iha loron 8, fulan Jullu, tinan 1975, iha Lelalai, Postu Admnistrativu Quelicai, Munisípiu Baucau.

Matebian hanesan mós membru fundadór PLP, iha tinan 2018 hahú nia funsaun hanesan deputadu iha PN Kinta Lejislatura no hanesan mós membru Komisaun G ne’ebé trata ba asuntu edukasaun, juventude, kultura no sidadania.

Entretantu durante V Lejislatura ne’e, membru PN na’in tolu mak hakotu ona peregrinasaun iha mundu molok mandatu remata, hanesan Deputadu Gilman Exposto dos Santos husi bankada UDT, Deputada Albina Marçal Freitas husi bankada CNRT, inklui Deputadu Sabino Soares ‘Guntur’ husi bankada PLP. ida

Lee hotu :   FRETILIN presta ómanajen ikus ba saudozu Victor da Costa

Add to Comments Here!!!!

error: Content is protected.
Secured By miniOrange
You might also like:
Taur: Posibilidade mosu transmisaun lokál COVID-19

Primeiru Ministru (PM), Taur Matan Ruak,...

PN sujere Governu define tipu vasina COVID-19

Reprezentante povu iha uma fukun Parlamentu...

CNRT-FRETILIN husu Governu hapara partidariza funsaun públika

Prezidente komisaun A Parlamentu Nasionál (PN),...

Close