JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Povu haree Governu mak viola uluk regra EE

Povu haree Governu mak viola uluk regra EE

Komunidade sira konsidera Governu kria regra Estadu Emerjénsia (EE) hodi halo prevensaun ba COVID-19, maibé Governu kria fali programa sesta bázika obriga sidadaun sira viola regra ida ne’e, tanba ne’e Governu mak fasilita sidadaun atu labele kumpre regra EE.

“Kria lei kona-bá prevensaun COVID-19 ne’e kapas teb-tebes para labele afeta moras COVID-19 ne’e ba ita nia komunidade sira, somente lei ida ne’e Governu liu husi Konsellu Ministru (KM) aprova depois lori ba aprezenta iha Parlamentu Nasionál (PN) hodi aprova tan depois lori ba Prezidente Repúblika (PR) dekreta para ema hotu bele kumpre regra EE ne’e, i realidade ema barak mak kumpre duni lei ne’e, maibé iha parte ida Governu rasik kria programa sesta bázika hodi fó oportunidade ba komunidade sira la tuir regra distánsia sosial hodi viola tiha regra sira ne’e”, komunidade Bendito dos Santos ba GMN iha Delta IV-Comoro, Kinta (14/01/2021).

Bendito mós preokupa ho vendedór sira iha  merkadu Taibessi no Manleuana, tanba la kumpre regra EE ba prevensaun  COVID-19.

“Maske regra foun ne’ebé KM aprova hafoin halo alterasaun ba dekretu Governu númeru 18/2020 kona-bá medida ezekusaun EE no medida foun ne’e, KM aprova tanba haree ba númeru kazu pozitivu COVID-19 iha Timor-Leste aumenta, maibé komunidade barak mak la kumpre medida sira ne’e, tanba Governu aplika regra hirak ne’e la ho rigór, haree ba realidade hatudu katak movimentu komunidade nian iha fatin públiku sira hanesan merkadu, distribuisaun sesta bázika iha loja sira, movimentasaun transporte públiku la kumpre regra distánsia sosiál no balun la uza máskara”, dehan komunidade ne’e.

Antes ne’e, Ministru Defeza mós deside taka fronteira terestre, aéreo no marítima hodi bandu movimentu sidadaun husi estranjeiru mai teritóriu nasionál, tanba konsidera virus refere nu’udár moras importadu.

Alende ne’e mós, porta voz Polísia Nasionál Timor Leste (PNTL), Superintendente Xefe Arnaldo Araújo, hateten, kona-bá regra foun ba estensaun EE ba da-sia ne’ebé KM aprova dau-daun ne’e autoridade seguransa hahú ona halo sosializasaun iha nasionál no mós iha munisípiu sira, nune’e komunidade bele prevene-an husi kalamidade aat ne’e. aba

Lee hotu :   KDT-TL Produz formandu lian jestuál 10

Add to Comments Here!!!!

error: Content is protected.
Secured By miniOrange
You might also like:
Tribunál husu PN hasa’i imunidade deputadu Kalohan

Tribunál Distritál Díli (TDD) husu Parlamentu...

PM Taur: Ezonera KomJer PNTL, ha’u la hatene

Primeiru Ministru (PM), Taur Matan Ruak,...

La halo pagamentu ba empreza sira, PN konsidera Governu devedór

Deputada bankada CNRT iha Parlamentu Nasional...

Close