JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana ne’e, MSSI halo pagamentu ba reklamante subsídiu familiár 12.597

Semana ne’e, MSSI halo pagamentu ba reklamante subsídiu familiár 12.597

Governu liu husi Ministériu Solidareidade Sosial no Inkluzaun (MSSI), sei halo pagamentu USD 200 ba lista reklamante sira iha teritóriu Timor-Leste (TL), ne’ebé sei hala’o iha loron Sesta, (08/01/2021).

Vise Ministra Interina MSSI, Signi Chandrawati Verdial, hateten, sira nia parte sei kordena ho ministériu saúde hodi halo kontrolu ba komunidade ne’ebé sei simu USD 200, nune’e bele mantein regra Estadu Emerjénsia (EE).

Signi esplika, sira nia parte garante komunidade sei kumpri regra Estadu Emerjénsia obrigatóriu, tanba númeru reklamante la bo’ot liu kompara iha faze dahuluk.

Tuir Ministra Interina Signi, naran sira ne’ebé atu simu subsídiu taka ona iha kada suku no fiksa ona kalendáriu hodi halo pagamentu.

“Ministériu Solidariedade no Inkluzaun no Ministériu Administrasaun Estatal ohin hakarak informa ba públiku katak pagamentu apoiu monetáriu ba agregadu famíliar partikularmente ba sira ne’ebé tama iha lista reklamante sei halo iha loron 08 loron 3 mai tan fulan Janeiru iha teritóriu tomak hamutuk ema rihun 12.597 kada ema sei simu sira nia osan dolar 200 Governu aprova tiha ona osan millaun USD 2.519,400.00 ne’ebé koresponde ba numeru ne’ebé temi iha leten, hakarak fó hatene katak montante osan refere inklui pagamentu ba reklamante sira iha RAEOA maibé, tanba teritóriu RAEOA tomak iha hela lockdown. nune’e pagamentu ba reklamante sira iha Oe-cusse sei hein locdown remata,” dehan, Vise Ministra Interina MSSI liu husi Konfrensia ba Imprensa iha salaun MSSI-Caicoli, Tersa (05/01).

Ministériu Solidareidade Sosial no Inkluzaun husu ba benefisiáriu sira ne’ebé ho rendimentu dolar atus lima ba leten atu iha konsiensia hodi labele simu osan, hodi  fó oportunidade ba maluk sira ne’ebé rendimentu la to’o dolar atus lima ba leten.

Lee hotu :   Dom Norberto fo korajen ba VII Governu ■Tenki prioritiza nesesidade povu

Vise Ministra MSSI, Signi husu apoiu Sosiedade Sívil, Provedoria Diretus Humanu no Justisa, Komisaun Anti Korupsaun hodi kontrolu servisu refere.

Pagamentu agregadu familíar ba munisípiu sanulu resin ida sei hala’o durante loron 4 no kapitál Díli sei hala’o durante loron 6, tanba númeru reklamante bo’ot kompara ho munisípiu 11 no RAEOA.

MAE redus númeru reklamante

Ministériu Administrasaun Estatal (MAE), reduz númeru reklamante liu rihun sanulu resin lima tun ba rihun sanulu resin rua liu.

Diretór Jeral Ministériu Administrasaun Estatal (MAE), Sebastião Perreira, informa, lista reklamante ne’ebé antes ne’e ministériu simu hamutuk liu rihun sanulu resin lima, maibé hafoin ne’e haruka fila ba suku hodi halo verikasaun reduz ba liu rihun sanulu resin rua, tanba dadus ne’ebé tama antes ne’e maioria duplikasaun.

Diretór Geral hateten, maske reduz ona ba ema liu rihun sanulu resin rua, maibé dadus refere mak final ona ba Governu hodi halo pagamentu no garante sei laiha tan pagamentu ba terseira faze.

“Porvolta de 15 mil resin, maibé halo fali verifikasaun ba lista ne’ebé ke iha dadus ne’e tun ba 12 mil resin fora husi 2.884 ne’e mak agora hela 12.197 tuir dadus ne’ebé iha, ami haruka fila-fali ba suku depois de dadus ne’e ami rekolla hotu tiha halo kompilasaun ba dadus hirak ne’e, ami haruka ba fali sukus, sukus mak halo verifikasaun ba dadus sira ne’e, hodi hato’o mai Estatal, Estatal haruka mai iha MSSI lista final mak ita hetan dadauk ne’e 12.597, tanba lista durante duplikasaun mak barak,” dehan, Diretór Jeral Ministériu Administrasaun Estatal, Sebastião Perreira, liu husi Komfrensia ba Imprensa, iha Salaun MSSI, Caicoli, Tersa (05/01).

Lee hotu :   Governo gasta cerca de 11 milhões de dólares na compra de materiais de proteção e medicamentos

Iha fatin hanesan mós, Vise Ministra Interina MSSI, Signi Chandrawati  Verdial, garante ho númeru ne’e mak final ona ba MSSI hodi halo pagamentu últimu.

“Ita asegura katak dadus ne’e final tuir informasaun husi estatal ida ne’e dadus final ita sei laiha tan ba terseiru faze laiha ona, maibé se karik akontese ita nia kordenasaun la diak tanba informasaun tenke mai husi ita nia xefe aldeia no xefe suku sira”, hatete, Vise Ministra Interina MSSI, Signi Chandrawati.

Alende ne’e, MSSI sei la aluga tan viatura hodi fasilita ekipa tékniku sira ba kada munisípiu maibé, veíkulu hirak ne’e mai husi patrimonia Estadu.

“Ita la aluga tan tanba, ita iha transporte rasik utiliza kareta Estadu rasik transporte hotu preparadu ita iha 66 transporte ne’ebé ita kalkula bele utiliza ba iha prosesu pagamentu ida ne’e hotu-hotu organizadu ona hein dia 07 aranka, kareta 50 resin mai husi patromoniu Estadu,” informa, Vise Ministra Interina MSSI ne’e.

Pagamentu subsídiu ne’ebé MSSI sei hala’o iha teritóriu tomak maibé la inklui RAEOA.Ina

Add to Comments Here!!!!

error: Content is protected.
Secured By miniOrange
You might also like:
Membru PNTL tiru kanek abitante ida iha Tasitolu detein ona iha sela

Membru   Polísia Nasionál Timor-Leste (PNTL)...

Pasiente COVID-19 la kumpri regra, MS prontu fó sansaun

Ministériu Saúde sei fó sansaun relasiona...

Tinan 2020, SSMD rejista kazu dengue 813

Durante tinan 2020 Servisu Saúde Munisípiu...

Close