JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana oin PN halo eleisaun ba reprezentante KI

Semana oin PN halo eleisaun ba reprezentante KI

Porta voz Parlamentu Nasionál (PN), deputada Lidia Norberta, informa, Segunda semana oin, loron 11 fulan Janeiru, tinan 2021, PN liu hosi konferénsia líder bankada ajenda ona atu realiza eleisaun hodi hili reprezentante PN ba Konsellu Imprensa (KI) ne’ebé pendente kleur ona.

Alende ne’e, Sekretaria meza PN ne’e afirma, Prezidente PN, Aniceto Guterres Lopes mós orienta ona kada komisaun espesializada permanente, atu hahú halo planu asaun anuál ba tinan 2021.

“Prezidente PN Aniceto lidera reuniaun ho líder bankada sira inklui Prezidente komisaun espesializada sira hotu, hodi diskute ajenda no planu atividade PN nian iha tinan foun 2021. Liu hosi reuniaun líder bankada ne’e mós hotu-hotu konkorda atu realiza plenária iha Segunda-Feira, ho ajenda eleisaun ba membru KI, tanba ajenda ne’e kleur demais ona, tanba ne’e meza PN mós husu bankada sira atu prepara sira nia kandidatura”, relata deputada FRETILIN ne’e liu hosi konferénsia ba imprensa, Sesta (08/01/2021).

Prezidente PN mós husu ba Prezidente komisaun espesializada permanente sira atu ida-idak prepara nia planu atividade anuál, hodi nune’e bele konklui iha OJE 2021 hodi halo fiskalizasaun.

Lejisladora ne’e subliña, bazeia ba lei komunikasaun sosiál PN sei hili nia reprezentante, maibé hosi reprezentante nain rua ne’e, ida tenke ho títulu jurista.

“Tuir lei númeru 5/2014 Komunikasaun Sosiál, artigu 45, PN sei hili ema na’in rua ba membru KI, hosi ema na’in rua ne’e, obrigatóriu ida tenke jurista”, afirma Lídia.

Durante ne’e, eleisaun reprezentante PN ba KI ne’e ajenda ba dala 2, maibé adia, tanba PN presiza hetan esklaresimentu, ligadu ho jornalista 31 ne’ebé halo petisaun, hasoru rezultadu eleisaun reprezentante Asosiasaun Jornalista Timor-Leste (AJTL) ba KI.

Kandidatu reprezentante PN ba KI ne’e iha ona, kompostu husi Timor-oan na’in haat ne’ebé kompete ona.

Ida propoin hosi bankada CNRT ho Frente Mudansa, FRETILIN propoin 1, UDT propoin kandidatu 1, no PLP propoin nia kandidatu 1.

Reprezentante ne’ebé PN hili ne’e hodi kompleta kompozisaun KI, bazeia ba lei komunikasaun sosiál artigu 45 iha na’in 5.

Rua hili husi PN, rua seluk hili husi jornalista sira hodi reprezentante jornalista ba KI no ida reprezentante órgaun komunikasaun sosiál. say

Lee hotu :   PR sei hato'o votu parabéns ba Jokowi

Add to Comments Here!!!!

error: Content is protected.
Secured By miniOrange
You might also like:
Fornese internet ilegál, arguidu rua husi kompañia UNITECH submete ona ba PI

Tribunál Distritál Díli (TDD) iha Sesta...

CNRT: Governu tenke oferese hahan ne’ebé saudavel ba povu

Vise Xefe bankada CNRT, Patrocinio Fernandes,...

Taur: Se for necessário, haverá remodelação governamental

O Primeiro-Ministro, Taur Matan Ruak, disse...

Close