JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Traballadór Seguransa Lorosa’e 468 tinan rua la simu saláriu

Traballadór Seguransa Lorosa’e 468 tinan rua la simu saláriu

Kuaze tinan rua (2) nia-laran la simu saláriu, traballadór Seguransa Guarda Lorosa’e 468 ne’ebé halo seguransa ba óleo pezadu munisípiu Baucau hato’o keixa ba Parlamentu Nasionál (PN), nune’e bele solusiona sira nia preokupasaun.

“Ohin loron ami hasoru malu ho komisaun E, ami bele ko’alia ami nia direitu ba Prezidente Komisaun E iha PN, ami nia direitu ami nu’udar seguransa Lorosa’e iha óleo pezadu atu tama ba tinan rua (2) ona Ministériu Obras Públika (MOP) la selu ami. Ami hahú servisu iha tinan 2011 ne’ebé Estadu hakotu ami nia kontratu sira derepente, hateten Gardamor mak manan projetu, ami nia kompañia mós la hatene ami membru servisu iha estasaun mós la hatene no hetan osan ba Pemutusan Hubungan Kerja (PHK). Durante tinan 2019 ami seidauk hetan ami nia saláriu durante fulan hitu (7) ami husu dehan osan laiha, ami mantein hodi ezije ami nia direitu, tanba komisaun E sei buka dalan hodi ko’alia ho MOP“, Koordenadór Seguransa Lorosa’e, Cipriano Hornay ba jornalista sira hafoin hasoru malu ho Prezidente Komisaun E PN, Kuarta (13-1-2021).

Prezidente Komisaun E PN, Abel Pires, klarifika, problema kona-bá traballadór sira ne’ebé servisu iha óleo pezadu ne’e la’ós problema foun, maibé hahú kedas husi fulan Jullu, tinan 2019 to’o ohin loron, maibé seidauk iha solusaun.

“Kona-bá ida ne’e ami hato’o bei-beik iha plenaria relatóriu komisaun nian fiskalizasaun mós ami hato’o hela de’it, to’o ohin loron ita seidauk rezolve, ami lamenta tanba iha na’in ida husi sira tanba de’it kondisaun vida todan hodi komete oho-an iha Manatuto, ohin mós sira nia reprezentante mai ko’alia ho ami husu ba oinsa buka solusaun ba sira nia problema, tanba ne’e komisaun iha komprensaun ba sira nia situasaun, tanba sira kontinua servisu dezde tinan 2019, nune’e besik tinan rua ona seidauk hetan sira nia direitu, ida ne’e preokupasaun boot ba ami tama ajenda komisaun nian atu bele rezolve situasaun ida ne’e iha tinan ida ne’e nia-laran. ety

Lee hotu :   Tenta korta dalan ba Baucau, PNTL kaptura ema 13 submete ba teste swab

Add to Comments Here!!!!

error: Content is protected.
Secured By miniOrange
You might also like:
Sérgio: Estadu falla regula internet ilegál

Jurista Sérgio Quintas, konsidera, Estadu falla...

Lere defende Faustino da Costa kontinua lidera PNTL

Xefe Estadu Maiór FALINTIL-Forsa Defeza  Timor...

PD-PLP lamenta Estadu TL kriminaliza empreza telekomunikasaun

Reprezentante povu iha uma fukun Parlamentu...

Close