JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu halo Programa Sesta Bázika lufu-lafu de’it

Governu halo Programa Sesta Bázika lufu-lafu de’it

FOTO: Komunidade suku Bebonuk, munisípiu Díli

Komunidade suku Bebonuk, Papy, konsidera, Programa Nasionál Sesta Bázika ne’ebé VIII Governu Konstitusionál kria lufu-lafu de’it, tanba laiha estudu no tarjetu ne’ebé loloos, liu-liu habokur de’it kompañia sira ne’ebé distribui sasán sesta bázika.

Komunidade sira-nia preokupasaun ne’e mosu relasiona ho presu sasán husi empreza distribuidór aas liu, kompara ho presu bai-bain iha merkadu, sasán laiha kualidade no sasán ne’ebé fahe importadu de’it.

Tanba ne’e, komunidade husu ba Governu tenke estuda uluk molok implementa programa ne’e, hodi labele gasta osan habokur no rekupera kompañia sira de’it.

“Sasán ne’ebé husi kompañia fó mak ami haree nia presu ne’e la hanesan buat ne’ebé folin 1 dollar tau fali iha ne’eba 2.50, buat ne’ebé folin 2 dollar sa’e ba 5 dollar no 6 dollar, ida ne’e mak ami haree hanesan ba ha’u fó kuitadu boot ba Governu, tanba Governu lakon dois vezes, tanba folin dollar 1 tau ba 2 dollar, sé ida ne’e mak Governu hanoin di-di’ak karik Governu bele halo buat ruma liu fali sesta bázika ne’e, buat balun que ita haree iha iha liur USD 1 dollar nia folin USD 2.50”, Komunidade suku Bebonuk ne’e iha Ai-mutin-Díli, Tersa (16/02/2021), hafoin simu sasán sesta bázika.

Iha parte seluk, benefisiáriu Bebonuk, Aniceto da Costa, deskorda ho presu sasán bázika, tanba konsidera la’ós rekupera ekonomia povu, maibé hariku empreza distribuidór.

“Sorisu 12 dollar tau kedas ba 20 dollar, ne’e ami sei la simu ida ne’e, sé hanesan ne’e Estadu haree fó osan de’it di’ak liu osan para ami na’in ba hola di’ak liu, ne’e hanesan buat ida Estadu halo bokur kompañia no bosok povu, hodi 1 dollar no 2 dollar, ida ne’e ami sente la puas, tanba halo bokur kompañia”, hatete Aniceto.

Nune’e mós, Benefisiária Aldeia 20 de Setembro, suku Bebonuk, Maria, deskontente ho situasaun ne’e, tanba kada ema USD 50 ba fulan rua nian, maibé sasán hirak ne’ebé sira simu la tuir promesa Governu.

“Ami sente la kontente, tanba bainhira sasán sira ne’ebé mak ami foti bazeia ba kada ema 50 dollar, bainhira ne’e iha liur dalaruma hetan 50 sent, manu-tolun ne’e wainhira ha’u kompra karik”, dehan Maria.

Hatán ba preokupasaun ne’e, Jestór Lisun, Pascoal Suri Mali, hateten, presu sasán iha supermerkadu lisun ne’ebé empreza tau la hanesan ho presu merkadu, tanba presu ne’ebé kompañia Lisun tau Governu mak termina.

“Iha ne’e laiha manipulasaun, presu iha merkadu labele hanesan ho presu supermerkadu, tanba supermerkadu ba sosa iha supermerkadu, sé ha’u ba sosa mai fa’an ho presu ida hanesan ne’e, ha’u halo bisnis halo saida, sé merkadu haat (4) 50 mai ha’u halo tolu (3) 50, labele haat (4) 50 ha’u ba sosa halo saída, benefisiáriu tenke haree sasán ne’ebé supermerkadu halo presu mai husi Governu la’ós supermerkadu halo ninia presu mak lori ba, presu ne’e mai husi Governu”, hateten Jestór Lisun ne’e.

Tuir resibu ne’ebé GMN asesa husi empreza foos marka Furak Liu ho kilógrama 25 folin USD 13.75, sorisu ida ho folin USD 20.

Entretantu antes ne’e, Ministru Prezidénsia Konsellu Ministru, Fidelis Magalhães fó sai katak, labele halibur ema liu na’in 10, uza máskara bainhira movimentu iha fatin públiku, mantein distansia fíziku no sosiál, maibé benefisiáriu suku Bebonuk, ekipa MTCI no autoridade lokál sira la kumpre regra prevensaun COVID-19 husi OMS. ina

Lee hotu :   Problema lixu iha Díli, Bianco: Presiza jestor di’ak ida asegura lixu

Add to Comments Here!!!!

error: Content is protected.
Secured By miniOrange
You might also like:
CNRT: Governu lockdown munisípiu rua la suspende prosesu aprendizajen

Reprezentante povu iha uma fukun Parlamentu...

Governu fiar rekomendasaun vasina COVID-19 husi UNICEF

Ministra Saúde (MS), Odete Maria Freitas...

Lisun hapara distribuisaun sesta bázika

Jestór Lisun, Pascoal Suri Mali, deklara,...

Close