JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu pozitivu COVID-19 iha Fatumean aumenta ba hitu

Kazu pozitivu COVID-19 iha Fatumean aumenta ba hitu

Ekipa Vijilánsia Epidemiolójika no Laboratóriu, halo rastreiu iha Aldeia Klauhalek, Suku Belulik-Leten, Postu Administrativu Fatumean, Munisípiu Covalima, hodi rekolla tan amostra 40 ba halo teste laboratóriu, husi teste PCR (Polymerase Chain Reaction) ne’ebé halo, hetan tan pozitivu ida,  mane ne’ebé ninia káben konfirmadu nu’udar kazu foun iha loron rua liu-ba.

“Informasaun adi­sionál kona-ba kazu agrupamentu, kluster Klauhalek horiseik, 24 Fevereiru 2021, ekipa vijilánsia epidemiolójika no laboratóriu, halo rastreiu ih Aldeia Klauhalek, suku Belulik-Leten, Postu Administrativu Fatumean, Munisípiu Covalima, no rekolla tan 40 amostras ba halo teste laboratóriu. Husi teste PCR ne’ebé halo, hetan tan pozitivu ida, mane, ninia kabén konfirmadu nu’udar kazu foun, loron rua liu-ba. Husi dadus ne’ebé rekolla,no análize ne’ebé halo ba istória kontaktu husi kazu foun ida ne’e, ekipa vijilánsia to’o iha konkluzaun katak kazu foun ida ohin, mane ho idade tinan 69, hela iha aldeia Klauhalek, sintomátiku, nia gasta maior parte husi nia tempo iha to’os no haki’ak karau fatin, besik baliza ho Indonézia nia desa (Suku) naran Lookeu, Kecamatan (Postu Administrativu) Tasi-Feto Barat, Kabupaten (Munisípiu) Belu”,Koordenadór Forsa-Tarefa ba Prevensaun no Mitigasaun Surtu CO­VID-19, Rui Maria de Araújo, hato’o informasaun ne’e liu husi konfe­rénsia ba im­prensa iha Sala Situasaun Jestaun Krize CCD, Tersa (25-02-2021).

Rui hatete, ninia rezultadu PCR hatudu CT (Cycle threshold) value 40, signifika nia iha faze rekuperasaun. Ida ne’e hatudu katak nia hetan kontájiu, mais ou menus entre semana rua to’o semana tolu liu-ba.

“Dadus hirak ne’e hotu hatudu katak, to’o ohin, kluster ka agrupamentu Klauhalek, ita identifika ona kazu primáriu, ne’ebé hala’o transmisaun lokál ba ema na’in 6, feto na’in 4 no mane na’in 2. Por em quanto, seidauk iha evidénsia katak kluster ka agrupamentu ida ne’e espalla ona mós ba fatin seluk”,dehan.

Lee hotu :   Gregório Saldanha: Governu la kumpri promesa atu muda monumentu 12 Novembru

Rui informa, ekipa vijilánsia epidemiolójika,  ho laboratóriu husi nível nasionál, munisípiu Covalima,  no mos Sentru Saúde Fatumean,  hamutuk ema na’in 20,  oras ne’e dadaun nafatin hala’o rastreiu ba kontaktu sira hotu.

Dadus jerál husi sala situasaun, kazu konfirmadu foun 1, kazu rekuperadu 1 husi RAEOA,  kazu ativu 21,   ema tama husi fronteira hahú husi loron rua nulu resin ha’at to’o loron rua nulu resin lima, fulan ne’e,  ema ne’ebé liu husi dalan legál hamutuk 17, no tama ilegál na’in 4,  no dadaun ne’e, sira hotu tama ona iha kuarentena.eni

Add to Comments Here!!!!

error: Content is protected.
Secured By miniOrange
You might also like:
UPF no F-FDTL kontinua pasa revista ba komunidade Covalima

Unidade Patrullamentu Fronteira (UPF) no FALINTIL-Forsa...

Kazu MCS nia mate, PNTL seidauk suspeita ema ruma

Polísia Nasionál Timor-Leste (PNTL) munisípiu Díli...

PNTL asegura sidadaun 154 iha kuarentena

Segundu Komandante Polísia Nasionál Timor-Leste (PNTL)...

Close