JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KTAOX sei lori Xanana sai PR

KTAOX sei lori Xanana sai PR

Klibur Tane-Aas Obra Xanana (KTAOX) hahú hametin estrutura iha baze hodi reforsa partidu CNRT, atu lori maun bo’ot Kay Rala Xanana Gusmão sai Prezidente Repúblika (PR) iha tinan 2022. Tanba KTAOX haree momoos hela ona katak, futuru Timor-Leste (TL) sei la ba oin, kuandu líder karismátiku Xanana la tama iha órgaun soberania sira ne’e ida.

Konselleiru Máximu KTAOX, Amaro da Costa ‘SUSAR’, husu foinsa’e sira atu labele kria instabilidade, hodi garante estabilidade iha rai-laran, nune’e konsentra ba estuda hodi aprende buat hotu, atu kontinua obra luta na-in sira nian, hodi luta ba dezenvolvimentu rai Timor.

“Harii Klibur ne’e, tanba ami haree ba partidu hotu-hotu ukun tiha ona iha rai doben ida ne’e, maibé ita haree povu sei tanis no halerik bei-beik iha rai doben ida ne’e, futuru mós ita haree la ba oin, ne’e mak ami harii klibur ne’e hanesan asosiasaun ida, atu hodi foti fali maun bo’ot Xanana ba iha Prezidente iha 2022. Atu hodi hadi’a lei, haree fila-fali povu nia moris no aguenta nafatin obra ne’ebé nia husik hela ne’e seidauk kompletu”, Konselleiru Máximu KTAOX ne’e ba GMN, hafoin abertura Asosiasaun Klibur ne’e iha salaun Ramelau, Munisípiu Ainaro, Sábadu (13/02/2021).

Alénde ne’e, Koordenadór Klibur Munísipiu Ainaro, Abílio Magno, afirma, klibur refere envolve hosi grupu organizasaun oi-oin, hanesan KORK, PSHT, KERA-SAKTI, 77 no seluk tan, ho misaun hakarak marka tan istória, atu lori Xanana sai Prezidente dala ida tan.

“KORK loloos mak durante ne’e ami la inklina iha KHUNTO ne’e, hanesan KHUNTO ne’e partidu, maibé KORK ne’e organizasaun, organizasaun la harii partidu, ami KORK durante ne’e la tur hamutuk harii KHUNTO ida, ne’e duni partidu KHUNTO ne’e Naimori nian, nia rasik mak harii partidu ne’e, ne’ebé objetivu ami nian mantein organizasaun, ami fahe malu iha 2021 kedas, dezde señor Naimori foti desizaun harii partidu, ne’e ami la tuir ka la hamutuk ho KHUNTO ne’e. Tanba ne’e mak ami harí klibur ne’e, ho objetivu ida katak, sé partidu karik tuir maun bo’ot Xanana Gusmão, tanba durante ne’e, ha’u-nia ema sira ne’ebé namkari iha Timor laran tomak apoia ba maun Xanana. Ha’u mai hanesan organizasaun, primeiru tanba ha’u ne’e hamri’ik iha KORK, ho ema sira ne’ebé ha’u lori mai ho intensaun ida katak maun bo’ot Kay Rala Xanana Gusmão mak bele lidera rai ne’e. Ha’u halibur komunidade hotu, la’ós KORK de’it, tanba la haree de’it ba organizasaun. Ami nia objetivu ida atu prepara ba 2022, hodi lori maun bo’ot Xanana Gusmão sai PR”, subliña Abílio.

Klibur Tane-Aas Obra Xanana (KTAOX) nian ne’e, harii kuaze tinan tolu ona, ne’ebé estabelese ona nia estrutura iha munisípiu hotu. say

Lee hotu :   MTK sei halo inspeksaun ba kareta ne’ebé tuan ona

Add to Comments Here!!!!

error: Content is protected.
Secured By miniOrange
You might also like:
UPF kaptura ema 30 tama ilegalmente mai TL

Komandante Jerál Polísia Nasionál Timor-Leste (PNTL),...

Expo Dubai 2020: TL aposta em setores como agricultura e turismo para atrair investimento

O Coordenador-Geral da Expo Dubai de...

BCTL laiha koñesimentu ba osan tau fotografia Xanana

Banco Central de Timor-Leste (BCTL) laiha ...

Close