GMN TV Sosiedade Traballadór ida mate tanba monu husi andar-leten

Traballadór ida mate tanba monu husi andar-leten

Traballadór  Timor-oan ida  naran Raimundo monu husi andar-leten iha parte Audian nian,  tanba la uza ekipamentu protesaun. Insidente ne’e akontese Segunda (22/02/2021), mais ou menus tuku ida liu minutu balun meudia, oras Timor-Leste,  iha Audian Díli, hodi rezulta ulun nakfera.

Matebian orijin husi Munisípiu Lautem. Wainhira akontese tiha insidénte ne’e, Polísia Servisu Investigasaun Kriminál to’o iha lokál akontesimentu, dada  kedas liña Polísia, hodi asegura mate-isin, atu ema labele besik. Polísia rekolla mós  sampel   husi matebian.

Tuir sasin  Agustinho da Silva, núdar mós traballadór haktuir, vítima Raimundo monu husi andar-leten, hafoin hatun besi ida atu solda.

“Ha’u iha lantai 4 kaer tali, nia iha andar leten mak monu tun mai. Material protesaun iha, maibé ohin mak ami la uza”,esplika sasin  Agustinho da Silva, ba jornalista sira Segunda (22/02/2021), iha Audian.

PSIK  evakua ona mate-isin husi fatin akontesimentu ba iha mortuáriu Hospital Nacional Guido Valadares (HNGV)  ho Carro Funerario, hodi hala’o prosesu autópsia.

Tuir informasaun  ne’ebé mak GMN  hetan iha terrenu husi matebian nia kolega sira  katak,  matebian ho nia kolega sira husi kompañia ida ho inisiál SW, ne’ebé mak hetan fiar husi  sidadaun Xinez Timor-oan ida hodi hala’o konstrusaun ba uma andar ne’e, iha Audian.

To’o notisia ne’e publika, GMN seidauk  hetan matebian nia identidade kompletu, tanba iha insidente ne’e, matebian  nia família rasik laiha fatin akontesimentu.avi


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker