JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dalan ligasaun Díli ba munísipiu seluk taka, implika negosiante Taibesi triste

Dalan ligasaun Díli ba munísipiu seluk taka, implika negosiante Taibesi triste

Negosiante iha merkadu Taibessi triste, tanba Governu deside taka dalan ba movimentu transporte públiku hosi Munisípiu mai Díli, nune’e difikulta transporte atu lori modo hosi Munisípiu mai iha merkadu Taibessi.

“Corona halo Governu taka estrada sira hodi halo kareta ne’ebé bai-bain lori modo hosi Munisípiu lamai, nunue’e halo ami negosiante susar atu fa’an modo, tanba modo laiha”, dehan negosiante, Natercia da Costa Guterres, ba JN-Diário, Kinta (11/03/2021) iha Taibesi Díli.

Natercia hatete, durante ne’e negosiante iha Merkadu Taibessi no Manleu sosa modo hosi Munisípiu sira hanesan, Ainaro, Covalima, Baukau no Aileu, maibé agora modo laiha ba sira atu fa’an, tanba estrada taka no kareta labele lori modo hosi munisípiu ba iha merkadu Taibesi.

“Maibé agora sei iha modo oituan ba ami atu fa’an hanesan kanko, brinjela no modo mutin, tanba ami sosa iha Hera ne’ebé kareta tula lori mai. Modo laiha ami tur hateke malu no ami labele fa’an buat ida”,dehan Natercia.

Nunue’e mós, negosiante Teresa Monteiro, hatutan sira ba sosa modo iha Hera no kareta tula mai iha merkadu Taibessi no kareta lori modo mai mós sei chek-point hosi parte Polisia hafoin autoriza.

“Ami la’os kontra protokolu serka sanitária, maibé ami nafatin kumpri protokolu sira ne’ebé iha hodi kontinua halo negosiu tanba selae, ami atu uza saida mak fa’an iha situasaun ida agora hodi uza ba nessesidade lor-loron”.

“Oras ne’e modo iha merkadu menus tanba negosiante iha Munsípiu la lori sira nia modo tanba estrada taka, ho nune’e kompradores barak mak mai hadau malu sosa modo hodi halo ami rendimentu aumenta oituan kompara ho loron antes”,tenik Teresa.

Lee hotu :   Kondutór Taxi ida hetan baku iha área TDD oin

Koordenadór Jestaun Merkadu Taibessi, António Manuel Araújo, haktuir maske Governu aplika ona serka sanitária, maibé negosiante sira kontinua fila liman,  tanba nessesidade sira ida-idak nian.

“Ha’u nia ekipa Jestaun merkadu kontinua fahe informasaun ba negosiante sira, kontinua fa’an sira nia sasan, maibé importante mak kumpri regra sira hanesan, distansia sosial, uza máskra, fase liman ho sabaun, ida ne’e laos halo deit ba negosiante sira maibé ba mós kompradór sira”,afirma Koordenadór Jestaun Merkadu Taibessi.

Iha segunda feira semana ne’e, liuhosi reuniaun Konsellu Ministru (KM), deside aplika serka sanitaria iha Munisipu Díli,hodi taka estrada sira ba Munisipiu atu nune’e ema labele sai ba Munisipiu no hosi Munisípiu mai Díli.

No kontinua mantein distansia sosial, uza maskra no fase liman ho sabaun, maibé regra hirak ne’e negosiante iha merkadu Taibesi kontinua la kumpri.Fel

 

Add to Comments Here!!!!

error: Content is protected.
Secured By miniOrange
You might also like:
PNTL sobu ona dalan ne’ebé taka iha bairu SACROJES

Polísia Nasionál Timor-Leste (PNTL) husi Eskuadra...

FONGTIL: Membru BOP basa sidadaun na’in rua ne’e krime

Sosiedade sivíl liuhosi Forum Organizasaun Naun...

BFA halo ona transferénsia millaun USD 200 hosi FP ba konta Estadu

Governadór Banco Central de Timor-Leste (BCTL),...

Close