JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia grupu Naimori ameasa família Arnaldo

Deskonfia grupu Naimori ameasa família Arnaldo

Família Arnaldo Mendes Ribeiro, hetan ameasa liu husi média sosiál, deskonfia grupu   sira  husi  Konselleiru maxímu Partidu Kmanek Haburas Unidade Nasional Timor Oan (KHUNTO) José Dos Santos Naimori.

Relasiona ona  informasaun  ne’ebé mak antes ne’e, vítima Arnaldo Mendes  Ribeiro, ho  família Luis Mendes hato’o liu husi konferénsia imprénsa iha  semana kotuk iha Aldeia Efaca, Suku Manleu, katak,  deskonfia Vise Ministru Interiór, António Armindo, mobiliza Polísia ba halo atuasaun ba iha vítima Arnaldo, sein hatudu karta ruma husi Tribunál.

Visé Ministru Interíor António Armindo, rezeita  ho informasaun,  ne’ebé mak hato’o husi vítima Arnaldo Mendes ho Família Luis Mendes.

Ikus mai  vítima Arnaldo Mendes Ribeiro nia família,  Luis Mendes, hetan ameasa liu husi  média sosial, deskonfia  husi grupu ne’ebé mak fó apoiu ba iha Vise Ministru Interiór no Naimori, Hodi fó ultimatum ba   Luis Mendes atu  labele halo movimentu mesak sé lae bele hetan asalta.

Tanba ne’e iha Segunda (08/03/2021),  Luis Mendes no  vítima Arnaldo hato’o ona keisa ba iha Polísia Siéntifika Investigasaun Kriminál, atu buka tuir grupu sira ne’ebé mak lansa  infomasaun hodi ameasa, Luis Mendes no vítima Arnaldo ne’e.

 “Kona-ba  Vise Ministru Interior organiza Polísia mai kaptura ha’u nia maun ne’e  nia situasaun liu ona, maibé prosesu ne’e la’o hela. Maibé iha dia 4 Marsu 2021  iha kalan ami akompaña  televizaun, Naimori deklara katak, ha’u-nia maun Arnaldo ne’e di’ak, maibé problema ne’e nia alin sira mak sukit. Tanba  ne’e mak ha’u dehan Naimori nia deklarasaun ne’e bosok. Ha’u família Mendes hakrúk ba povu tomak la sadik ema ruma, maibé pesoál na’in rua Naimori ho señor Júlio  mak  koalia buat ne’ebé mak la loos  ka bosok. Tanba ne’e mak ami bele dehan katak, nia halo tentativa ka halo indísiu forte ba halo konspirasaun entré Naimori ho Vise Ministru Interior,  no Visé Ministru hodi forma krime organizadu. Nia bukti sira mak ne’e iha ne’e Nando Gatarya  ameasa ha’u katak,  ha’u nia loron haat nulu ne’e besik ona. Nando Gatarya ne’e fó atensaun katak, ha’u ba hariis fatin mós tenke kuidadu, tenke iha seguransa labele liu husi 10 meter, tenke iha seguransa. Ameasa sira ne’e mai husi fatin-fatin. Tanba ne’e mak ha’u dehan, sira-nia enkontru ida ne’e entré sira ne’e atu halo krime organizadu. Tanba ne’e, ami família husu ba líder sira rezistensia hotu-hotu atu fó apoiu tanba sira-nia aktu ida hatudu momoos katak, kontra prinsípiu ukun  a’an. Família ida ne’e komesa fó zero toleránsia ba Vise Ministru Interiór  nia atuasaun. Tanba ne’e, husu ba Primeiru Ministru atu tau atensaun ba kazu ida ne’e. No husu ba autoridade judisiáriu liu-liu Ministériu Públiku núdar  na’in ba asaun penal ninian atu bele halo investigasaun klean hodi buka tuir motive lolos  no autór prinsipal ba aktu ida ne’e”,esplika Luis Mendes, núdar família husi vítima Arnaldo Mendes Ribeiro, ba jornalista GMN, Segunda (08/03/2021), iha Bidau Santana.

Lee hotu :   Mal-prátika patrimóniu Estadu iha PN ■Arão:Iha dalan rua rekolla Prado husi eis deputadu

Antes ne’e mós Vise Ministru Interior, António Armindo, rejeita mobiliza Polísia ba halo atuasaun ba vítima Arnaldo Mendes iha Manleu.

To’o notísia ne’e publika, GMN seidauk hetan konfirmasaun ho Konselleiru maxímu Partidu KHUNTO, José Dos Santos Naimori.avi

Add to Comments Here!!!!

error: Content is protected.
Secured By miniOrange
You might also like:
PNTL sei blokeia komunidade husi Munisípiu mai kapitál Díli

Polísia Nasionál Timor-Leste (PNTL) Munisípiu Díli...

Konsidera privatiza PNTL ba interese partidária, CNRT husu PM Taur ezonera VMI

Vise xefe bankada CNRT, deputadu Gabriel...

PM Taur ho Membru Governu submete ba teste restreiu

Primeiru Ministru (PM), Taur Matan Ruak,...

Close