JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante Suai iha Díli 2284 menus ai-han

Estudante Suai iha Díli 2284 menus ai-han

Tuir dadus ne’ebé mak Sosiedade sivíl liuhosi peskizador Forum Organizasaun Naun Governamental  (FONGTIL) rekolha katak, estudante hamutuk 2284 hosi Munisípiu Covalima mak dadaun ne’e menus ona ai-han.

Peskizadór FONGTIL, Novelino dos Santos, hatete, implementasaun serka sanitária no konfinamentu obrigatóriu fó mos impaktu ba estudante sira hosi munisípiu mai kontinua estudu iha Díli, tanba laiha movimentu hosi Díli ba munisípiu no munisípiu mai Díli, nune’e halo família sira difísil haruka osan ba nia oan sira.

“Dadus provizóriu ne’ebé ha’u foti durante semana ida nia laran mak 2284, ne’e ba de’it kolega sira estudante hosi Suai, agora problema ne’ebé sira hot-hotu hatete mak kuaze ke atu hanesan liu-liu osan selu kost laiha, foos, mina. Sira dehan katak ne’e problema bo’ot”, hatete Novelino dos Santos, ba GMN, Tersa (16/03/2021) iha Bebora, Díli.

Novelino hatutan, Governu tenke aselera lalais  programa apoiu ne’ebé Governu planu ona atu fó subsídiu ba estudante sira, nune’e bele sustenta estudante sira moris durante iha aplikasaun serka sanitária.

“Hosi parte governante mos  halo ona polítika no planeamnetu ida oinsa mak atu fó subsídiu apoiu rona ba kolega estudante sira ne’ebé mak hela iha kost, atu hatete de’it hanesan ita nia hakarak mak governu tenki fó mak primeiru foos, mina, ho koperasaun servisu ho MTCI bele aloka foos, no nesidade báziku sira ne’e ba uluk estudante sira”,afirma nia.

FONGTIL  husu ba Governu  atu Governu presiza oferese kouta internet ba estudante sira, tanba iha situasaun ne’e ema hotu la hetan rendimentu.

 “Ita nia governu tenki oferese kouta gratuita ida ba estudante universitáriu sira, atu nune’e sira bele nafatin atualiza informasoens ou matéria akompanha iha sira nia rezidénsia, agora oinsa mak mekanismu atu halo regularizmu sira nia utilizasaun kouta. Ha’u hanoin governu bele halo koperasaun diak ho kada universidade, i departamentu hot-hotu ba halo rejistrasaun hotu sira nia númeru telefone, i alende ne’e mós governu halo koperasaun ho orgaun komunikasaun nian hanesan rede internet nian, para bele oferese internet gratuita mais ou menus regula sira tuir oras ne’eb’e sira nia materia hahú to’o matéria remata”,esplika Novelino.

Lee hotu :   Sosiedade Sivil konsidera seidauk tempu PN sosa kareta foun

Peskizadór ne’e mos informa,laos deit estudante universitariu maka dadaun ne’e presiza apoiu, maibe iha mos estudante sekundáriu ne’ebé huosi munisípiu hela iha kost ne’ebé presiza mos hetan apoiu hosi governu.

Dadaun ne’e governu liu-hosi Konsellu Ministru, implementa serka sanitária no konfinamentu obrigatóriu daruak ba kapitál Díli hosi loron 16 Marsu to’o loron 2 fulan Abril. Nune’e mós implementa dahuluk ba munisípiu Baukau no Vikeke hosi loron 16 to’o loron 29 fulan Marsu. Jen

Add to Comments Here!!!!

error: Content is protected.
Secured By miniOrange
You might also like:
PN ezije Governu lori fila médiku Timor-oan 23 hosi Cuba

Liu hosi deklarasaun bankada, deputadu António...

Aviaun Euro Atlantic tula fali pasajeiru 46 husi Timor ba Portugal

Aviaun Euro Atlantic, Tersa (16/03), tula...

Maioria kazu konfirmadu COVID 19 assintomátiku

Koordenadór Forsa-Tarefa ba Prevensaun no Mitigasaun...

Close