JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Família husi pasiente alta iha HNGV lamenta ho atendimentu SIJK

Família husi pasiente alta iha HNGV lamenta ho atendimentu SIJK

Família Pasiente sira ne’ebé baixa iha Hospital Nasional Guido Vadares Díli (HNGV) lamenta ho atendementu Sentru Integradu Jestaun Krizi (SIJK) nian, tanba alta ona husi HNGV, maibe trata guia de marsa atu fila fali ba munisípiu kleur liu.

Família pasiente sira hato’o sira nia lamentasaun ne’e  ba JNDiário iha Hospital Nasionál Guido Valadares, Dominggu (28/03), tanba sira hein karta autorizasaun husi SIJK nee kleur liu. Nune’e obriga  tenke hela nafatin iha Hospital Nasionál Guido Valadares, tanba laiha família iha Díli no laiha osan atu sosa hahan.

Ho problema ne’e, família pasiente sira nee husu ba Hospital Nasionál no Sala Situasaun Sentru Integradu Jestaun Krizi, atu prosesa lalais pedidu guia de marsa nebe sira apresenta ona, nune’e sira bele fila lalais ba sira ida-idak nia hela fatin.

Tuir mai komentariu familia pasiente sira nee:

João da Costa, Família Pasiente ”Hau nia oan ne’e moras, ami mai baixa iha hospital ne’e, no ami alta tiha ona loron 5 ohin, maibé surat ida ba mai hodi ami fila laiha, labarik demora iha ne’e, ami hodi han saida, osan mos laiha atu sosa hahan ne’e mak ami hein loron Lima to’o agora karta ne’e seidauk mai, hamlaha tan ami iha ne’e atu han saida?, Família iha Díli laiha, ami kan iha Aileu loron-loron labarik ne’e han hahan hospital nian, maibé ami diak ida ami la han, tamba ami laiha osan atu sosa hahan iha dader, meiudia, kalan tan ami barak balun loron 7, balun semana Ida no balun to’o semana rua ona hodi hein karta COVID nian ne’e, kumpri ne’e ami kumpri só que ami terus, tamba ami osan laiha”.

Lee hotu :   Luis Lobato : “Hau sei hala’o servisu to’o Ministru Saúde foun tama”

Virginia Guterres, Família Pasiente, hatete sira alta loron hitu (7) ona, maibe kareta laiha no mos sira sei hein karta guia de marsa husi Sentru Integradu Jestaun Krizi.

“Ami alta ona loron 7 atu ba mak kareta laiha,no hein karta COVID nian to’o agora karta ne’e la mai ,tamba dehan ami fila ba ami nia munisípiu ne’e tenki iha karta gia de marsa, ami husu prosesa lalais, tamba ami iha ne’e kleur los loron 7 ona, ami osan laiha atu sosa hahan hodi, tamba etu ne’ebé hospital fahe ne’e ba pasiente de’it”, dehan Virgina Guterres.

Tomas Nunes, hatete “Hau lori hau nia oan mai baixa iha ne’e, difikuldade barak los mak hau hasoru iha ne’e, tamba tuir kbi’it ne’ebe ami iha durante ne’e ami susar tebes, tamba ema sira ne’ebé iha osan sira bele han, ami sira osan laiha ami sofre liu hodi hein karta guia de marsa ne’e, wanhira los mak lori mai atu nune’e ami bele fila ba ami nia uma ,tamba ami nia familia iha Díli laiha”

Madalena das Venes,“Hau partus iha ne’e oan nain 2 kaduak mane rua ,desde hau mai iha loron 25 fulan Marsu ne’e, bebe kaduak ne’e, hau ho nia aman mak hein ne’ebé família balu atu mai vizita ami mós sekuriti la autoriza, família mak atu mai mos hanesan ida ne’e mak la simu, tamba wanhira ita partus ita tenki han barak tantu husi hospital nian no husi uma nian”.

Andre da Costa,”Povu ne’e terus demais ona,tamba balu mai husi distritu surat laiha sira la fo tama ,osan iha neebe mak sira atu han hemu ,familia iha dili laiha kecuali mai husi foho:

Lee hotu :   DNPKK husu estudante 12 Novembru prevene konflitu

Relasiona ho situasaun ne’e, JNDiário tenta halo konfirmasaun ho Ekipa Investigadór balu iha HNGV, no investigadór ne’e hateten,  bainhira pasiente sira alta, hospital haruka kedas dadus pasiente nian ba sentru informasaun hospital nian, hodi tranfere ba Sala Situasaun Sentru Integradu Jestaun Krize mak foin prosesa guia de marsa ne’e.

Maibé kona-ba prosesa guia de marsa kleur ne’e, responsavel Sala Situasaun Sentru Integradu Jestaun Krize nian.

Nune’e mós ba hahan pasiente nian, Ekipa investigadór Hospital Nasional sira dehan, hospital fó han de’it  pasiente sira, loron ida han dala tolu no snack dala rua, tuir orsamentu ne’ebé alokadu husi Ministériu Saúde.

Ekipa investigadór hospital nasional esplika, wanhira pasiente ne’e alta, pesoal saúde sira swab hotu hodi hatene nia rejultadu, hafoin submete ba prosesa sira nia guia de marsa iha Sala Situasaun Sentru Integradu Jestaun Krize.

Dadaun ne’e, família no pasiente hamutuk 41 maka iha hela Sala Situasaun Sentru Integradu Jestaun Krize, hodi prosesa nia guia de marsa. Família pasiente sira, ne’ebé alta hodi fila ba ida-idak nia munisípiu, sei sa’e  tuir Ambulansia ne’ebé tula moras mai Díli.Tos

 

Add to Comments Here!!!!

error: Content is protected.
Secured By miniOrange
You might also like:
Membru UPF no F-FDTL iha Tilomar toba iha udan-laran

Membru Unidade Patrullamentu Fronteira no FALINTIL...

Pozitivu Covid-19, Naimori tama izolamentu Hotel Novo Horizonte

Ekipa konjunta Saúde hala’o teste swab...

PN husu Governu kria kondisaun ba estudante sira hodi kontinua aprende

Parlamentu Nasionál (PN) liuhosi Prezidente komisaun...

Close