JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu distribui foos fuhuk ba estudante UNDIL ne’ebé hela iha kost

Governu distribui foos fuhuk ba estudante UNDIL ne’ebé hela iha kost

Estudante Universidade Díli (UNDIL), triste tanba foos ne’ebé Governu liu husi Ministériu Solidariedade Sosiál no Inkluzaun (MSSI) apoia ba estudante UNDIL a’at, fuhuk no ular, nune’e ladiak atu konsumu ba saúde umana ninian.

Estudante UNDIL, Anacleto Roberto Soares, triste tanba foos ne’ebé simu, la’ós foos ne’ebé diak atu konsumu, maibé simu fali foos ne’ebé a’at.

“Ha’u estudante sente fuan moras. Parte ida ami agradese ba MSSI nia apoiu hodi tulun ona ami estudante sira ne’ebé hele iha kost, maibé mós ami triste tanba foos ne’e ami simu ami labele konsumu tanba foos a’at no se ami konsumu bele fó impaktu ba ami-nia saúde”,dehan Anacleto Roberto, ba JN-Diário Segunda (22/03/2021), kampus UNDIL, Maskariñas, Díli.

Estudante UNDIL ne’e afirma, foos ne’ebé Governu distribui ba estudante sira balun laiha kondisaun atu konsumu tanba foos ladi’ak no metan hotu. Kolega balun simu lori ona ba uma no to’o iha uma loke karol haree foos a’at hotu no sira deside atu foos refere fó han ba fahi, tanba sira labele konsumu.

“La’ós dehan katak, ami kritika MSSI maibé ami husu karik Governu iha hanoin atu fó apoiu foos ba estudante tenke fó foos ne’ebé mak kualidade diak, nune’e estudante sira bele konsumu. Ha’u pessoalmente sei entrega fila-fali foos ba Universidade hodi fó fila ba Governu tanba ha’u lakohi komsumu hodi estraga ha’u-nia saúde”,subliña.

Nia husu ba Governu atu foti fila-fali foos ne’ebé a’at hodi fó fila-fali foos diak, atu nune’e estudante sira ne’ebé simu foos a’at bele troka fila-fali hodi uza iha situasaun serka sanitária.

Lee hotu :   Hafoin suspende viajen, Ró Sukses tula fali pasajeiru 1000 ba Oecusse

Nune’e mós, Reitor UNDIL, José Belo, husu ba Governu karik ba futuru bainhira atu fó apoiu ruma tenke verifika uluk molok halo distribuisaun.

“Ha’u hanoin presiza ba oin, bainhira ita atu fahe tan foos husu atu MSSI verifika uluk molok distribui, tanba dalaruma foos barak ema ne’ebé servisu oituan, nune’e sira la konsege deteta foos ne’ebé a’at, tanba ne’e dik liu verifika halo didiak”,dehan.

José Belo, husu Governu atu hadia mekanizmu sira hanesan ne’e no hadia komunikasaun ne’ebé diak ho Universidade, nune’e hosi Universidade bele haruka funsionáriu ka Dosente balun atu akompaña hodi tulun hadia labele mosu situasaun sira hanesan ne’e molok halo distribuisaun.

“Iha duni foos balun ne’ebé estudante sira simu no laiha kondisaun atu estudante sira konsumu, maibé ami koko esplika ba estudante sira katak, intensaun Governu nian diak, maibé dalaruma tanba foos tau iha armajen kleur, nune’e ikus mai foos a’at hotu. Ami tenta koalia ona ho Dosente kada Fakuldade atu foti hela dadus nune’e foos ne’ebé a’at bele informa fali ba Ministériu relevante no ne’ebé di’ak nafatin distribui ba estudante,”haktuir.

Nia hatutan, tuir dadus hosi UNDIL, estudante ne’ebé hela iha kost hamutuk 574 no estudante hirak ne’e mak simu ona foos ne’ebé Governu liuhosi MSSI fó.

Hatán ba kestaun ne’e, Diretór Nasionál Asistensia Sosiál MSSI, Lucas Tois, hatete, parte tékniku MSSI simu ona informasaun relasiona ho foos ne’ebé a’at, no husu Universidade atu fó fila foos ne’ebé a’at hodi troka fali foos di’ak.

“UNDIL, ami fó apoiu foos hamutuk 574 saka, no ami la’ós dehan foos a’at, tanba foos ne’e MSSI simu hosi Sentru Lojístika Nasionál (CLN-sigla portugés), ne’ebé mak durante ne’e apoiu ona ba orfanatu sira, komunidade, família vulnerável, dezastre naturais  no Instituisaun Solidariedade Sosiál sira foos mak ne’e”,esplika.

Lee hotu :   Sahat Sitorus triste negosiante Kampung Alor fila ba Indonézia

Lucas dehan, karik estudante sira identifika foos balun ho kualidade la di’ak bele informa fali ba MSSI, tanba ekipa labele loke foos hosi karol ida ba karol seluk  hodi verifika molok distribui ba Universidade sira no foos ne’ebé a’at, Universidade bele haruka fila hodi troka fali foos di’ak.

“Stock foos ne’ebé agora iha sufsiente ka lae? ami labele garante. Tanba serka sanitária ida agora ne’e tama ona ba Nasionál no stock ne’ebé agora iha hamutuk 28 mil sakas,”subliña.

Nia haktuir, mobilizasaun foos hahú hosi Domingo to’o (segunda-horiseik), MSSI apoia ona foos ba Instituisaun Akadémika 14 ho totál foos 5.587 saka. Fel

 

Add to Comments Here!!!!

error: Content is protected.
Secured By miniOrange
You might also like:
Olinda dezafia deputadu sira ko’a saláriu 50% ba estudante sira

Deputada bankada KHUNTO, Olinda Guterres liuhosi...

PN hasai ona imunidade deputadu ‘Kalohan’

Parlamentu Nasionál (PN) kinta lejislatura, hasai...

COVID-19: Kazu foun sia inklui Munisípiu Lautem ida

Koordenadór Forsa-Tarefa ba Prevensaun no Mitigasaun...

Close